ဒီလူသတ်သမားကလှည့်ဖြားဖို့လွယ်ကူတယ်(✅)

Chapter 22

ဒီလူသတ်သမားကလှည့်ဖြားဖို့လွယ်ကူတယ်:
Chapter 22

လဲ့ဖုန်း ချန်းချန်းဆီကိုလာလည်တဲ့အချိန်တိုင်း အပျော်ဆုံးလူက လုနျန်းဖြစ်သည်။လဲ့ဖုန်းကို ချန်းချိုးအ‌ဆောင်ဆီပို့ဆောင်ပေးပြီးတဲ့နောက် သူမက ချန်းချန်းကို လဲ့ဖုန်းကိုသေချာဂရုစိုက်ဖို့သတိပေးခဲ့ပြီး အဲ့ဒီနောက် ပါးပါးနပ်နပ်နဲ့ပြန်ထွက်လာခဲ့သည်။

မျက်နှာပေါ်မှာတော့ ဟွားချန်းချန်းက ပေါ့ပေါ့ပါးပါးပြုံးပြနေမယ့် သူမ အရမ်းသတိထားနေရသည်။

"သခင်လဲ့ ဒီနေ့ဘယ်သီချင်းနားထောင်ချင်ပါသလဲ"

"မင်းသဘောအတိုင်းပဲ"

ပုံမှန်အတိုင်း လဲ့ဖုန်းရဲ့စကားတွေက လိုရင်းတိုရှင်းနဲ့ ရှင်းရှင်းလင်းလင်းဖြစ်သည်။

သူမတီးခတ်နိုင်တဲ့သံစဉ်တွေက အနည်းငယ်သာကန့်သတ်ထားပြီး သူနားထောင်ချင်တဲ့အတွက် တီးခတ်ပြခဲ့သည်။သူမရဲ့ နှလုံးသားမှာ အတားအဆီးတစ်ခုရှိနေတာကြောင့်ဖြစ်နိုင်တယ် ဒါကြောင့် သူမအရမ်းထိန်းချုပ်ထားရသလိုခံစားရသည်။သီချင်းက လူတစ်ယောက်ရဲ့ခံစားချက်ကိုကိုယ်စားပြုနိုင်မှတော့ သူမရဲ့ခံစားချက်ကိုအခြေပြုပြီး ချင်ပေါ်မှာတီးခတ်ထားတဲ့ တေးသွားက သီချင်းကနေတစ်ဆင့် နားထောင်တဲ့သူဆီကို သဘာဝအတိုင်း ပို့ဆောင်ခဲ့သည်။

သံစဉ်နှစ်ခုတီးခတ်ပြီးတဲ့နောက်မှာ ချင်ဆီကသီချင်းသံရပ်သွားပြီး လဲ့ဖုန်းကရုတ်တရက်ပြောလိုက်သည်။

"ဒီနေ့ မိန်းကလေးချန်းချန်းစိတ်ထဲ စိုးရိမ်စရာတွေရှိနေတာလား"

သူမက ခဏလောက် တုန်လှုပ်သွားပြီး အဲ့ဒီနောက် ပြုံးကာ

"သခင်လဲ့ကဘာလို့ဒီလိုမေးရတာလဲ"

"ဒီနေ့ ချင်ကသီချင်းက သိသိသာသာကို ပရမ်းပတာဖြစ်နေပြီး မိန်းကလေးချန်းချန်းကစိတ်ပင်ပန်းနေပုံရတယ်"

"ချန်းချန်းရဲ့ ချင်အရည်အချင်းကမကောင်းတာပဲ သေချာပေါက်ဖြစ်ပါလိမ့်မယ် ပြီးတော့ ကျွန်မက သခင်လဲ့ရဲ့လှောင်ပြောင်မှုကိုရလိုက်ရပြီ။ခွက်ထဲက လက်ဖက်ရည်ကအေးနေပြီ။ချန်းချန်းက သခင်လဲ့အတွက် လက်ဖက်ရည်လှယ်ပေးပါ့မယ်"