الكاتبة : كرز العبيدي
................................
خزر نور شوية ويطلعن عيونه وجه احمر نار طفر من الچرباية ميشوف گدامة دفعها من الباب ونزل يركض ركضت وراه اريد انزل
وگفت بوجهي نور تمنعني من الطريق رفعت ايدي ادقعها من صدرها ليورة ابتسمت بقرف تباوعلي تقربت امشي عليها
وتر : وحق من سماچ نور اذا طلعت السالفة من جوة راسچ راح تشوفين شي كل حياتچ مشايفته
نور : مو كأنو انتِ هواي شايفة روحچ ؟ على شنو ؟
وتر : على شنو شايفة روحي ؟ اني اگلچ على شنو بكل سهولة لان مابايعة روحي للرايح والجاي ولا اسوي اطفال بالزنا علمود اخرب حياة رجال ومرته فهمتي حبيبي ليش ؟
مجرد حچيت هيچ فتحت عيونها بوسع مصدومة بالكلام رفعت ايدي اشرلها على راسي
وتر : لا تلعبين وياي انصحچ لان راح تكونين انتِ الخسىرانه
كملت كلامي وانداريت اريد اطلع سمعت صوت صرخة صفا وعبالك طلعت روحها
انداريت اركض عالدرج اريد انزل الدرج صار بطول الدنيا كلها بالف ياعلي خلصته
عرفتها بعدها بنفس الغرفة دفعت الباب اريد ادخل مانفتح
وتر : لللككككككك فهددددددد افتحححح البااااببببب نورررر تجذذذبببب
سكتت اسحب نفس احس نار بصدري من هاي الحية شلون خبثت عليها على اثر صوتي طلع ابو الفهد من غرفته مبهوت
علي : شكوووو بابا شصايررر خيركمم
وتر : عمووووو عموووو حباببببب افتححح البابببب فهددد راح يموتتت صفاااااا
علي : شكككوووو شصايرررر ليششش يموتهاااا ؟؟؟
وتر : عموووو اللهه يخليككك بعدين احجيلكككك بس خل يطلعععع ويعوفهااااا
عافني وراح للباب يدك علية ويصيح بصوت عالي كل الي بالبيت گعدو حتى عمتي اجت مهبوطه عبالها صارلنه شي
مجرد عرفت صفا جوة وياها الفهد گلبت الدنيا گلاب بالعياط وعمي حار شنو من كلام وغلط وفشار يغلطه على الفهد بس في سبيل يطلع
علي : لككككككككك فهددددددد وحققق من سماككككك الفهدددد اذا ما فتحت البابببببببب اموتكككككك
رفعت ايدي ارجع شعري ليورة درت وجهي اشوف نور واگفة عالدرج وعلى ثغرهة خيط ابتسامه مجرد لمحتها مدري شصار بيه ركضت عليها بسرعة سويت الدرج بايتين
وصلت يمها ودفعتها ليورة مرجعتها علمود محد يشوفنه لزمت ايدي توخرها عن صدرها رفعت رجلي وبركبتي ضربتها على بطنها
أنت تقرأ
خَطَر ألفَهَد
Actionعائلة دافئة فتاة تتمنى ان تعيش بسلام مع والديها واختها وسط حبهم وحنانهم وتحقيق امنياتها واسعادهم ولاكن هناك من يخالف هاذا الرئي .......
