Unicode
ဒီလူသတ်သမားကလှည့်ဖြားဖို့လွယ်ကူတယ်:
Chapter 2
ယဲ့ချင်းကအံ့ဩသွားခဲ့သည်။သူမ သူ့ရှေ့ကိုအမြန်ရောက်လာပြီး တားမယ်လို့မမျော်လင့်ထားခဲ့ပေ။ဒါပေမယ့် အရမ်းနှေးလွန်းသည်။ဓားက သူမရဲ့ဘယ်ဘက်ရင်အုံကိုထိသွားပြီး သွေးထွက်ဒဏ်ရာဖြစ်စေကာ အနီရောင်သွေးတွေက သူမရဲ့ ပြာဖျော့ဖျော့အဝတ်အစားပေါ်ပျံ့နှံ့လာခဲ့ပြီး ပန်းနီတစ်ပွင့်ပွင့်ဖူးလာတာနဲ့တူသည်။
ပန်းနီလေးကိုစိုက်ကြည့်နေရင်း သူရဲ့မျက်ခုံးတွေကို တွန့်ချိုးလိုက်ကာ သူ့ရဲ့မျက်နှာက ဒေါသထွက်လာခဲ့သည်။
"မင်းဘာလို့သူ့ကိုကယ်တာလဲ"
သူနားမလည်ဘူး။သူမက တစ်လျှောက်လုံး ကျောက်စိမ်းမြေခွေးဆီကနေလွှတ်အောင်ကြိုးစားနေပြီးတော့ ကျောက်စိမ်းမြေခွေးပေါ်မှာဘာခံစားချက်မှမရှိဘူးဆိုတာသူမြင်ရတယ်။ကျောက်စိမ်းမြေခွေးသူမကိုထိတွေ့ဖို့ကြံတဲ့အချိန်မှာ သူကချက်ချင်းပဲ ဝင်တားလိုက်တာလေ။ပုံမှန်ဆိုရင် ကျောက်စိမ်းမြေခွေးသူ့ဓားအောက်မှာသေသွားတာကိုသူမပျော်နေရမှာမဟုတ်ဘူးလား။ဒါပေမယ့် သူမက အဲ့ယောကျာ်းကိုတမင်သပ်သပ်ကယ်လိမ့်မယ်လို့သူမထင်ထားခဲ့ဘူး။ပြီးတော့ သူမခန္ဓာကိုယ်ကိုတောင်ဒိုင်းလိုသုံးပြီး ကာပေးလိုက်သေးတယ်။သူသာအချိန်မှီမရပ်လိုက်ရင် သူ့ဓားက သူမရင်ဘတ်ကိုထိုးဖောက်သွားပြီး သေရင်သေ မသေရင် ဒဏ်ရာအကြီးအကျယ်ရမှာဖြစ်သည်။
"ကျွန်မသူ့ကိုကယ်နေတာမဟုတ်ဘူး ဒါပေမယ့် သူအခုသေလို့မရသေးဘူး......အိုက်ယား..နာလိုက်တာသေမတတ်ပဲ!ရှင်ဘာလို့ဒီလောက်စိတ်မရှည်ရတာလဲ?ရှင်ကျွန်မပြောတာနားထောင်ပြီး ကျွန်မကိုအရင်စကားပေးပြောလို့မရဘူးလား?"
ဟွားချန်းချန်းက သူမရင်ဘတ်ပေါ်ကဒဏ်ရာကိုလက်နဲ့ဖိထားရင်း ညီးတွားလိုက်သည်။
သူမငြီးငြူပြောနေတဲ့အချိန်မှာ သူမရဲ့အပြုအမူက လေထုထဲက လူသတ်ငွေ့ကိုလျော့ကျသွားစေသည်။ထပ်ပြောရရင် သူမအသံကနူးညံ့ပြီးတော့ သာယာနာပျော်ဖွယ်ရှိတာကြောင့် သူမက သူ့ကိုဆူပူကြိမ်းမောင်းနေတယ်ဆိုရင်တောင်မှ အဲ့ဒါက သူမကသူ့ကိုတိုင်တန်းနေသယောင်နဲ့တူသည်။သူမရဲ့ရင်ဘတ်ပေါ်က သွေးစွန်းနေတဲ့အနီရောင်တွေက ဖူးသစ်စပန်းပွင့်နဲ့တူပြီး သူမရဲ့ နူးညံ့ပြီးတော့လှပတဲ့အသွင်အပြင်ကိုမြှင့်တင်ပေးထားသည်။သူမရဲ့မျက်မှောင်ကြုံ့ပြီး ဒေါသထွက်နေတဲ့ပုံစံက နှစ်လိုဖွယ်ကောင်းပြီး လူတွေကအမြဲတမ်းဒါကို အရမ်းဆွဲဆောင်မှုရှိတယ်လို့ပဲမြင်ကြသည်။
YOU ARE READING
ဒီလူသတ်သမားကလှည့်ဖြားဖို့လွယ်ကူတယ်/ဒီလူသတ္သမားကလွည့္ျဖားဖို႔လြယ္ကူတယ္
Historical Fictionဟွားချန်းချန်းအနေနေနဲ့ယဲ့ချင်းကိုပထမဆုံးအကြိမ်တွေ့တုန်းကဒေါသထွက်နေခဲ့တယ်။ "ရှင်ကလူသတ်သမားလား" "မင်းကစုံစမ်းရေးအရာရှိလား" လူသတ်သမားတစ်ယောက်ကအရာရှိတစ်ယောက်နဲ့တွေ့သွားတယ်။ "ကျွန်မသူ့ကိုအရင်ဖမ်းပြီးတော့ထောင်ထဲထည့်လိုက်မယ် ပြီးမှရှင်ကသူ့ကိုအခွင့်အရေးရှာပ...
