الكاتبة : كرز العبيدي
.............
وتر : فتحت عيوني واحس راسي مسطور سطر باوعت بأرجاء المكان نايمه على الچربايه والغرفه فارغه احنه يم بيت عمي جاين علمود عرس ابنهم الچبير وهاي الغرفه مفرغيها النه اني وغسق
صفنت واني استرجع الاحداث بعقلي شنو صار منو جابني هنا اني اذكر اخر شي فقدت الوعي بالحديقه شلون صرت بالغرفه ومنو هاذا الي هيچ سوه وياي
دفرت الغطه متنرفزه وكمت فتت للحمام غسلت توني
فتحت باب الحمام اريد اطلع وشفت باب الغرفه نسدت ركضت سريع فتحت الباب اباوع بالصاله ماكو احد
ياربي شجاي يصير وياي سديت الباب وقفلته گعدت على الجربايه افكر عقلي راح يطير منو هاذا ؟ وليش هيج سوه
شنو غايته اصلا حتى وجه ما شفته شلونه شلون راح اعرفه واني كلشي ما اعرف غير اسمه
كمت للكنتور كلبته كله بالكاع ماعرف ليش هيج سويت بس هاي بعد اجتني الحاله شفت دشداشه وكعت بالكاع لونها چويتي وبيها من يم الخصر خيوط تنشد تصير من الجهه اليمنى واليسرى كلش حلوه ونازكه
شلتها ولبستها رحت للمرايه اباوع لاكتلي حيل برزت جسمي بطريقه حلوه ابتسمت ورحت على المكياج
سحبت تنت خليت لخدودي وحلكي صار حيل اوڤر اخذت كلنس وخففته خليت مسكاره ومشطت شعري رشيت عطر
توجهت للباب فتحته ونزلت جوه البيت هدوء ولا نفس بس صوت بطني تقرقر من الجوع من البارحه ما ماكله شي وهسه الساعه ب 2:00
رحت للمطبخ لكيت بتهم الصغيره تسوي اكل اي همزين مابيه حيل اسوي اني
نور : صباح الخير تعاي خوش من كعدتي ماحب اكل وحدي
وتر : صباح النور فتحت الثلاجه طلعت منها بطل مي وكعدت اشرب
نور : اكلج وتر عادي اسئلج سوال
وتر : امم اسئلي
نور : ولو خاف تفهميني غلط بس البارحه بالحفله جنت طالعه وشفتج رايحه بجهة الحديقة الخلفية والفهد جان هناك يعني هو صاحلچ لو شنو ؟
وتر : يا فهد هاذا ؟
نور : ابن عمو علي متعرفي
أنت تقرأ
خَطَر ألفَهَد
Actionعائلة دافئة فتاة تتمنى ان تعيش بسلام مع والديها واختها وسط حبهم وحنانهم وتحقيق امنياتها واسعادهم ولاكن هناك من يخالف هاذا الرئي .......
