الكاتبة : كرز العبيدي
...........................
گاعد كدامها صافنة بالفراغ بدون ردة فعل من گعدت لحد الان بس صافنه عبالك غايبة عن الوعي لا بچت ولا صرخت ولا شي صار 4 ساعات احاول وياهة بس اريد الفت انتباهة الي ماكو
فضل : شلون يعني راح تضلين هيچ
كمت متقدم عليها گعدت على السدية اباوعلها عيونها حمر بس ما جاي تبجي ادري بيها تسوي روحها قوية بس هاذا مو حل حچت بدون ما تحرك عيونها
فاطمة : بعد ما اشوفها
سكتت شوية باوعت علية نزلن دموعها
فاطمة : بعد ما اسمع صوتها بعد ما افوت للبيت وتتلكاني شلون شلون افوتلة وهية ماكو شلون گلبي ينطيني افوتلة واني طلعت منه هية وياي وارجعله بدونها شلوووننننن
رفعت اديها تضرب على وجها بقوة تقربت لازمها من اديها ما اسيطر عليها تتحرك بسرعة تضرب وتهلس براسها رفعت ايدي ضاربها راشدي
سكنت عن الحركه منزلة راسهة رفعتة تباوع علية وجهة احمر عيونها مليانات دموع ابتسمت تباوع بعيوني تحچي
فاطمة : بعدها ما راحت وصار اليسوة والميسوة يمد ايدة علية
......................
ضحكت بصوت عالي من كل گلبي احس اختنكت حتى دموعي طلعن من الضحك رفعت راسي امسحهن بايدي يباوعلي مستغرب
وتر : اههخ گلبي تدري شغلة !
رفع حواجبة هازلي راسة تحركت ماشية داير مدايرة فر راسة يباوع على خطواتي تقدمت واكفة كدامة نزلت شفتي باسف اردفت بنبرة مستفزة
" تعرف چان بنفسي اكوم ابچي واصيح واكلك لا ليش هيچ سويت بس مع الاسف علية الحلوة "
تغيرت ملامحة كلها بحلق بوجهي مصدوم وعبالك چان متأكد اني حامل وصدمتة ابتسمت بوجها كز عى سنونه متنرفز مني طلع من الغرفة وسد الباب حيل
وتر : عفية عائلة عدكم عداوه وية الباب
التفتت اباوع بارجاء الغرفة صارلي شكد ماسابحة اتوقع هسة عادي اسبح طلعت رايحة لغرفة صفا اريد ملابس هسة تكوم تلطم تورطت بيه البنية
فتحت الباب وهية كمزت نايمة جوه الچرباية
صفا : عزااا عزااا لحد يفوت جاي ابدلل
وتر : اكو وحدة تبدل بدون متقفل الباب
صفا : افففف وگفتي گلبي حته ما الحك البس انبطحت بالگاع نسيت اقفل الباب
وتر : احم اكلچ صفا نطيني دشداشة اريد اسبح والله هاي اخر مره اخذ بعد ما اجي
صفا : شنو السالفة گليبي عادي ملابسي كلها الچ تعاي افتحي الكنتور واخذي التعجبچ
أنت تقرأ
خَطَر ألفَهَد
Actionعائلة دافئة فتاة تتمنى ان تعيش بسلام مع والديها واختها وسط حبهم وحنانهم وتحقيق امنياتها واسعادهم ولاكن هناك من يخالف هاذا الرئي .......
