خَطَر ألفَهَد

البارت 21

الكاتبة : كرز العبيدي

..........................

المكان اضلم هدوء بس صوت اصابعة يتحركن على الميز يدگ بيهن اصبع اصبع اباوع علية صافن بوجهي رجع الكرسي وگام صار يفتر داير مدايري ثبتت راسي اباوع گدامي وگف على يميني

دنگ منحني علية بس مبتعد مو قريب عقچ حاجبة يتفحص وجهي عدل روحه يمسح بوجه اندك الباب طرقات خفيفة

- تفضل

- سيدي نقيب محمد طلب هو يحقق وياها

- اني راح احقق وياها

- سيدي بس

- سد الباب وراك خل اكمل شغلي

طلع الولد وسد الباب وراه سحب الكرسي وگعد گدامي تقدم مرتچي على الطاولة صايرة بالنص وفوكانه ضوة وباقي الغرفة ضلمة رفع ايدة مرجع شعرة

- اي شنو اسمچ

- وتر

- الكامل

- وتر فاضل علي

- شيصير منچ الفهد ؟

- خطيبي

بس حچيتها فتح عيونه مصدوم رفع تك حاجب ونزل شفايفه يهز راسة بتعجب تمتم بخفوت ماگدرت اسمعه شگال رجع روحة مرتاچ على الكرسي

- راح اسئلچ اسئلة وتجاوبيني عليهن واحد واحد خلي اجابتچ دقيقة

صوفر علكيف بحلكه صفنت اباوع علية اشرلي بعيونه على ايدة نزلت نضري عليها تقدم باريحية حچة بصوت ناصي حيل يادوب گدرت اني التقطه بدون مايحرك شفايفة

- اكو كامرات انتبهي لا تضيعين الفهد

حچتها وحمحم بسرعة يگح عقچت حواجبي مستغربة منه شنو اضيع الفهد ليش شكو هو اصلا خزرني ياشرلي بحواجبة حچى بصوت عالي

- راح ابدي وجاوبيني عدل ماريد اي شي غلط كلشي صار تحچينه ماريد حچي من يمچ

هزيت راسي متوترة وخايفة اول مرة بحياتي ادخل مركز

- وين چنتو انتِ والفهد ؟ وشلون گدرتو تدخلون لهذاك المكان ؟

كتفت ادية الصدري احچي بهدوء كلشي صارلي

وتر : البارحة اهلي طلعو كلهم يشترون نيشان لاختي لان خطوبتها قربت واني بقيت بالبيت وحدي اهلي اتصلو على الفهد يجي يمي بما انو هو خطيبي وزوجي باعتباره وهم هو ابن عمي قبل لا يوصل كلت اطلع اشتري كم حاجة واشياء اسوي بيهن گعدة حلوة عيب خطيبي جاي وماعندي شي اضيفة

ضحك بهدوء يباوعلي كملت كلامي استرسلة كلشي

: اخذت فلوس وطلعت من البيت بعد ما سديته وراي طلعت على الشارع العام واخذت كية صعدت بيها الكية چان طريقها نوعا ما على المحل وگلت بعدين اخذ تكسي يوصلني صعدت وچانو بس ولد بالكية شوية وصعدن ثلاث بنات ما مشة ابو الكية شوي