ဒီလူသတ်သမားကလှည့်ဖြားဖို့လွယ်ကူတယ်(✅)

Chapter 21

Unicode

ဒီလူသတ်သမားကလှည့်ဖြားဖို့လွယ်ကူတယ်:
Chapter 21

ဖိန်းလီဖေး ရယ်တာမထူးဆန်းပေ။

မြို့တော်မှာ မိန်းကလေးတော်တော်များများက လဲ့ဖုန်းကို သဘောကျကြသည်။တစ်ခါကဆို အထက်တန်းလွှာမိသားစုက အရည်အချင်းရှိပြီးလှပတဲ့မိန်းကလေးတစ်ယောက်က သူမမိဘတွေကိုအောင်သွယ်တော်ရှာခိုင်းပြီး သူနဲ့လက်ထပ်ဖို့ကမ်းလှမ်းခဲ့သည်။ဒါပေမယ့် လဲ့ဖုန်းက အိမ်ထောင်ရေးကို စိတ်မဝင်စားခဲ့ဘဲ သူ့ပုခုံးပေါ်မှာကြီးလေးတဲ့တာဝန်ထမ်းဆောင်ထားရတယ်ဟု အကြောင်းပြကာ ငြင်းဆိုခဲ့သည်။

ဒါပေမယ့် အခုကျ လဲ့ဖုန်းက မိန်းကလေးတစ်ယောက်ကိုစိတ်ဝင်စားနေပြီး သူမကတော့ သူ့ကို စိတ်မဝင်စားပေ။

"ညီအစ်ကိုလဲ့ရဲ့ အရည်အချင်းတွေနဲ့ဆို ပိုကောင်းတဲ့မိန်းကလေးရှာမတွေ့မှာကြောက်နေတာလား?အချိန်ဖြေးဖြေးယူပြီး ရွေးချယ်စမ်းပါ အနားမှာ မိန်းမကောင်းတွေအများကြီးရှိတယ်"

လဲ့ဖုန်းက အသာလေးပြုံးလိုက်သည်။

မိန်းကလေးတွေအများကြီးရှိပေမယ့် ပြဿနာက အဲ့ဒီမိန်းကလေးတွေ တစ်ယောက်ကိုမှ သူမကြိုက်ပေ။သူက မိသားစုအဆင့်အတန်းတွေ အရည်အချင်းတွေကို ဂရုမစိုက်ဘဲ ခံစားချက်ကိုသာဂရုစိုက်သည်။ဒါပေမယ့် သူ သူတို့ကိုပြောပြရင်တောင် ဖိန်းလီဖေးနဲ့ တစ်ခြားညီအစ်ကိုတွေက နားလည်နိုင်မှာမဟုတ်ပေ။ဒါကြောင့် သူဆက်မပြောတော့ဘူး။

တစ်ခြားတစ်ဖက်မှာတော့ ဟွားချန်းချန်းက လဲ့ဖုန်းရဲ့ပဟေဠိဖြစ်မှုနဲ့ မခန့်မှန်းနိုင်တဲ့ အကျင့်စရိုက်ကြောင့် စိတ်ရှုပ်ထွေးနေသည်။တစ်လျှောက်လုံး သူမက ယောကျာ်းတွေကို ဘယ်လိုခန့်မှန်းရမလဲဆိုတာသိပြီး ယောကျာ်းတွေရဲ့စိတ်ကိုနားလည်နိုင်တယ် ဒါပေမယ့် ဒီတစ်ကြိမ်မှာ  သူမက ပါဝင်ပတ်သက်နေတဲ့လူဖြစ်တာကြောင့် ဒီကိစ္စကို ရှင်းရှင်းလင်းလင်း မသိနိုင်ဘဲ ခေါင်းရှုပ်နေရသည်။

အဆင့်နိမ့်တဲ့စုံစမ်းရေးအရာရှိက ရာထူးမြင့်တဲ့စုံစမ်းရေးအရာရှိကိုတွေ့တာကြောင့် လုပ်ငန်းခွင်ရောဂါအတိုင်း အရာရှိတာဝန်များကိုသာစဉ်းစားရင်း အမှားတစ်ခုကျူးလွန်မိနေသည်။ရာဇဝတ်မှုနဲ့သဲလွန်စ သူမနှလုံးသားကိုတစ်ခြားတစ်ယောက်ဆီပေးအပ်သွားပြီးတာနဲ့အတူ လဲ့ဖုန်းရဲ့ခံစားချက်တွေကိုနားလည်ဖို့ သူမအတွက် ခက်ခဲသွားသည်။