فرقتنا الظروف وجمعتنا منيفه

34

الا بذكر الله تطمئن القلوب
صلو عليه شفيع الأمة ذكرتك الروح حباً ، وعليك القلب صلى.

ابعد عن ضجيج العالم وشرب كوب شاهي بنعناع ☕🍃
بارت طويل ويميدكمم تقرونه اسبوعين قدام اخطاء املائي صححونها بانفسكم لان ماقدرت اعيد البارت وصحح اشي .

 
.....بيت أبو جاسم بعد الظهر......
رجع ليث من دوامه وأخذ ولده اللي يحكي لبوه وش صار وش ماصار معه وليث أللي يسمع له بكل حب ويرد عليه وهو مبتسم ٫ ودقاائق ووصل بيته ونزل وأخذ ولده بحضنه أللي باس جبينه وهو يكمل سوالفه أللي كان يسولفها, دخلوا البيت وهتف ليث وهو ينزل ولده من حضنه وقال : وكيف جيران جدك يبوي ؟
بوز شفتيه الصغيره وهو يهتف وعيونه لبوه أللي يشلح بدلته العسكرية ويعلقها وقال : ماحبهم ي بابا حتى العجوز شريره.
رفع حاجبيه ليث وهو يسكر باب الدولاب بعد ماخذ له بجامه وقال : العجوز يبوي وش مسويه فيك ؟!
رفع كتوفه وهو يوقف فوق سرير ابوه ويتخصر وهو يقول : ولا شي ي بابا بس ال عجوز مو حلوه .
رفع حاجب ونزل حاجب وهتف ليث وهو يقرب ويمسك خشم اسر بخفه وقال ببتسامه : لا تقول يبوي كذا العجوز مقام جدتك طيب ؟!
ابتسم اسر وهو يبعد يد ابوه من خشمه وقال : اوكي ي بابا .

.......بيت أبو اسر العصر .....
دخلت وعد غرفه اسر بشويش وهي تقرب من السرير اللي نايم فيه اسر ومنيف وجلست بطرف السرير وهي تحط كف يدها بعضد اسر وتهمس عشان منيف مايصحى : اسر قم مابقى شي ع الصلاه.
فتح عيونه اسر من همسها وهو يرفع عيونه لها أللي ابتسمت أول ماشافت صحي وهي تقول بنفس الهمس : عمي ينتظرك قم توضى وخرج معوه المسجد .
تثاوب اسر وهو يرفع كفين يدينه ويمسح على وجه وقال : وش بوه صوتس وين راح ؟!
ضحكت ضحكه هادئه وهي توقف وتقول : مابي منيف يصحى لانه نايم بجنبك .
رفع حاجبيه اسر وهو يلتفت لجهه يساره وشاف منيف غرقان بنومه وقال وهو يجلس وينفض الحاف من فوقه ويقوم : ليه ما اخذتيه سريره اريح له ؟
ناظرت منيف ببتسامه ضايقه وهي تتذكر كلام ام اسر وهتفت وهي ترجع وتناظر اسر وقالت : إذا كان نايم جنبك يرتاح اكثر من نومه لحاله .
ابتسم اسر وهو يلف نظره لمنيف وقال بحنون : زين من اليوم بينام جنبي دام يرتاح بجنبي ابوي , ولف راسه لوعد اللي تناظر منيف وقال : لو ما عليتس امر زهبي ثوبي عبال ماخرج .
رفعت عيونها ل اسر وقالت : ابشر , وبعدت أول ماشافت اسر دخل يتوضى وخرجت له ثوبه وشماغ , ونتظرته لحد ماخرج لبسهم ونزل, وهي بقت مع منيف النايم .
عند اسر اللي خرج من غرفته ونزل من الدرج بخطوات هادئه وهو يذكر الله بصوت عالي وكانه ينبه إذا بنت خاله موجوده بصاله مع اهله تتغطى او تقوم وتخرج , نزل وشاف ابوه جالس مع امه وخواته وبنت خاله شروق أللي حاطه شال بس ع شعرها , صد عنها بقرف أول مالمحها تناظره وقال لابوه : يلا يابو اسر .
وقف ابو اسر وهو ياخذ مسبحته وقال وهو يسبق ويخرج : بسم الله .
وخرجواً المسجد لصلاه العصر .

....ومر شهر على ابطالنا والاحداث ماتغيرات غير اريج صارت بشهرها السادس  , وجوري وعبد الرحمن أللي رجعوا من سويسرا , وبنت خال اسر شروق أللي عجبها الوضع هي وام اسر ودانيه وطولت بالجلسه بيت ابو اسر , واسر ووعد أللي علاقتهم مثل ماهي ماتغيرات رغم كل اللي تشوفه وعد من شروق كيف تحاول تقرب من اسر بس اسر يصد عنها ومايعطيها اي وجه .
وصقر أللي صارت عليه محكمة وانحكم عليه ٢٤ سنه مو ٢٤ سنه لانه خطف وعد وحاول قتلها هي ونوره وسرقه لسيارة سلمان ومحاوله قتله لا بسبب عده قضايا كان مسويها من قبل ولو بس كان عنده هالقضيتين كان انحكم عليه ١٥ سنه مع غرامه ماليه .