فرقتنا الظروف وجمعتنا منيفه

33

الا بذكر الله تطمئن القلوب
صلو عليه شفيع الأمة ذكرتك الروح حباً ، وعليك القلب صلى.
☕🍃

هالبارت أللي اشتاقوا ل اريج
واكيد تفاعلوا بالبارت ٣٢ وبكل البارتات اكيد

...ونبتدي أول ايام شهرنا من شهر شعبان أللي اجاء على أجمل أيام الشتاء ولبرد و بديره أبو اريج...
كانت اريج واقفه بجنب الفرن وتزهب لها شاهي وهي تهتف وعيونها على ابريق الشاهي : يووه ي شاهي الحمدلله بنكك حلالي  ٬ وبتسامه ضاحكه وهي تلف راسها لصوت سوير اللي داخله مع سلمى وهي تقول : ياعمري الحمل ضارب لش مخش ؟!
ضحكت اريج وهي تطفي النار وتاخذ ابريق الشاهي وتصب لها وهي تقول : خلوني ابعد روحي عن اللجه وشرب شاهي .
تقدمت سلمى وسوير لجنبها وقالت سلمى وعيونها لبطن اريج : اشربين ي ام عبدالله اشربين .
قطبت حاجبيها سوير وهي تنحني وتحط يدها ببطن اريج وهي تقول : حسب تحليلي بتكون ام منيفه , ورفعت راسها لعيون اريج وهي منحنيه وكملت وهي تقول : وش تقولين بنت أو ولد ؟!
قطبت حاجب اريج وحطت يدها ببطنها وتحسسها وهي تقول : مدري بس أقول ولد!؟
وقفت سوير بتنهده وهي تقول : وأنا أقول بنت ٫ ورفعت عيونها لسلمى أللي ابتسمت وهي تقول : وأنا واريج نقول ولد .
ضحكت اريج وهي تأخذ فنجال الشاهي وتخرج من المطبخ لغرفه ابوها أللي كان نايم على سريره ٫ ورجعت للورا وهي تهفت لسوير وسلمى بهمس : تعالوا الحوش .
وخرجت الحوش مع سوير وسلمى أللي يتهاوشواً وش بيكون الطفل ٬ واريج الي صامته بضحك وعيونها عليهم اللي صاروا يتضاربواً ، شافت البنات شوي ويتذابحوا حطت فجال الشاهي من يدها وهي تقول بعصبيه : صماا أنتي وياها جعلكم بساحق وش صااار عليكم ؟!!!
صمتت سلمى بفشله عكس سوير أللي هتفت وهي تقول : بنت يعني بنت .
رفعت حاجبيها سلمى بحده وهي تقول : غصبااا تبيها بنت أنتي !!!
هزت راسها سوير بايه وهي تقول : بنت يعني منيفه بنت اريج
هزت راسها اريج بمسايره وهي تقول : طيب خلاص بنت بنت وش عاد تبين ؟!
ابتسمت سوير وهي ترقص حاجبيها وعيونها على سلمى أللي قطبت حاجبيها وتناظرها بطرفت عينها وقالت : بنكون خالات منيفه تسمعين ي عبدالله ؟!!
ماردت سلمى وهي تقول ل اريج وتصد عن سوير اللي قطبت حاجبيها وهي تناظرها : الله يصبرنا ياريج على نشبه!
ضحكت اريج وهي ترفع عيونها لسوير أللي اشرت على نفسها وهي تقول  : أنا نشبه ي ضب الديرة ؟!
هزت راسها سلمى بايه وعيونها بخوف على سوير أللي تشمر اكمام جلابيتها وهي تقول : واذا اخفيت ملامحش ماتزعلين؟!
ابعدت سلمى من جنب سوير بخوف وهي تقول بحده : اقول اهجدين وتعوذين من الشيطان أللي راكبش .
رفعت حاجبيها بضحك اريج وهي تقول وعيونها على سوير : بس خليني اولد بسلامه وبتشوفين مين أللي بتخفي ملامح الثانية .
ضحكت سوير وسلمى وقالت سوير بضحك : لا كذا أنتي وسلمى ومنيفه بتصيروا متوحدات ضدي وأنا لحالي ظلم والله .

........بيت أبو اسر ......
كان البيت هادئ غير صوت منيف اللي يحبي بصاله وهو يصارخ , ضحك اسر وكان يزرر اكمام بدلته العسكرية وهو نازل من الدرج بخطواته الثقيله ٫ وعيونه على منيف أللي شافه وصرخ بضحك وهو يحبي تجاه الدرج ٫ وقف اسر باخر درجة وهو ينحني ويأخذ منيف أللي مسكه من رجوله وهتف ببتسامه وهو يرفع منيف بين يدينه ويقول : صبحك يبوي برضى.
غمض عيونه منيف ببتسامه وهو يحط راسه على كتف اسر أللي حط كف يده بظهر منيف وقال وهو يتوجه للمطبخ وشاف وعد ويقين واقفات ويزهبين الفطور : صبحكم الله بالخير .
لفت راسها وعد ويقين وهتفين ببتسامه : يصبحك بنور .
تقدم اسر لجنب وعد اللي هتفت وهي تقول : شفيه منيف ؟!  ٫ وضحكت وهي تشوف منيف رفع راسه من كتف ابوه وهو يقول بنبره غير مكتمله : بابا .
رفع حاجبيه اسر ببتسامه وهو يشوف منيف يحط يده الصغيره على فمه وقال : لبيه يبوي .
رفعت عيونها يقين ل اسر وقالت ببتسامه : بتفطر أو نزهب لك لدوامك ؟!
ناظرها اسر ورجع رفع عيونه لوعد أللي تناظره وقال : لا بفطر برا مع اوبو اسر  ٬ وتقدم وكان بيعطي منيف لوعد بس استوقفه صرخت منيف ببكاء وهو يشده من بدلته العسكرية , رجع وضمه لصدره وهو يقول : خلاص يبوي ولا اتركك .
وناظر وعد اللي تهتف وهي تقول : عطني ياه بيبتسي شوي ويسكت .
رفع حاجبيه اسر لوعد وهتف وهو يسمع صوت منيف أللي يصدره وهو يبكي وقال : روحي جيبي ملابسوه باخذوه معي .
لفت نظرها ليقين ورجعت ناظرت اسر اللي لازال يناظرها وقالت  :  أنت رايح القسم منت برايح بقالة!
قطب حاجبيه اسر وهو يناظرها وقال : باخذه ساعه ورده ويلا نطي جيبي له شي دافي يلبسه .
هزت راسها برضى وكانت بتخرج من باب المطبخ بس وقفت وهي تشوف أم اسر دخلت وهي صاده عنها وتهتف بهمس بسموع لوعد أللي جرحها : بيتحملتس بالكثير شهرين أنت وولدتس ويطلقتس .
بلعت غصتها وهي تبعد منها أللي دخلت وهي ترد الصباح على اسر وتسولف معه ٫ صعدت غرفه اسر أخذت بجامه قطن بالون البني الكيوت لمنيف وهي تحاول تكافح دموعها لا تنزل وتضعف أكثر قدامهم , ونزلت وشافت اسر وابوه جالسين بصاله ومنيف بحضنه ٫ مدت البجامه ل اسر أللي اخذها وهو يكلم ابوه وقالت بنبره هادئه : ازهب لمنيف حليب ؟!
أول ماسمع نبرت صوتها رفع عيونه لها وقال وهو قاطب حاجبيه : شفيتس ؟!
ابتسمت وهي تهز راسها ب لا وقالت وهي تسوي نفسها مستغربه من نظراته : بسم الله وش فيني!!
مارد عليها اسر غير بتنهده وهو يحط منيف على الكنب ويغير له بجامته ووقف وهو يأخذ منيف اللي يصدر أصوات طفوليه وقال بصوت هادئ : روحين غرفتس وماتخرجين لحد ماجي .
مالها الا تهز راسها بطيب بصمت  ٫ وشافت اسر أخذ مفاتيح سيارته وكرسي منيف  وخرج , تنهدت بغصه وهي تسمع ام اسر أللي سمعت اسر خرج وهي تقول لابو اسر : ناصر بنت اخوي كم ساعه وتكون عندنا , وناظرت وعد بطرفت عينها وهي تقول  : بتجي بنت الحسب ونسب مو مثل العوب اللي دخلت بيتنا وعندها ولد بالحرام .
رفعت حاجبيها وتوسعت عيونها بصدمة وجرح وهي تشوف أبو اسر هتف وهو يقول بحده : ام اسر بعمري مامديت يدييي عليتس لا تخليني بعد هالعمر امدها وقص لسانتس .
صعدت غرفه اسر هاربه من هواشهم اللي تسمع اصوات ابو اسر وام اسر الحاده ٫ جلست بطرف السرير وهي تهتف برجفه بصوتها وتعيد كل الأحداث أللي صارت لها من قبل وتقول بربكت كلام : منيف ولد اسر منيف ولد اسر منيف موب ولد حرام منيف ولدي وظلت تردد كلامها لحد ماغفاها النوم.