Unicode
ဒီလူသတ်သမားကလှည့်ဖြားဖို့လွယ်ကူတယ်:
Chapter 20
ဟွားချန်းချန်းအတွက်တော့ လဲ့ဖုန်းက ရာမန်ကသူမရဲ့အထက်အရာရှိကိုတွေ့သလိုပဲဖြစ်ပြီး သူမက သူ့ကို လေးစားမှုသာရှိသည်။သူ့ရဲ့ ရုတ်တရက်ပေါ်လာမှုနဲ့ သူမကို အထူးတလည်မေးတာက သူမကို ပီတိမဖြစ်သွားစေဘဲ တစ်ခြားအတွေးတွေတွေးမိစေသည်။
စုံစမ်းရေးအရာရှိတစ်ဦးဖြစ်တဲ့ သူမရဲ့ ဗီဇကိုအခြေခံပြီး လဲ့ဖုန်းက အကြောင်းကိစ္စမရှိဘဲ လာမှာမဟုတ်ပေ။ဒီအလည်အပတ်ရောက်လာတာက အဲ့ဒီနေ့က မှောင်ခိုသမားတွေဖမ်းတာနဲ့ ဆက်စပ်နေသည်။
ဟွားချန်းချန်းကပြုံးပြီးမေးလိုက်သည်
"သခင်လဲ့က ချင်ကိုနားထောင်ချင်လား ဒါမှမဟုတ် အကကိုကြည့်မလား"
လဲ့ဖုန်းက သူမရဲ့ ညို့ယူဖမ်းစားခြင်းမပါဘဲ ကျက်သရေရှိရှိ လှပနေတဲ့အပြုံးကိုကြည့်လိုက်သည်။သူက ဟွားချန်းချန်းရဲ့နာမည်ကိုကြားဖူးပြီး သူမက ကတဲ့နေရာမှာ တော်တယ်ဆိုတာ သိသည်။သူ့အကြည့်က သူမလည်ပင်းပေါ်က ပတ်တီးဆီရောက်သွားသည်။
"မိန်းကလေးရဲ့ဒဏ်ရာတွေဘယ်လိုနေသေးလဲ"
"အများကြီးပိုကောင်းလာပါပြီ။စိတ်ပူပေးတဲ့အတွက် သခင်လဲ့ကို ကျေးဇူးတင်ပါတယ်"
သူမက မျက်လုံးတွေငုံကာ ကျေးဇူးတင်လိုက်ပေမယ့် တကယ်ကတော့ သူမလည်ပင်းပေါ်ကဒဏ်ရာက သေးသေးလေးပဲဖြစ်သည်။ထိုအချိန်တုန်းက လဲ့ဖုန်းကိုထိန်းထားချင်တာကြောင့် ရည်ရွယ်ချက်ရှိရှိ သူမလည်ပင်းကိုဒဏ်ရာအရခံလိုက်တာဖြစ်သည်။အဲ့ဒီနောက် သူမလည်ပင်းကိုလက်နဲ့အုပ်ကာ သွေးတွေပိုထွက်လာအောင်လုပ်လိုက်ပြီး ဒဏ်ရာကအတော်လေးပြင်းထန်သလို ဟန်ဆောင်လိုက်တာဖြစ်သည်။သူမပြန်ရောက်လာပြီး ရက်နည်းနည်းလောက်အနားယူပြီးတဲ့နောက်မှာတော့ လည်ပင်းကဒဏ်ရာကအနာဖေးဖြစ်သွားပြီဖြစ်သည်။ဒါပေမယ့် သူမက တမင်တကာ ပတ်တီးစည်းထားတုန်းဖြစ်ပြီး ထိုဟာက အတော်လေးပြင်းထန်သလို ဟန်ဆောင်ထားသည်။
"မင်းကိုယ်က ဒဏ်ရာတွေနဲ့အဆင်ပြေမှာမဟုတ်ဘူး သီချင်းပဲတီးပြတော့"
YOU ARE READING
ဒီလူသတ်သမားကလှည့်ဖြားဖို့လွယ်ကူတယ်/ဒီလူသတ္သမားကလွည့္ျဖားဖို႔လြယ္ကူတယ္
Historical Fictionဟွားချန်းချန်းအနေနေနဲ့ယဲ့ချင်းကိုပထမဆုံးအကြိမ်တွေ့တုန်းကဒေါသထွက်နေခဲ့တယ်။ "ရှင်ကလူသတ်သမားလား" "မင်းကစုံစမ်းရေးအရာရှိလား" လူသတ်သမားတစ်ယောက်ကအရာရှိတစ်ယောက်နဲ့တွေ့သွားတယ်။ "ကျွန်မသူ့ကိုအရင်ဖမ်းပြီးတော့ထောင်ထဲထည့်လိုက်မယ် ပြီးမှရှင်ကသူ့ကိုအခွင့်အရေးရှာပ...
