Unicode
ဒီလူသတ်သမားကလှည့်ဖြားဖို့လွယ်ကူတယ်:
Chapter 19
သူမနဲ့ယဲ့ချင်းနှစ်ယောက်လုံးက တိတ်တဆိတ်နားလည်မှုရှိကြသည်။ဒါကြောင့် သူမလုပ်လိုက်တာ ဘာအဓိပ္ပာယ်လဲဆိုတာ သူသိပြီး သူမလည်ပင်းပေါ်အေးအေးဆေးဆေးဓားတင်ထားကာ မလှုပ်ရှားပေ။
လဲ့ဖုန်းက မျက်မှောင်ကြုံ့လိုက်ပြီး အေးစက်စက်အမိန့်ပေးလိုက်သည်
"သူ(မ)ကို လွှတ်လိုက်စမ်း!"
ယဲ့ချင်းက ဘာမှမပြောဘဲ ဓားစာခံကိုကိုင်ကာ နောက်ကို ခြေတစ်လှမ်းဆုတ်လိုက်သည်။
ဟွားချန်းချန်းလည်း သူနဲ့ပူးပေါင်းပြီး သူမရှေ့ကလဲ့ဖုန်းကိုကြည့်လိုက်သည်။
ဘုရားသခင်က လူတွေကိုလှည့်စားရတာ သဘောကျတယ်လို့ သူမခံစားရတယ်။
ယဲ့ချင်းက သူ့မျက်နှာကိုပြောင်းထားပြီးတာတောင်မှ လဲ့ဖုန်းနဲ့တွေ့နေရသေးတယ်။ဒီလူနှစ်ယောက်က တကယ့်ကို ရန်သူတွေပဲ!!!
ရာဇဝတ်သားလက်ထဲမှာ ဓားစာခံရှိနေတာကြောင့် လဲ့ဖုန်းက အပြစ်မရှိတဲ့သူကို ထိခိုက်သွားမှာ ကြောက်သည်။သူက ချုပ်ထိန်းဖို့လေ့ကျင့်ခဲ့ရပြီး တိုက်ခိုက်ဖို့ဆိုတာ သူ့အတွက် မသင့်တော်ပေ။သူ့စိတ်ထဲမှာတော့ အခွင့်အရေးဆုံးရှုံးသွားတာကြောင့် စိတ်ရှုပ်နေပြီး တစ်ဖက်လူက သူ့ရဲ့ရုတ်တရက် တိုက်ခိုက်မှုကို အမြန်တုံ့ပြန်တားဆီးပြီး ဒိုင်းကာအနေနဲ့ ဓားစာခံလုပ်လိမ့်မယ့်လို့ မထင်မှတ်ထားပေ။ရွေးချယ်စရာမရှိတော့ဘဲ သူ့ဓားကိုနောက်ဆုတ်လိုက်ရသည်။
ဟွားချန်းချန်း ဓားစာခံအနေနဲ့ ယဲ့ချင်းက နောက်ကိုခြေတစ်လှမ်းဆုတ်ပြီး လဲ့ဖုန်းကလည်း ရှေ့ကို ခြေတစ်လှမ်းတိုးသည်။နှစ်ဖက်လုံးက သူတို့ရဲ့အကွာအဝေးကိုထိန်းထားကြပြီး အနီးကပ်လာဖို့ဆိုတာမဖြစ်နိုင်ပေမယ့် သူတိူ့ရဲ့အကွာအဝေးကလည်းတိုးမလာပေ။
ဟွားချန်းချန်းက မျက်တောင်ခတ်လိုက်ပြီး မျက်ရည်စက်တွေညှစ်ထုတ်ကာ သနားစရာကောင်းတဲ့ပုံစံလေးလုပ်လိုက်သည်။သူမက ဒီလိုမျိုးမှာအတော်ဆုံးဖြစ်ပြီး လဲ့ဖုန်းကို ဒွိဟဖြစ်သွားစေကာ သူ့ကို အာရုံပြောင်းအောင်လုပ်လိုက်ပြီး သူမက ယဲ့ချင်းနဲ့အတူ နောက်ဆုတ်သွားသည်။
ESTÁS LEYENDO
ဒီလူသတ်သမားကလှည့်ဖြားဖို့လွယ်ကူတယ်(✅)
Ficción históricaဟွားချန်းချန်းအနေနေနဲ့ယဲ့ချင်းကိုပထမဆုံးအကြိမ်တွေ့တုန်းကဒေါသထွက်နေခဲ့တယ်။ "ရှင်ကလူသတ်သမားလား" "မင်းကစုံစမ်းရေးအရာရှိလား" လူသတ်သမားတစ်ယောက်ကအရာရှိတစ်ယောက်နဲ့တွေ့သွားတယ်။ "ကျွန်မသူ့ကိုအရင်ဖမ်းပြီးတော့ထောင်ထဲထည့်လိုက်မယ် ပြီးမှရှင်ကသူ့ကိုအခွင့်အရေးရှာပ...
