الكاتبة : كرز العبيدي
..............................
طلعت من جوة الدرج اباوعلها مصدومة رمشت احاول استوعب هاي صفا الي جاي تحچي اندارت تباوع شافتني واگفة
نزلت التلفون ورة ضهرها تباوعلي بخوف كلها ترجف هزت راسها تبجي وتشاهك
رحت عليها بسرعة سحبتها فتحت الغرفة الچانت بيها ودفعتها بداخلها
گعدت بالگاع تبچي بدون صوت بس شهكاتها تطلع منها قفلت الباب تقدمت گعدت گدامها رفعت راسها تباوعلي عگدت حواجبي اسئلها
وتر : صفا شنو الصاير ؟ شبيج ؟ ليش تبجين ؟
صفا : وتر اريد احچيلچ كلشي ماگدر اسكت بعد
تربعت گدامها اهزلها راسي مسحت وجها حيل تحچيلي كلشي
صفا : باعي تذكرين من لكيتي السحر بغرفتي واني كتلج انطيته لامي وره ما رحتو انتو امي راحت لمرة تعرف بهالشي وعرفت السحر مسويته الچ وللفهد والنية انتِ ينفر منچ الفهد ويتزوجها
بس حاطته بغرفتي مو غرفة الفهد لان سامعه صوت ف شامرته ونازلة وبعد مالكته لان انتِ لگيتي قبلها
المره كلت لامي تبعد الفهد عنها او هية نور تبتعد عن الفهد لان السحر يحتاجله وقت حتى تخربه واذا تاخرت احتمال الفهد صدك يسويها وبدون وعي يتزوجها
بذاك الوكت اني جنت اراقب بنور وكل تحركاتها وبطلب من امي جانت تطلع هواي واني اتابعها واشوفها وين تروح وين ترجع
لحد ما بيوم گعدت الصبح من وكت تقريبا ب 5 وثلث هيچ توتي فتحت الباب وشفت باب غرفة الفهد نفتح سديت باب غرفتي على كيف بس بقيته شوية مفتوح علمود اباوع
لان ادري بالفهد ميگعد هيچ وكت سكتت شوية تباوعلي
وتر : كملي شصار ؟
صفا : شفت نور طلعت من غرفته والفرحة مالية وجها فتحت عيني مصدومه مو معقولة مستحيل الفهد ميسويها ادري بي يحبج ويريدج اساسا هو كتل روحه عليج
نزلت على الدرج على كيف خليتها تنزل وفتحت الباب بسرعة نزلت وراها بدون متنتبه شفتها دخلت للحمام سبحت وطلعت دخلت بالغرفة الموجودة الها لان هية دائما عدنه
ف بابا سوالها غرفة هو يحبها حيل تانيتها شوية وطلعت مبدلة وعطرها سابقها فتحت بابالمطبخ على كيفها وطلعت انتضرن شوية احسگلبي وجعني عرفتها وراها سالفة
طلعت وراها طلعت من البيت كله تمشي وانب اتاخر يلا الحكها خاف تسمعني او تشوفني
مشت هواي خلصت الشاىع ودخلت بفرع اول ما دخلت بي شفت ولد واگف بركن الشارع رفعت ايدها تلوحله دگ گلبي منها
أنت تقرأ
خَطَر ألفَهَد
Actionعائلة دافئة فتاة تتمنى ان تعيش بسلام مع والديها واختها وسط حبهم وحنانهم وتحقيق امنياتها واسعادهم ولاكن هناك من يخالف هاذا الرئي .......
