الكاتبة : كرز العبيدي
...............
غسق : ماما صاحتلي اصيح وتر مادري وين مختفيه
البيت هوسه ومگلوب گلاب بس ادخل بنصهن اضيع على كد ماكو نسوان وبنات والمصيبه كلهن ماعرفهن
صعدت فوك اشوف وتر وين نفخت بضجر واني اشوف التجمع الي صاير على شباك الغرفه
كله علمود يشوفن الچوبي والله بطرانات هذني
فاتن : عزااااا عزاااا لججج غسقق تعاي شوفي وتر عزا بعينها وين رايحه بنص الزلم
غسق : عگدت حاجبي شجاي تحجي هاي قربت يم الشباك بعدت البنات وكفت اباوع
نتبهت على وتر طلعت من المطبخ متجه للساحه لابسة دشداشه مال ولد سوده وعكال احمر مخطط بابيض شايله بأيدها سبحة وتفر بيها
نزلت تركض للمكان الي يجوبون بي وهيه تفر بالسبحه وتفتر
چان اكو ثنين ولد بالنص يجوبون دخلت بنصهم وكامت تجوب وياهم تفتر والسبحه بيدها تفر بيها فاتحه حلگي مصدومه بيها
تقرب المغني واكف يمها ويغني
كوم وياي العب جوبي .....
كوم وكرب من صوبي.....
كوم وخلي يشوفونك.....
المثلك يلعب جوبي.....
وكوم وياي العب جوبي......
واحد من الي جانو يجوبون وكف يباوع عليها مصدوم شلون تلعب وكانو خبره سنين ولا كن كل عمرها 17 سنه بقت بس هيه والثاني يجوبون وابو الطبل وكف بصفها يدك وهيه ولا تعبت تفتر الگل يباوعلها حتى الزلم صفنو عليها
خلصت الاغنيه راحت تتمشى على كيفها انطت السبحه للولد الوكف ماعرف شنو همستله وهو ابتسم اتجهت للمطبخ فاتت وهيه تتمايل كدام الكل كلهم مبهورين بيها وبجرائتها
والبنات عيونهم يتطافر الشر منهن ابتسمت واني اشوفهن هيج مقهورات منها والله يا وتر بيج بله
وتر : دخلت للمطبخ اتنفس سريع ليكلك جنت بسباق ادري بروحي راح انعلس اليوم من امي شلون طلعت بنص الزلم بس المهم سويت البالي
شربت مي وخرت العكال من راسي شمرته بالمطبخ وطلعت الصاله صايره طاخ طيخ كض اخوك لا يطيح
فتت بنصهن وصعدت فوك بدلت الدشداشه مال الولد لبست فستان اسود ستن من فوك تعلاكات والصدر مالته عدل ومن الخصر ضيك ومن جوه كلوشه وطويل بما انو هو عرس
أنت تقرأ
خَطَر ألفَهَد
Actionعائلة دافئة فتاة تتمنى ان تعيش بسلام مع والديها واختها وسط حبهم وحنانهم وتحقيق امنياتها واسعادهم ولاكن هناك من يخالف هاذا الرئي .......
