INHERITANCE OF FEAR (Seriály #01)

CHAPTER 14: LOKI

M A T H E O

Napagpasyahan kong habaan ang oras nang pagta-trabaho ngayong araw, nagpalit muli ng posisyon ang mga Epsilon dahil nahati sila sa dalawang grupo, ang kabila ay nagbabantay ng mga kailangan paunlakan nang panayam, habang ang iba ay nagbabantay sa buong mansyon.

Sa pagkakaalam ko ay magkakasama lamang sa iisang silid ang magkaka-pamilya. Kasama ni Mr. Dazmon Marco Visokovich ang asawa nitong si Lancy Claire Visokovich, habang ang pamilya ni Mr. Danilo Visokovich at Mrs. Faith Visokovich ay kasama ang dalawang anak nilang kasing tapang ng ampalaya sina Magdalene Visokovich at Lucy Dane Visokovich, kung ano ang bait nang mga magulang nila ay siyang pait ng mga ugali nila. Si Mr. John Salvatore na araw gabing pinapatahan ang nagdadalamhating anak na si Mr. Wisconsin Salvatore, ang dalawang kasambahay ng mansyon, si Mr. Damon na nagiisa sa kaniyang silid ayon sa kaniyang hiling, at ang dalawang kaibigan nito na nakahiwalay ng silid, ang dalawang kapatid ni Mr. Damon Visokovich na humiling na ihuli sila dahil sa habang naririto sila ay nagpapatakbo sila ng online meetings, at ang mga ibang hindi ko pa nakita pero hanggang ngayon ay binabantayan ng mga Epsilon na naatasan.

Tumunog ang telepono ko at napagpasyahang tignan 'yon.

From: Bossingkeyks (Omega Vespera)
Message: "Ano nang nagawa niyo d'yan? P'wede bang 'wag nang magtamad-tamaran at anong oras na."
sent 11:27 AM

From: Matheo Santos (Alpha dela Cruz)
Message: "11:27 AM bossing."
sent 11:28 AM

From: Bossingkeyks (Omega Vespera)
Message: "At talagang namimilosopo ka pa? Gusto mong batukan kita sa sikmura?"
sent 11:29 AM

"Kahit kailan talaga 'tong si bossing.." Reklamo ko at tumawa, napansin ako ni Reyes at tinawanan nang bahagya, agad akong tumingin sa kaniya at agad itong nanahimik.

From: Bossingkeyks (Omega Vespera)
Message: "Ako na rin ang namili ng tubig, pagkain at mga damit na para sa mga bisita na nakakulong pa rin sa mga silid for further investigation sa utos ni Mr. Dazmon, wala namang ibang p'wedeng mapapagkatiwalan lalo na at alam kong siraulo ka dela Cruz."
sent 11:29 AM

From: Matheo Santos (Alpha dela Cruz)
Message: "Hinay-hinay lang naman at nasasaktan ako sa mga sinasabi mo bossing."
sent 11:30 AM

From: Bossingkeyks (Omega Vespera)
Message: "Siraulo ngs nickname mo sa telepono ko, o siya nagmamaneho ako, kayo ang magbigay sa mga bisita mamaya nang mga kailangan nila dahil babalikan ko si Indigo, dala ko si Loki ngayon."
sent 11:30 AM

From: Matheo Santos (Alpha dela Cruz)
Message: "Bakit ka nagte-text nang nagmamaneho delikado 'yan ah!"
sent 11:30 AM

Bagyang nainis at natakot ako sa huli niyang sinabi, gaya nang sabi ko parang kakambal niya si kamatayan, nagte-text ba naman habang nagmamaneho?! Si Loki ay ang Ford na sasakyan niya, madalang niya lang gamitin 'yon. Maya't-maya ay dumating rin siya, tinulungan siya ng mga Epsilon na nakabantay sa labas, ibinahagi rin nila ang mga kailangan ng mga bisita na nasa kaniya-kaniyang kuwarto habang agad na akong kumain dahil sa gutom.

"Hinay-hinay sa pagkain.. para kang ginugutom dito ah.." Pangaasar nito. "Hindi nga masarap e," Pangaasar ko pabalik, tumaas ang kilay nito at agad akong tumawa. "Hahahaha! Biro lang! Napaka-sarap nga e! Bossing meron pa?!" Tanong ko at lumapit sa kaniya pero agad siyang lumayo. "Abnoy ka talaga dela Cruz." Tumalikod ito at agad na pumasok sa sasakyan matapos maibaba ang lahat ng gamit.

"Tignan niyo ba naman o!" Turo ko sa aking kamay kay bossing matapos niya akong tawaging abnoy, nang tumalikod ako ay nagpipigil nang tawa ang apat na siraulo. "Kung ako abnoy, kayo budoy!" Saad ko bago inis na umupo, lalong humagalpak sa tawa ang mga ito nang lumabas sa ilong ni Delta Santos ang isang butil ng kanin. Tawa-tawa akong kumain habang pinagmasdang humarurot paalis si bossing.