خَطَر ألفَهَد

البارت 13

الكاتبة : كرز العبيدي

....................

واگفة اباوع من الباب ما حاسين بيه اصلا واكفة كدامة دشداشتها نازلة من يم صدرها طالع نصة يباوع عليها لزمت ايدة مخليتها على خصرها سحبها علكيف مقربها اله ضحكت مقربة وجها من وجه

دفعت الباب برجلي داخلة عليهم ابتعدت نور تعدل بدشداشتها وهو ولا تحرك من مكانه ولا كانو جان يلعب بذيلة وياها تقربت واكفة كدامهم رفعت ايدي اصفك حچيت اباوع عليها

وتر : حلوووو تدرين حبيت المشهد بس عندج الدشداشة جانت منازلة هواي نزليها اكثر بالمره الجاية

تقربت علية تحچي مرتبكه
نور : وتر والله اني ماعلية هو صاحلي للغرفة

رجعت للخلف اباوع عليها بهدوء بدون ردة فعل
وتر : جؤؤؤ يا گلبي ليش مو توچ جنتي تضحكين وتدورين بوس ولمسات

وجهت نضري اله بنهاية الكلام ضحك بخفة يباوعلي ابتسمت بخبث على الفكره الاجتني والله لعيشكم برعب حچيت متوجه للباب

وتر : على كل حال اني ميهمني ناركم تاكل حطبكم عندي فيد وهسة انزل اراوي للكل علمود محد يصير شريف براسي من افسخ ويكلي الفهد خوش ولد

تقدمت للباب اريد اطلع اجت نور تركض وكفت كدامي  لزمت ايدي تبچي

نور : وترر والله اني ما علية حبابة لا تراويهم الفديو والله ابوي يذبحني

نترت ايدها من ايدي
وتر : ايدچ لا تلزميني

وخرتها فاتحه الباب لزمتني من ايدي حيل
نور : وترررر وتررر حبابةةة لا حبابةةة ولج والله يكتلونيي والله اني ما عليه هو صاحلي حباابةةة

وتر : من رحتيله للغرفة تغرين بي ما فكرتي يكتلوج اتحملي نتيجة الطيش مالتچ

وكفت كدامي تبچي لزمتني من ايدي لازمه صدرها اباوعلها شنو الي خلاها تسوي كل هاذا بالعرس هية شحلاتها ليش هيچ صارت مو معقولة الحب يسوي هيچ تتخله عن شرفها وعن اخلاقها علمود شخص خاطب اصلا

نور : وتر والله اني غلطانه اصلا ما جان لازم اسمعه واروح للغرفة الله يخليج لا تراويهم الفديو اعتبريني غسق ولا تفضحيني

وتر : مراح اراويهم الفيد بس لان اعرف ابوچ شنو وحرامات يتجازه بهيچ بنية تنزل راسة لا عبالچ اعتبرچ مثل غسق ترحيلها سبع فدوات شجاب الثوم على الحلقوم متكليلي

بس ثقي اذا لمحتچ واصلة للطابق الثاني مراح اتردد بثانية وحدة واني اراويهم الفديو

نور : لا والله والله ما اجي ولا اوصل بس حبابة لا تراويهم ما اجي اصلا هاي راح انزل