خَطَر ألفَهَد

البارت 6

الكاتبة : كرز العبيدي

..........

صفنت بوجها ادقق بملامحها حچيت واني افر السالفة عليها

وتر : شيسوي تلفوني بيدچ ؟ وشعليچ بالفهد انتِ ؟

غسق : من صعدت لكيته يدك شفته وقريت الاسم مكتوب الفهد استغربت شيسوي رقمة عندچ

وتر : رحت عليها اخذت التلفون من ايدها احچي
من رحنالهم وطلعت وياه نسيت وين حطيت تلفوني وهو دك علية وراح عن بالي احذف رقمة

غسق : ويدك عليچ هسه ؟

وتر : غسقققق مادري يعني شعرفني ليش دك يجوز يريد يحاجيني على موضوع الخطبة شبيج

غسق : تمام براحتچ رايحة انام

زفرت بضجر
وتر : غسق لا تزعلين مني بس اني متوترة من موضوع الخطبة وانتِ لحيتي

غسق : عادي ما صار شي

وتر : عافتني وراحت لفراشها مددت منطيتني ضهرها عفتها على راحتها هيه هم مدري شبيها صايره تجي من الدوام تنام تكعد تاكل وتصعد حتى مجاي اشوفها

فتحت التلفون طلعت رقمة وحضرتة كافي كل يوم مدخلني بمصيبة يومية واحد لاكفني واكعد ادبرلهم اعذار من وره وجه المحترك صفت اباوع لصورته والله اني الوجهي محترك مو هو يلا على الاقل راح اتزوج واحد حلو

طفيت تلفوني ونمت مرت الايام خالية من الفهد ومراسلاته وجانت ايام تخبل بدون ازعاجه

وماما حايرة بهالمشية والخطبة ما مصدكه بتها صايره عروس يوميه توديني مكان شكل وتكلي شنو يعجبج اخذي للخطبة واني اضل اصفن واخر شي هيه تشتري

هلكت هلاك وهيه ولا يمها لحد ما اجة يوم المشية كعدتني من الصبح علمود المركز رحنه اني وغسق بابا وصلنه وطول الطريق هو مشغل اغاني وغسق تركص وماما بقت تحضر البيت

وصلنة للمركز نزلت حته وجهي ما مغسلته غسق تجر بيه واني احس راح انام اني واكفه دخلنه وغسق حاجت البنية كلتلها عروس صفنت على غسق

وتر : ترا مش  بعدني ما مكمله ماحسلك غير كرصتني بأيدي احس اللحم انشال كفختها على ضهرها حيلل اوووييي كبرررر ايدي كامت توجعني امداججج حيوانه ولي بطلت ماريد بعددد

غسق : امشي لا تزاكطين مو لعب هو وبطلتي هسه ادك على ابوي ترا

وتر : وليي ماعليج اني اروح وليي
رحت مثل الحبابه للغرفه واني شنو اسوي غسق تسوي وياي للحظه حسيتها هية العروس مو اني سولي جلسة تنضيف كاملة جلفوني جلف طلعت وجهي احمر

ودتني البنيه لام المكياچ كعدت على الكرسي وبلشت تحطلي مكياچ واني مغمضة حتى مرتين نمت واحس على غسق تعارك بيها لا تحطين هيج لا تسوين هيج والبنيه بزعت اخر شي عاطت بيها وغسق سكتت