فرقتنا الظروف وجمعتنا منيفه

35

الا بذكر الله تطمئن القلوب
صلو عليه شفيع الأمة ذكرتك الروح حباً ، وعليك القلب صلى.
ان غبت وغابت عنكم اخباري فالدعاء وصيه بيينا ☕🍃.

...ومرت أيام ابطالنا بهدوء وسلام وسرعه للايام لاخر يوم برمضان.....
ومن المساء وتحديداً المول عند ليث  واسر أللي يشتروا ملابس لاولادهم .
كان ليث  يمشي ورا اسر ولده أللي يأخذ له تيشرتات وشورتات ٫ واسر حاضن منيف وبجنب ليث أللي يناظر ولده وهو يعبي لسلته .
ابتسم ليث وهو يرفع عيونه من ولده ويناظر منيف اللي يهتف بابا ونطق وهو يقرص خده بخفه وقال : كسوت منيف علي هالسنه .
رد اسر  ببتسامه وعيونه على يد ليث أللي يقرص خد منيف وقال :  والله مابقول لا ياخوك  , وضحك وهو يشوف منيف يحاول يصد من ليث للي ضحك ضحكه هادئه وهو ياخذه لحضنه ويهتف وهو يقرص خشمه :  وين بتهرب مني ؟!
اكتفى اسر ببتسامه وهو يشوف منيف يناظره بدموع وقال : هذا عمك يبوي لا تخاف منه ماهو مثل ولده اللي بيذبحك  , ونزل نظره ل اسر ولد ليث أللي تخصر وهو يهتف : عمو اسر تعرف أنا احب منيف ؟!
هز راسه اسر خوي ليث ب ايه وهتف وهو يحط يده بشعر اسر ويبعثر فيه وقال :  ادري انك تحبه .
ابتسم اسر ولد ليث وهو يقول : حتى أنت ياعمو والله احبك .
قطب حاجبيه اسر وهو ينحني ويبوس راس اسر وقال : وأنا والله آني احبك وحب ابوك يسمي  .
ليث أللي كان يناظرهم بيتسامه ٫ وهو يشوف ولده وخويه كيف يسوالفوا  ٫ ولاكن انتفض بفزعه ولتف لوراه أول ماسمع اب ينادي ب اسم اريج وهو يقول : اريج يبوي خلاص بسك عناد.
رفع عيونه ابو منيف من اسر وناظر ليث أللي انتفض وهو يناظر الاب وبنته ٫ شال عيونه من ليث وناظر البنت أللي تهتف وهي متخصره : بابا لا يعني لا ابي اخوذ كل اللي ابغى ٫ ورجع لف نظره لليث اللي يناظر وهو قاطب حاجبيه .
كان ليث يناظر بصمت وحس بنغزه بقلبه وكانه يقول في شي ب اريج ٫ مد منيف ل اسر وهو يقول : خذ ي اسر , وتقدم بخطوات ثقيلة لجنب الاب وبنته أللي ناظروه وهو يهتف ل اريج ويقول بنبره  هادئة : شفيها الحلوة زعلانه ؟!
ابتسمت اريج وهي ترفع عيونها لليث وتقول : ياعمو شف بابا مايبغى أخذ أللي ابي .
ابتسم ليث ابتسامة على جنبه وهو يقول ل ابو اريج : ليه ي ابو اريج ماتخلها تأخذ اللي بنفسها ياه ؟!
ناظر بنته بزعل ورجع ناظر ليث وهو يقول : مابقي شي ماخذته اريج العنيده .
بلع ريقه بصعوبه وهو يتذكر لما اريج كانت تقوله عاند وأنا بعاند وبنشوف عناد مين بيمشي يابو اسر , رفع حاجبيه وهو يناظر اريج أللي صغرت عيونها لبوها وهي تقول : لا ي بابا بقى ماخذيت ميكب .
قطب حاجبيه ابو اريج وهو يقول : اريج عادتس صغيره ع الميكب وش تبي فيه ؟!
ناظرت ليث اللي يناظرها ورجعت ناظرت ابوها وهي مبوزه بشفتيها بزعل وقالت : لا ي بابا أنا كبيره .
تنهد ابو اريج بتعب منها وهو يناظر ليث اللي ابتسم وهو ينطق :  بس تبين ميكب ؟!
هزت راسها اريج ب ايه وعيونها على ابوها وقالت : ايوا بس .
رفع حاجبيه ليث وقال ببتسامه : خلاص أنا أللي باخذ لتس حقتس الميكب .
لفت راسها بسرعة لليث وقالت وهي موسعه عيونها : صدز  ي عمو ؟!
هز راسه ليث ب اي وقال وهو يناظر ابوها : بخذها تشتري  حقتها الميكب  .
هز راسه ابوها بطيب وكان قادر يرفض ويقول لا بشتري لها أنا بس كانت حالته الماديه ماتسمح ٫ شاف ليث مسك يد اريج وكان بياخذها لمحل الميكب بس وقفه صوت اسر ولده وهو يركض له ويقول وعيون على اريج : بابا .
لف ليث راسه ل اسر وقال بحنون وهو يناظر عيونه اللي تناظر اريج : عيوني يبوي!؟
ابتسم اسر وهو يشل عيونه من عيون اريج ويناظر ابوه وقال : بابا اسمها مثل اسم ماما اريج .
ابتسمت اريج وهي ترفع عيونها لليث اللي يناظر ولده وقالت : عمو اسم مرتك اريج ؟!
نزل نظره لها وقال وهو يتجاوز سؤالها : يلا روحين خذي اللي تبي .
صغرت عيونها اريج وقالت وهي تناظر ليث بعصبيه  : ليه أنتم يرجال كذا ؟!
قطب حاجبيه ببتسامه وقال ليث : شفينا يا انسه اريج ؟!
صدت اريج عنه وهي تشوف اسر يتقدم لهم وبين احضانه منيف وقالت : بس تحبوا تزعلون حريمكم ؟!
طارت عيون ليث لها  وقال بصدمة : من وين جايبه العلم؟!!
قطبت حاجبيها وهي مصغرة عيونها وقالت وهي تلف راسها لليث : من رأسي لاني قلت اريج مرتك بس أنت ماجاوبتني ابي افهم ليه!؟؟
رفع حاجبيه اسر ولد ليث ببتسامه وهو يقول : ماما اريج بيت جدو عبدالله لأن بابا زعلان منها .
غمض عيونه ليث وفتحهم وهو يناظر اريج اللي تخصرت وهي تهتف بعصبيه : لا يحبيبي انتم يرجال بس تحبوا تزعلوا من حريمكم وإذا حريمكم زعلون تاخذوهم لبيت ابوهم .
هتف ليث وعيونه على اريج اللي صغرت عيونها وهي تناظره وقال  : حتى عنادتس مثلها أسم اريج متوارث العباط والعناد او كيف ؟!! , ولف راسه لابو اريج اللي تقدم وهو يمسك يد اريج ويقول : يلا يلا نروح عند امتس منتي حق خرجات  .
رفعت اريج يدها وهي تشيل يد ابوها منها وقالت لليث اللي يناظرها : ليه انتم يرجال كذا  بس تحبوا انفسكم وتنسوا حريمكم ؟!!
ضحك اسر بخفه وقال وهو يناظر اريج : مو كل الرجال مثل تكفيرتس وعاتدس وغده وماتعرفين شي .
قطبت حاجبيها اريج وهتفت وهي ترفع عيونها على منيف اللي بحضن اسر وقالت : هذا ولدك ؟!
ابتسم اسر وقال وهو يبوس يد منيف : اي ولدي .
هزت راسها اريج وهي تهتف :  يجنن ماشاءالله  , ولفت راسها لليث اللي يناظرها وهو رافع حاجبييه وقالت بصوت عصبي : وانت عندك بنت ؟!
ضحك ليث على لسان معها وقال وهو ياشر على اسر : لا بس عندي هالولد أللي يسوى العالم كله .
ابتسمت اريج وهي تلف وتناظر اسر اللي يناظر ابوه ببتسامه وقالت : واضح من كثر ماتحبه صاير يشبهك .
ضحك ابو اريج على ضحك اسر وليث وقال لليث اللي يمسح على شنبه وهو يضحك : اعذروني على هالبنيه هي وطول لسانها .
اكتفى ليث ببتسامه وهو يقول : الله يسامحك بوش نعذرك وبنتك الله يحفظها لك  , وخرج من مخباه فلوس وهو يمدها ل اريج اللي غاصت بعينها وهي تقول : مابي عندنا فلوس .
ابتسم ليث وهو يقول : ادري عندكم فلوس بس خوذيها وروحين اشترين الميكب حقتس يلا.
ابتسمت اريج وهي ترفع عيونها لبوها وناظرته بمعنى اخذها أو لا ؟! , وابتسمت وهي تشوف ابوها هز راسه بموافقه وقالت وهي تلف وتناظر ليث وتاخذ منه الفلوس : شكرا عمو .
انحى ليث وهو يبوس راسها وقال : تستاهلين  ياريج العنيده ٫ ورتفع وهو يسمع أبو اريج أللي يشكره وأخذ بنته وخرج .
رفع عيونه اسر لليث اللي واقف مثل الصخره ولا اضهر اي حركه  وقال : أبو اسر شفيك ؟!
تنهد ليث وهو يهتف بعدم مسيطره من نفسه وشتياق لصوتها وقال وهو يمد يده ل اسر : اعطني جوالك ي ابو منيف  .
قطب حاجبيه اسر وهتف وهو يناظر ليث اللي صار وجه أسود وقال : فيك شي ؟!
أخذ نفس ليث وهو يهتف بهمس ل اسر ويقول بصوت مبحوح : مقدر ي اسر أبي اسمع صوتها ماقدرت اصبر ي اسر ماقدرت .
توسعت عيون اسر بعصبيه وهو يقول : ليث ياخوك البنت عند ابوها والبنت ماعد تحل لك لا تسوي لها مشاكل .
نطق ليث بعدم صبر وهو يقول بنفس صوته المبحوح : طواريها عندي مستمره ي اسر خوفي وفيها شي بس ابي اسمع صوتها او صوت ابوها وتطمن .
شاف كيف تغير لون وجه وهتف بضيقه على ضيقه ليث وقال اسر بهمس وهو يخرج جواله من مخباه ويمده لليث : خذ ياليث  .
مد يده وهو ياخذ الجوال ويدق على رقم ابو اريج وماكان يبي يدق برقمه لانه بيعرف وش بيكون الرد الرفض للاتصال  .