ဒီလူသတ်သမားကလှည့်ဖြားဖို့လွယ်ကူတယ်(✅)

Chapter 23

Unicode

ဒီလူသတ်သမားကလှည့်ဖြားဖို့လွယ်ကူတယ်:
Chapter 23

အခုက ရှစ်လမြောက်ဖြစ်ပြီးတော့ အပူချိန်ကလည်းမြင့်မားလာသည်။ဟွားချန်းချန်းက အန်တီသိုက်ကို တစ်ရက်လောက်အအေးခံထားတဲ့အေးဖရဲသီးကိုလှီးပြီး အစေခံတွေကိုဝေပေးဖို့ညွှန်ကြားကာ သူမက ခြံဝင်းထဲက အဆောက်အအုံငယ်ထဲမှာရှိနေခဲ့သည်။ကျောက်စားပွဲပေါ်မှာ အသင့်စားလို့ရတဲ့ အေးဖရဲသီးစိတ်တွေရှိနေပြီး သူမလက်ထဲဖရဲသီးတစ်စိတ်ကိုင်ထားကာ ပျော်ပျော်ကြီးစားနေသည်။

နေ့လယ်ကျော်သွားတဲ့အခါမှာတော့ မျှော်လင့်ထားသလိုပဲ အဝေးကနေခေါ်နေတဲ့ ရင်းနှီးတဲ့အသံတစ်ခုကို ဟွားချန်းချန်းကြားလိုက်ရသည်။

"တတိယအစ်မ!........တတိယအစ်မ!.........."

လူမမြင်ရသေးခင်မှာပဲ အသံကလူထက်အရင်အမြန်ရောက်လာခဲ့သည်။ဟွားချန်းချန်းနှုတ်ခမ်းတွေကကွေးတက်ကာအပြုံးတစ်ခုဖြစ်ပေါ်သွားပေမယ့် သူမကမထဘဲ အေးဖရဲသီးကိုသာပါးစပ်အပြည့်ဆက်စားနေသည်။မျှော်လင့်ထားသလိုပဲ လတံခါးမှာလူတစ်ယောက်ပေါ်လာပြီးတော့ ကျောက်စားပွဲပေါ်ချထားတဲ့အေးဖရဲသီးတွေကိုမြင်တော့ အရှိန်မြှင့်ပြီးပြေးလာခဲ့သည်။

"အေးဖရဲသီး!!"

ပိုင်ယွီရှောင်းက ဖြတ်သန်းလာဖို့ ကုန်းတံတားကိုအသုံးပြုရမယ့်အစား ရေကန်ကိုဖြတ်ပြီး တိုက်ရိုက်လာခဲ့သည်။သူမခြေချောင်းတွေကိုအသုံးပြုပြီး ကြာပန်းရွက်တွေပေါ်အနည်းငယ်ခုန်ပေါက်ပြီး သူမက ခုန်တက်သွားသည်။

ပိုင်ယွီရှောင်းက အဆောက်အအုံငယ်ထဲဝင်လိုက်တာနဲ့ အရိုအသေပြုတာမရှိဘဲ ထိုင်ချလိုက်သည်။သူမရဲ့ဆရာတူအစ်မကို လျစ်လျှူရှုကာမနှုတ်ဆက်ဘဲ သူမလက်ကိုထုတ်ပြီး အေးဖရဲသီးစိတ်တစ်စိတ်ကိုကောက်ယူပြီး ကိုက်စားလိုက်သည်။အေးဖရဲသီးရဲ့အရသာက အရမ်းအရသာရှိပြီး အရည်ရွှမ်းတယ်။သူမကိုက်လိုက်တဲ့အချိန်မှာပဲ အေးဖရဲသီးကအပူတွေကိုလျော့ကျသွားစေပြီး ပိုင်ယွီရှောင်းက ကျေနပ်စွာခေါင်းငြိမ့်လိုက်သည်။

"တတိယအစ်မ အဲ့ဒီဦးလေးက ဒီရှားပါးအေးဖရဲသီးကို ထပ်ပြီး အစ်မဆီလက်ဆောင်ပို့ပေးတာလား?အဲ့ဒီလူက တကယ်ကောင်းတာပဲ?အနာဂတ်ကျရင် ညီမဆီကို အဲ့ဒီလူကိုသေချာပေါက်မိတ်ဆက်ပေးရမယ်နော်!"