Unicode
ဒီလူသတ်သမားကလှည့်ဖြားဖို့လွယ်ကူတယ်:
Chapter 24
ဟွားချန်းချန်းက သူမဆရာတူညီမထွက်သွားတာကိုကြည့်ပြီး ပြုံးကာခေါင်းရမ်းလိုက်သည်
"သူ(မ)က တကယ့်ကိုစိတ်မရှည်တာပဲ။အမေတစ်ယောက်ဖြစ်နေပြီကို ကလေးလိုလုပ်နေတုန်းပဲ"
ယဲ့ချင်းက သူမဆီကိုလျှောက်လာကာ သူမနားမတ်တပ်ရပ်လိုက်ပြီး မေးလိုက်သည်
"သူ့(မ)မှာ တကယ်အကြံရှိတာလား"
"ကျွန်မရဲ့ဆရာတူညီမလေးက ထက်မြတ်တဲ့မိန်းမတစ်ယောက်ပဲ။သူ့(မ)ခေါင်းထဲမှာ မကောင်းတဲ့အကြံတွေအများကြီးရှိပြီး သူ(မ)က ဒါကိုလုပ်ဖို့နည်းလမ်းရှိတယ်လို့ပြောရင် အဲ့ဒါတကယ်နည်းလမ်းရှိလို့ပဲ။သူ(မ)ကိုပဲ စောင့်နေကြတာပေါ့"
သူမက လှည့်လိုက်ပြီး ယဲ့ချင်းလက်ကိုကိုင်ကာ သူ့ကိုကျောက်စားပွဲဆီခေါ်သွားခဲ့သည်။
"လာ အေးဖရဲသီးတစ်စိတ်လောက်စားလိုက်"
"ကောင်းပြီ"
"ဒီအေးဖရဲသီးက ကျွန်မကိုကြိုက်နေတဲ့ လင်ယွမ်ဝေးဆီကလေ။ရှင်ပိုပြီးစားသင့်တယ်"
"..........*
ယဲ့ချင်းက သူမရဲ့နှစ်လိုဖွယ်ကောင်းတဲ့ပြုံးနေတဲ့မျက်နှာလေးကို တိတ်တိတ်လေးစိုက်ကြည့်လိုက်ပြီး သူ့မျက်လုံးတွေက သူမပါးစပ်ထဲကဖရဲသီးနီနီဆီရောက်သွားကာ စကားတစ်ခွန်းမပြောဘဲ သူကရှေ့တိုးသွားပြီး သူမနှုတ်ခမ်းတွေကိုစုပ်ယူလိုက်သည်။သူမပါးစပ်ထဲကအေးဖရဲသီးစိတ်ကိုလုယူလိုက်ပြီး သူမရဲ့ လေးညှင်းပွင့်နဲ့တူတဲ့လျှာလေးရဲ့အရသာကို မြည်းစမ်းကြည့်လိုက်သည်။
@@@@@@@@@@@@@@@@@@@@@@@
ပိုင်ယွီရှောင်းက အိမ်တော်ကိုတိတ်တိတ်လေးပြန်သွားခဲ့ပြီး ဝင်နေကျတံခါးကနေဝင်သွားခဲ့သည်။သူမရဲ့ခြံဝင်းထဲဝင်လိုက်တဲ့အချိန်မှာပဲ အစေခံတွေအားလုံးကအိမ်ရှေ့မှာဒူးထောက်နေခဲ့ကြပြီး ခြံဝင်းတစ်ခုလုံးပြည့်နေသည်။
ဒီလိုလူအုပ်ကြီးကိုတွေ့တော့ သူမက ခဏလောက်ထိတ်လန့်သွားပြီး အဲ့ဒီနောက် လေးနက်စွာသက်ပြင်းချလိုက်သည်။
YOU ARE READING
ဒီလူသတ်သမားကလှည့်ဖြားဖို့လွယ်ကူတယ်(✅)
Historical Fictionဟွားချန်းချန်းအနေနေနဲ့ယဲ့ချင်းကိုပထမဆုံးအကြိမ်တွေ့တုန်းကဒေါသထွက်နေခဲ့တယ်။ "ရှင်ကလူသတ်သမားလား" "မင်းကစုံစမ်းရေးအရာရှိလား" လူသတ်သမားတစ်ယောက်ကအရာရှိတစ်ယောက်နဲ့တွေ့သွားတယ်။ "ကျွန်မသူ့ကိုအရင်ဖမ်းပြီးတော့ထောင်ထဲထည့်လိုက်မယ် ပြီးမှရှင်ကသူ့ကိုအခွင့်အရေးရှာပ...
