فرقتنا الظروف وجمعتنا منيفه

30

ذكروني بدعوه يذكركم الله بكل خير 🌷
صلو عليه شفيع الأمة ذكرتك الروح حباً ، وعليك القلب صلى.
☕🍃

*وكذا مر على ابطالنا أسبوعين وسلمان الي لازال غايب عن اهله وجالس عند اهله منيره أللي مهتمين فيه وراعيينه وكذب عليهم إنه ضاع بطريقه وماقال الحقيقة بانه انغدر فيه " وبقى أسبوعين لعرس عبد الرحمن وجوري .

.......ديره ابو منيره الصبح......
جالس ابو منيره وسلمان بالحوش ويفطرون ٬ وفي الوقت أللي جالس ابو منيره وسلمان خرجت منيره وهي لابسه عبايتها ومغطيه وجها ٬ وقالت وهي صاده بصرها عن سلمان أللي لمحها ونزل نظره لفجال القهوه : يبه بروح اشوف الحلال ويمكن أتأخر عندهم .
أخذ مناديل وقال وهو يمسح يدينه وعيونه لمنيره : بتروحي بروحس او أحد بيروح معس ؟
ابتسمت وشفتيها متسكرها وقالت بنبره هادئه مبتسمه : لا يبه بروح مع صالح .
قطب حاجبيه سلمان بستغراب وهو يعرف ماعند ابو منيره غير منيره ٫ ولمح بطرف عينه منيره أللي مشت وخرجت من حوشهم ٬و أول ماشفها خرجت رفع راسه ل ابو منيره وهو يقول : منهو هذا صالح ؟!
ابتسم ابو منيره وهو يقول : هذا بزر تحبه منيره .
تنهد ببتسامه سلمان وهو يقول : ايه زين الله يديم المحبه " ورفع يده وهو يمسح على شنبه وقال : جميلك ياعم هادي والله ماني بناسينه طول عمري .
ضحك ضحكه هادئه ابو منيره وهو يقول : أبد وأنا عمك ماسويت الا واجبي .
نزل نظره لفنجاله سلمان وهو يقول : الله يطول بعمرك ٬ ورفع راسه لابو منيره أللي يناظره وقال : وإذا ماعليك تكلفه ياعم كمل جميلك وردني لبيتي.
ضحك ابو منيره وهو يقول : وين اردك والله ماتروح ألا لين اضيفكك باتسر و اخذك باليوم أللي بعدوه .
ابتسم سلمان بنحراج وهو يقول : يطول بعمرك كل هالسبوعين أللي جالس عندك ماهي بضيفه؟
ابتسم أبو منيره وقال وهو يوقف ويمسك على ركبه : لا
وقف سلمان وهو يأخذ مواعين الفطور إلي فطروا فيهم وراح ورا وابو منيره أللي دخل البيت وهو يقول : خوذهم المطبخ منيره ماهي بموجوده وامها تشوفها عند غنمها .
ضحك سلمان وهو يدخل المواعين المطبخ ويغسلهم وينشف " ابتسم أبو منيره وهو يشوف سلمان يشمر اكمام ثوبه ويغسل المواعين وقال : خلهم والبنيه بتجي وتغلسهم لا تتعب نفسك .
لف راسه سلمان لابو منيره وقال بيتسامه : ابد ولا في أي تعب ياعم .

..........بيت أبو فارس........
بوقت الظهر أللي يكون فيه حمد بدوامه المدرسي وفارس وسطام بشغلهم " وفي هالوقت كانت نوره تصلي بغرفه وعد الظهر ٬ ووعد جالسه وتغير لمنيف ملابسه لان يقين وبوها بيجواً ياخذوا منيف عندهم ٬ خلصت نوره صلاتها وهي ترفع السجاده وتقول وهي تجلس بطرف السرير وتمسك يد منيف أللي يحركها بشغاوه : وعد ؟
ابتسمت وعد وهي تشوف منيف ياخذ يد نوره ويحطها بفمه وقالت : عيونها .
ضحكت نوره وهي تنزل نظرها لمنيف اللي يعض يدها وقالت : ياروحي يمكن جوعان ؟!
وقفت وعد وهي تأخذ رضاعت منيف من فوق الطاولة وتسوي له حليب وقالت : بسوي له حليب بس مابيه ينام لانه بيزعج يقين بالليل .
اكتفت ببتسامه خفيفة وهي تحط راسها بجنب راس منيف وقالت : ازعاجه يجيب العافيه.
رجعت الرضاعه وهي تجلس بطرف السرير وتحطها بفم منيف اللي رفع رجوله وهو يحركهم بحركات سريعه وقالت : ياعمري ينوره .
وسمعين طق الباب وعرفوا بانه حمد وقفت نوره وهي تقول لوعد أللي كانت بتوقف : خليتس مع منيف بروح افتح أنا " وخرجت من غرفت وعد وهي تنزل بهدوا من الدرج ٬ وقالت وهي تسمع حمد ينادي ويطق الباب بقوه : جيتك ياحمد جيتكك .
حمد أللي كان يطق الباب وهو يلم نفسه بجاكيته ويقول : بسرعة تجمدت برد .
ضحكت نوره وهي تفتح لحمد الباب وتقول : ادخل قبل تجمد .
دخل حمد وسكرت نوره الباب وقالت وهي تشوف حمد يشلح بوته وشنطته : كيف حمد اليوم هو ودوامه ؟
ابتسم حمد وهو يدخل الصاله ونوره وراه وقال : كويسة واليوم مر بسرعة وماحسيت بتعب فيه .
ابتسمت نوره وهي تجلس بجنب حمد أللي جلس وأخذ الريموت وشغل التلفزيون ويشاهد : بتغدا الان او بتصبر لاخوانك ؟
تثاوب حمد وهو يرمي الريموت بخفه لفوق الطاولة الصغيره اللي قدامه وقال : مالي نفس اكل شي الان بعدين لين يجي سطام وفارس .
هزت راسها بطيب وهي تلف لخلفها وتشوف وعد نازله ومنيف بحضنها " وقربت وجلست بجنبهم وقالت لحمد إلي وقف وأخذ منيف من حضنها : شخبارك ؟
ابتسم حمد وهو يجلس ويبوس منيف إلي يصارخ بضحك وهو يشوف حمد يبوس خشمه وعيونه وجبينه : اخباري تسرتس " وضحك وهو يشوف منيف يمسك خشمه وقال : لا تخربش وجهي.
ابتسمت نوره ووعد وعيونهم لحمد اللي يلعب منيف وهو يضحك على صوت صراخ منيف وزعاجه .
وبين ضحك حمد وصراخ منيف دق جوال حمد وكان فارس " وقف حمد وهو يحط منيف بحضن وعد ورد على فارس اللي تكلم وهو يصارخ ويقول : حمددد البييت ماتفتحوه صقر بيجيكممم اياااك ياحمدد تفتح الباب " مامدا حمد يرد لانه سمع طق باب البيت ٬ سكر الجوال ورامه للأرض وهو يهتف لوعد ونوره أللي فزو من ازعاج طق الباب : صقر هذا صقر.
وقفت وعد وهي تضم منيف بقوه لصدره وقالت برجفه وهي تلف راسها لجهه باب البيت وترجع لنوره اللي وقفت بخوف : حمد دق على فارس.
مارد حمد وهو يمسك نوره ووعد وياخذهم للغرفه وقال وهو يدخلهم لها : وش ما صار لا تخرجوا من هنا .
كان بيخرج حمد من الغرفه بس نوره مسكته وهي تقول من بين اسنانها بحده : ليه انت وش بتسوي يا بزر والله متخرج لحالك الا رجلي على رجلك.
ابعد يد نوره منه وهو يهتف بصوت عالي : ويييين تبين تخرجين ؟؟ خليتس مع وعد.
بكت وعد وهي تقول وتسمع بكاء منيف أللي ضامته لصدرها بقوه : حمد تكفى لا تخرج دق على فارس وسطام.
وبين نقاشهم وبكاء وعد ونوره ومنيف اللي متوجع من ضمه وعد له " سمعوا دوريات الشرطة وصراخ والزعاج أللي انصدر من الحوش .