Unicode
ဒီလူသတ်သမားကလှည့်ဖြားဖို့လွယ်ကူတယ်:
Chapter 25
စစ်လျှို့ကျင်းက နောက်ထပ် ကြက်သေသေသွားပြီး သူမကိုကြည့်ကာ
"အိုး?"
သူ့မျက်လုံးတွေကိုမှေးထားလိုက်ပြီး
"ဆက်ပြော"
"ဟုတ် ကျွန်မရဲ့ဒီဆရာတူအစ်မကလေ ကောင်းကောင်းကနိုင်ရုံတင်မကဘူး သူ့(မ)ရဲ့ပုံစံလေးကလည်း ကောက်ကြောင်းတွေက ဆွဲဆောင်မှုရှိတယ်။သူ(မ)ကမျက်နှာလှလှလေးနဲ့မွေးလာပြီး မြိုတော်ကမရေတွက်နိုင်တဲ့ယောကျာ်းတွေက သူ(မ)ဆီကနေ ဆွဲဆောင်ခံထားကြရတာ"
ပထမဆုံး ပိုင်ယွီရှောင်းက သူမတတိယအစ်မရဲ့အလှကိုချီးကျူးလိုက်ပြီး မြို့တော်ကသူမရဲ့ကြီးမားတဲ့ဂုဏ်သတင်းကိုလည်း မီးမောင်းထိုးပြခဲ့သည်။တစ်ချိန်ထဲမှာပဲ သူမ(ဟွားချန်းချန်း)ကို ကိုးကွယ်နေကြတဲ့မရေတွက်နိုင်တဲ့ လူကြီးလူကောင်းတွေကိုလည်း ပြောပြခဲ့သေးသည်။
သူမပြောပြတဲ့ဇာတ်လမ်းက အရမ်းကိုအသေးစိတ်ကျပြီးတော့ထင်ရှားကာ ဇာတ်လမ်းပုံပြင်ပြောတဲ့လူတွေပြောတာထက်တောင်ပိုစိတ်လှုပ်ရှားစရာကောင်းသည်။
စစ်လျှို့ကျင်းက လှောင်ပြုံးပြုံးပြီးပြောလိုက်သည်
"အိုး?မင်းမှာအဲ့လိုမျိုးကောင်းကောင်းကတတ်တဲ့ဆရာတူအစ်မရှိတယ်ဆိုတာ ကိုယ်မသိခဲ့ရပါ့လား။မင်းပြောတာကိုနားထောင်ပြီးတော့ ကိုယ်သူ့(မ)ကို တကယ်တွေ့ချင်သွားပြီ"
ပိုင်ယွီရှောင်းမျက်လုံးတွေက အရောင်တောက်သွားပြီး ခေါင်းငြိမ့်လိုက်သည်။
"ယောကျာ်း ရှင်သာ သူ(မ)ကိုမြင်ရင် ရှင်သဘောကျမှာသေချာတယ်"
စစ်လျှို့ကျင်းလည်းပဲခေါင်းငြိမ့်ကာ
"ကိုယ့်အတွေးတွေကလည်းအတူတူပဲ ဒါပေမယ့် သူ(မ)က ကိုယ့်မွေးနေ့လက်ဆောင်နဲ့ဘယ်လိုပတ်သက်လို့လဲ"
"ဒါပေါ့ သူ(မ)နဲ့ဆိုင်တာပေါ့။ယောကျာ်း ကျွန်မရဲ့ဆရာတူအစ်မကို ကိုယ်လုပ်တော်အဖြစ်ယူလိုက်ပါ"
သူ့ခန္ဓာကိုယ်တစ်ခုလုံးရပ်တန့်သွားသည်။သူ့ရဲ့ချစ်လှစွာသောဝမ်ဖေးရဲ့ ဉာဏ်များတဲ့အမူအကျင့်ကိုနားလည်ထားတာကြောင့် စိတ်ကိုကြိုတင်ပြင်ဆင်ထားပြီးသားဖြစ်သည်။သူမက ဘယ်လိုလှည့်ကွက်တွေကစားဦးမလဲဆိုတာ သူကြည့်ဖို့စောင့်နေခဲ့ပေမယ့် သူမစကားတွေကြားတော့ သူလုံးဝအံ့ဩထိတ်လန့်သွားသည်။
YOU ARE READING
ဒီလူသတ်သမားကလှည့်ဖြားဖို့လွယ်ကူတယ်(✅)
Historical Fictionဟွားချန်းချန်းအနေနေနဲ့ယဲ့ချင်းကိုပထမဆုံးအကြိမ်တွေ့တုန်းကဒေါသထွက်နေခဲ့တယ်။ "ရှင်ကလူသတ်သမားလား" "မင်းကစုံစမ်းရေးအရာရှိလား" လူသတ်သမားတစ်ယောက်ကအရာရှိတစ်ယောက်နဲ့တွေ့သွားတယ်။ "ကျွန်မသူ့ကိုအရင်ဖမ်းပြီးတော့ထောင်ထဲထည့်လိုက်မယ် ပြီးမှရှင်ကသူ့ကိုအခွင့်အရေးရှာပ...
