خَطَر ألفَهَد

البارت 3

الكاتبة : كرز العبيدي

..............

بطني مغصتني حسيت خلص هاي نهايتي نزلت رجلي من الدرج وكفت اباوع عليه صوته عالي وجه احمر

فاضل : وين موليةةةةةة تعاييييي

وتر : بطني تاذيني رجلية يرجفن من الخوف تشاهدت على روحي وتاكدت الصور صارت يم بابا ماعرف شلون رجليه عانني وكدرت اتحرك قريب من بابا وكفت على مسافة بيني وبينه حتة ماعندي الجرئة اوكف يمه شللون شاف الصور شلون شاف بته بوضع خزي

ام غسق : شبيك فاضل ليش تصيح متشوف البنيه حتة وجها صار اصفر شبيك

فاضل : طبعا يصير اصفر تدرين انتِ بنتچ شمصخمهههههه

ام غسق : دخيلك يا ربي شمسويه شنو فاضل احچي

وتر : غمضت عيوني مستعدة للي راح يكوله قريت على روحي السلام اعرف بابا راح يحجي وراح انفضح واذا الصور شافوها عمامي يمكن حتى يذبحوني بحجة غسل عار عمامي من النوع المتشددين حيل ابوي الوحيد فري بينهم

فاضل : بنتج هااايييي طالعه الاولى على المدرسة وجايبة معدل 97 ورافعة راس اهلها ومخلية البنات يتلاطمن ههههههههه

ام غسق : عليككك اللهه تشاقهه يمه فدوة لبناتي الشاطرة تعاي يروحي تعاي ابوسج الف مبروك يا بعد امچ رفعة راسي اريدج تبقين دائما على هاذا المستوى مابقة شي بس سنة وحده وتخلصين مدرسة وترفعين راسنة انشاء الله

وتر : ماما تباركلي واني مصدومه مو لان ناجحة ولا علمود المعدل اساسا اني من زمان درجاتي عاليه بس مصدومه لان الصور بعده ما دازهن وهاذا الشي ابد ما طمني بالعكس خوفني اكثرر

فاضلل : هههه تعاي باباتي تعاي بنيتي شفايتلي اني عندي هيج بنات رافعات راس ابوهن باخلاقهن وشطارتهن وذكائهن جنت ادري بيج راح ترفعين راسي وتصيرين احلا دكتورة

غسق : اي عيني هو الغزل والدلال بس الوتر خانم غسق صارت كخه

فاضل : تعاي حبيبتي انتِ غير فلذة كبدي انتِ كبرة سنيني اول فرحة بحياتي شلون اني عندي بنات حلوات اموت عليهن