الكاتبة : كرز العبيدي
.....................
مفتحه اباوع بوجه نايم ملامحه مرتخية براحه راسه على صدري عيوني تتامله ثواني
رفعت ايدي امررها على وجه بلعت ريگ متوترة من حسيت برجفتها زفرت بقوة
اوخر ايدة المحاوطة خصري بهدوء نگلب نايم على ظهرة رفعت الغطة اغطي
عضيت شفتي اتامله تقربت لازمه وجه بايدي ابتسمت من عگد حواجبه متنرفز اثر شعري النزل علية
دنگت اطبع بوسة على شفته نزلت على رگبته ابوسها مغمضه عيوني ادري بي نايم ومستحيل يكون گاعد خصوصا بعد السواه البارحه
تقربت من اذنه اهمس بخفوت
وتر : " يا ترى شنو راح يصير بيك وراي شنو راح يصير بيك من تگعد ومتلگاني شلون راح تدورني باي طريقة "
: " گتلك سابقا راح اخليك تبچي بدل الدموع دم وهسة راح اشوفهن بعيونك "
كملت كلامي ساحبه راسه الي ماخذة شفايفه بين شفايفي همهم بخفه رافع ايدة على ضهري
من حركاته مبين نايم وخرت عنه گايمه نگلب نايم على بطنه حاظن المخدة
مشيت للكنتور اطلع بنطرون اسود وهودي هم اسود لبستهن عالسريع ادور على محفظته
وين مخليها على الاقل اخذ كم فلس شيوديني للموصل بدون فلوس ابتسمت من شفتها على الكومدي
رحت افتحها طلعت منها خمسين وعشرات ثلاثة اخذتهن وشمرتها عالجرباية
طلعت من الغرفة صارت كدامي غرفة الرسم دخلت بيها ادور على ورقة وقلم اخذت منها اباوع للرسمات شلون گدر يرسمهن بهيچ دقة عجيب
كشيت وجهي لعبانه نفسي من شفت رسمتي السز خليت الورقة عالمكتب افكر شنو اكتبله
ابتسمت باستهزاء اكتب بخط حلو
" خدرتني ، صورتني ، هددتني ، اغتصبتني ، كل هذول وتحملتهم لخاطر هاليوم صدگني مو وتر التمررهن الك "
سويتها على شكل قلب وطلعت خليتها جوه تلفونه علمود من يشيله يشوفها طلعت بسرعة اركض نازلة جوه لبست حذائي فاتحه باب الشارع اباوع
السماء بعدها ضلمه تونه بداية شتاء وهسة الساعة ب 7:15 ف السماء مو كلش كاشفة
طلعت اركض بالشارع بكل ما املك سرعة فحطت وگلبي وگف والشارع ما مخلص
رجلية تعبن وصلت يم اسواق چبيرة دخلت اتنفس بسرعة شكلي عبالك وحدة شاردة ديلا عساس اني جاية اتگهوة
اباوع الولد يباوعلي مستغرب رفعت ايدي احاچي
وتر : وين الگه تكسيات فدوة ؟
: خوية خلصي هذا الشارع ودخلي على يمينج بنهايته اكو تكسيات
وتر : تمام شكرا
: دللي
عفته وطلعت اباوع وراي اخاف حس لو گعد وعرفني شردت ويلحگني داهية هذا
أنت تقرأ
خَطَر ألفَهَد
Acciónعائلة دافئة فتاة تتمنى ان تعيش بسلام مع والديها واختها وسط حبهم وحنانهم وتحقيق امنياتها واسعادهم ولاكن هناك من يخالف هاذا الرئي .......
