فرقتنا الظروف وجمعتنا منيفه

32

الا بذكر الله تطمئن القلوب
صلو عليه شفيع الأمة ذكرتك الروح حباً ، وعليك القلب صلى.
☕🍃

                            
...اليوم الثاني ومن صباح يوم عرس ال عقاب ونبتدي صباح يومنا بيت أبو اسر أللي أخذ منيف وخرج صالوان الحلاقه عند ليث واهله ٬ ووعد ويقين اللي خرجوا المول ياخذوا لوعد فستان ٬ وعند اهل عروستنا حريم ال عقاب كلهم اللي راحوا الصالوان الميكب وشعر .

ونبتدي عند الشباب أللي بصالون الحلاقة ٬ دخل اسر ومنيف بحضنه لصالوان وشاف كل اهل عقاب غير الشيبان أللي بالبيت رد عليهم السلام ببتسامه شاقه وهو يشوف الكل راح لعنده ويسلم على منيف اللي يصارخ بنزعاج من البوسات أللي تجيه على وجهه ٬ ضحك اسر وهو يهتف وعيونه على منيف أللي قاطب حاجبيه بنزعاج ويصارخ وقال : خلاص بسكم ضايقتمه .
ضحك سهيل وهو يضرب خدود منيف بخفه وقال : ليه كل هالعصبيه ؟!
صرخ منيف وكانه يقول بس بس ذبحتمني ٬ ليضحكوا الكل غير ليث أللي مكتفي ببتسامه وهو يمد يدينه وياخذه من حضن اسر اللي انشقت ابتسامته بفرح لما شاف ليث يأخذ ولده وهو يقول  : اسمع يالنتفه لا تطلع مثل ابوك عصبي وعنيد خلك مثل عمك ليث .
ضحك اسر وهو يقول وعيونه لليث اللي رفع نظره له : مبين مين العصبي والعنيد يابو اسر!
ابتسم ليث وهو يبوس خد منيف أللي ماصرخ ولا اصدر أي صوت بنزعاج وقال وهو يمد منيف ل اسر : اقول خذ النتفه المزعج .
شهق منيف ببتسامه وهو يشوف نفسه بحضن اسر أللي يبوس جبينه بحنان وقال اسر : بسم الله عليه اذكروا الله فيه .
الكل أللي ذكروا الله وصار منيف ينواخذ بين الاحضان تحت صراخه وعصبيته اللي مايبي أحد ياخذه غير ابوه .

.......وعند يقين ووعد......
أللي وصلين المول ودخلين محل الفستين وبعد عناء ووعد ماشافت الفستان المناسب لها ٫ قالت ليقين أللي تناظرها : ولا واحد فيهم حلو!
ميلت شفتيها من تحت النقاب وقالت يقين وهي تقرب وتمسك يد وعد : تعالين اخر محل بنشوف فيه او بنروح مول ثاني .
وبعد عنا من البحث عن فستان أخيرا لقوا الفستان المناسب لوعد ورجعوا البيت بدري وقبل حتى اسر يرجع وبدات يقين تسوي لوعد الميكب وشعرها قبل اسر يوصل .

....وعند حريم ال عقاب....
الكل أللي كان عند الكوفيرا والميكب ارتس والكل أللي تجهزوا ٬ وبعد ساعات للعصر الحريم أللي خرجين وراحين القاعه ٬ يكملين باقي التجهيزات هناك.

......العصر بيت أبو اسر.....
دخل اسر ومنيف بحضنه الصاله وشاف ابوه كاشخ وجاهز رد السلام عليه ٬ وهو يقول ببتسامه : هالله هالله عاش ابو اسر  عاش.
ابتسم ابو اسر وهو يقول : هاه كيف شباب أو لا ؟!
ضحك اسر وهو يهتف ويقرب يبوس راس ابوه وقال : وينن الله يطول بعمرك شباب وشب مني .
ضحك أبو اسر وهو يشوف منيف قطب حاجبيه بنعاس وقال : بتاخذ منيف معنا لقاعه الرجال ؟!!
نزل نظره لمنيف وقال ببتسامه حنونه : ايه بخذه معنا .
ورفع نظره هو وابوه لصوت طق الكعب وكانت يقين ودانيه نازلات ٫ ابتسم ابو اسر وهو يمدح فيهم الثنتين غير اسر اللي عيونه على يقين وهو يقول : الله الله وش هالزين يابنت وين كنتي مخبييه كل هالزين ولحلا!!
ضحكت يقين وهي تقرب من اسر وتقول : ياخي استحي ترا مو متعوده على المدح .
ضحك اسر وهو يبوس راسها بحنان وقال : دام كذا من اليوم بتسمعين كل الكلام الحلو والمدح .
ابتسمت يقين وهي تمسح على وجه منيف أللي يناظرهم وهو صامت بنعاس وقالت : لا خلا منك ولا ومن هالنتفه  .
ابتسم اسر وهو ينزل نظره لمنيف ورجع رفع عيونه ليقين وقال : وعد زهبت او لا ؟!
رفعت حاجبيها ونزلتهم ببتسامه وهي تقول بهمس ل اسر : القمر ينتظرك روح لها .
تنحنح اسر بحرج من يقين وهو يقول ويصعد غرقته : بغير ملابسي وجيكم مع الشيخ منيف .
ضحكت يقين وهي تسمع لدانيه أللي تقول : مدري وش شايف فيها ؟!!
ميلت راسها ببتسامه وهي تقول يقين : ياحبس لنكد ٫ وضحكت وهي تسمع المدح اللي يجيها من ابوها .
عند اسر أللي صعد غرفته وقبل يدخل أخذ نفس ٬ وهو يرفع يده لمسكت الباب ويفتح بشويش ' وعند وعد أللي كانت تزهب ثوب منيف واسر لفت راسها لفتحت الباب وشافت اسر وبحضنه منيف  ٬ ارتخت كل اطرافها وهي تشوف نظرات اسر أللي دخل وسكر الباب وراه وهو يناظرها بدقه وتفصيل ٫ بلعت ريقها بحرج وهي تنزل نظرها لفستانها ورجعت رفعت نظرها ل اسر أللي هتفت وهو يقول : أنا شهد بأن يقين صادزه يوم قالت القمر ينتظرني.
قطبت حاجبيها وهي تشوف اسر حط منيف عسرير ورجع لها وهو يناظرها ٫ اسر أللي فصلها تفصول بنظراته وعيونه تنزل لفستانها الكحلي وكانها اميره من اميرات دزني ورجع رفع نظره لوجها بهيام وهو يشوف عيونها الموسعه بكحل كحلي ورموشها الطويله وحاجبيها المرسومه وكانها سيف وختم نظراته لشفتيها المرسومه بالاحمر البني وهو يهتف ويقول : بسم الله عليتس ياعيني عيني عليتس بارده صدز ماشاءالله سبحان الله صدز أنا القمر يخجل من طلوعتس تهبلين بسم الله عليتس من يشوفتس في طريقه يذكر الله فارقه بالحسن من بد الصبايا .
مالها الا تبتسم وهي تبادل حضن اسر اللي حضنها وهو يقول : ياحظي فيتس وحظ عيوني يوم شافتس .
ضحكت ضحكه هادئه وهي تهتف ويدينها بظهره اسر وقالت : اسر بنتاخر روح تروش وغير ملابسك عبال ماروش منيف واغير لوه .
ابعدها اسر شوي وهو يحط كفين يدينه بوجها ويقبل جبينها وقال : وين بنتاخر ترا في وقت .
ضحكت وعد بخفه وهي تبعد من اسر وتجلس بطرف السرير وتحط يدها بصدر منيف أللي غمض عيونه بعد صباح كان متعب له وقالت : الا بنتاخر الساعة سته لازم نكون بالقاعه والان صارت أربعة ونص مابقى شي للخمسه .
رفع كف يده وهو يمسح على شنبه وقال اسر بفشله : ايه صح لازم نكون مع اهل عقاب خطوه بخطوه ٬ وضحك وهو يبعد متجه للحمام ويأخذ له شاور ٫ ووعد اللي أخذت منيف وراحت لغرفه يقين أخذت له شاور دافئ وهو نايم ورجعت الغرفه اسر أخذت ثوب منيف أللي مفصله له اسر وبشته الأسود المطرز بذهبي واخذت نعاله الأسود وهي تلبسهم ياه ٬ وظلت تصحيه لحد ماصحي وهو يبكي اخذت عقااله وشماغ ولبستهم ياه وكانت تنتظر اسر يخرج ويشوف النتفه أللي بين احضانها .
ومر وقت ووعد تنتظر اسر ٫ وبعد دقائق خرج اسر من الحمام وانتو بكرامه وهو يرفع نظره لوعد أللي هتفت ببتسامه وهي تقول : شف هالنتفه اللي بيغطي عليكم كلكم .
اتسعت ابتسامت اسر وهو يحط منشفته حوالين رقبته ويقرب من وعد ويأخذ منيف اللي ابتسم أول ماسر اخذه وقال اسر وهو يبوس خد منيف أللي شهق ببتسامه : ياربي تبي اكلك يبوي الان ؟!
ابتسمت وعد وهي توقف وعيونها ل اسر ومنيف وقالت : روح غير لا تبرد وتمرض .
مد منيف لوعد وهتف اسر وهو يقرص خشم وعد بخفه وقال : ابشري وامري ٬ وراح أخذ ثوبه الابيض وشماغه الأبيض المخطط بالاحمر وأخذ عقااله الأسود وهو يحد نظرته بالمرايه وينسف الشماغ وعيونه المحدده بالمرايه رايحه لوعد اللي تناظره ببتسامه وبحضنها منيف ٬ لف اسر لها وهو يتقدم منها وياخذ منيف وقال : آخر المسات لازم اتعطر مع الشيخ منيف .
رفعت حاجبيها وقالت وعد بحرص : عطرك ثقيل بياثر عليه .
ميل راسه اسر وقال وعيونه بعيون وعد اللي أخذته لعالم موب عالمه وقال : خايفه علي او على منيف ؟
قطبت حاجب ونزلت حاجب وقالت بسخريه باسمه : لا والله وليه  اخاف على رجال طول وعرض ؟!!
ضحك اسر وهو يبعد لجنب التسريحه ويأخذ عطره ويعطر منيف ورجع عطر نفسه وقال : بخلي أثري فيك يبوي .