الكاتبة : كرز العبيدي
......................
الفهد : شتشوفين انتِ يعني ؟
نور : اجيت احاچي وتر مادري بيك هنا
وجهت نضرها الي وجه احمر مبينه ضاجت ابتسمت باستفزاز اغمزلها حچت خازرتني
نور : يلا طالعة اخذو راحتكم
رفعت ايدي اسويلها باي طلعت وسدة الباب قوي رفع حواجبة الفهد معاجبة اندار يباوع علية گلبت عيوني بملل اخذت الدشداشة ورحت للحمام لبستها وطلعت ما لگيته بالغرفة رحت على الباب قفلته علمود ما يرجع يفوت
تمددت على الچرباية احس جسمي مكسر والخياط المه ماكو مثلة الم مجرد خليت راسي على المخدة نمت ما حاسة بشي
كعدت من النوم احس نفسي عرگانه وخرت الديباج عني محتره رگبتي صايرة مي اباوع الغرفة ضلمة الدنيا ليل الواضح اني نمت هواي گمت من الچرباية رحت على المراية اباوع لوجهي
صاير باهت حيل عيوني جواهن صاير سواد قليل شفتي مشكوكه وبيضة باهته دخلت للحمام غسلت وطلعت فتحت الكنتور على امل الكه بي ملابس حته لو مال بيت فتحت البوب كلهن ماكو ملابس
توني اريد اطلع وندك الباب فتحته شفتها صفا ابتسمت بوجهي تحاچيني
صفا : متنزلين ؟
وتر : توني گعدت واريد انزل بس ما عندي ملابس نسيت اجيب وياي عادي تنطيني منچ
صفا : اي حبيبتي تعاي وياي
وتر : رحت وياها فتت بغرفتها فتحت الكنتور وصارت تطلع بالدشاديش العدها لفت انتباهي فستان لونه اسود معلكته تقربت سحبته من الكنتور جان مثل موديل الدشداشة الابستها اني من فوك تعلاكات على شكل فيونكه
ومن يم الخصر مخصر ونازل من جوه منفوش وبي تول فوك القماش بي ورد ناعم كلش حلو موديله
وتر : عادي البسة ؟
صفا : طبعا اذا انتِ متلبسي منو يلبسة لعد يلا اني راح انزل انتِ بدلي وانزلي
وتر : تمام
طلعت من الغرفة واني نزعت الدشاشة لبست الفستان ورحت على ميز المراية ادور مشط فتحت الجرار لكيت بي مكياج رفعت راسي اباوع لوجهي سحبت حمرة نود وخليتها احس وجهي تلون
اخذني الواهس من شفت النتيجه طلعت كونتر استخدمته ك بلشر لخدودي سحبت مسكارة وخليت لرموشي باوعت لوجهي بفرح صار يجنن والكونتر عكس على وجهي بشكل حلو
كلبت شعري انفشة شعري اصلا مو طويل حيل ومدرج احب من اسوي هيچ يطلع احلا مشطته باصابعي وعفته طلع شكله حلو اخذت عطر ورشيت سبحت روحي بي
أنت تقرأ
خَطَر ألفَهَد
Actionعائلة دافئة فتاة تتمنى ان تعيش بسلام مع والديها واختها وسط حبهم وحنانهم وتحقيق امنياتها واسعادهم ولاكن هناك من يخالف هاذا الرئي .......
