خَطَر ألفَهَد

البارت 15

الكاتبة : كرز العبيدي

........................

وجهة نضري اله اباوعلة بجمود واني بداخلي نيران ماريد اسزل كل احاسيسي تگلي اني حامل ومتأكدة هم يباوع بوجهي مبتسم نزل من السيارة وتقدم علية فتح الباب ساحبني من ايدي

سد الباب واحس انسدت الدنيا بوجهي ادعي بگلبي كون يصير شي وما ندخل للعيادة تقدم يمشي عبرنه العيادة باوعت علية يمشي بهمة وسريع خطوة وحدة من خطواتة تعادل ثلاثة من خطواتي

سحبني مشيني سريع خلص الشارع وهو يمشي صار فرع كدامنه دخل بي چانت عمارة ركن ثلاث طوابق وكلها لوحات مال دكاترة دخلنه بيها اخذني بالطابق الثاني اكو مختبر بي ولد محللين

تقدم ولد علينه سلم على الفهد يسالة

: حبيبي تردون تسون تحليل ؟

: نريد تحليل حمل

:اي تفضلو بين ما اجيكم

باوعلي ورجع يباوع على الولد شال ايدة يمسح شواربة تحمحم يحچي
الفهد : ماكو بنات هنا ؟

: العفو صديقي مافهمتك !

الفهد : اقصد يعني بنات يسحبن دم ماكو ؟

: لا والله هية بس وحدة وخلص دوامها توها راحت

دار وجه علية يباوع على ايدي زفر نفس رافع راسة ليفوك

الفهد : خوش يلا صديقي استعجل نريد نروح

راح الولد شوية واجه بيدة ابرة تقدم سحب كرسي خلاه كدامي

: اگعدي علية

وجهت نضري على الفهد  گعدت على الكرسي وهو فتح عيونه يباوع على الولد خزرة وهذاك مدنك علية تقدم سحب الولد من كدامي

الفهد : عزيزي اشتغل من بعيد

ابتعد الولد عني رفعت رداني علمود يسحب دم توة الولد يريد يلزم ايدي عاط الفهد

الفهد : ها هاا خاليي شنييي

: شنو

الفهد : شكو لازم ايدهاا

رفع راسة الولد رفز نفس يحاول يحچي بهدور وياه

: حبيبي يعني شلون اسحب منها دم قابل على الطاقة الشمسية ؟  اكيد راح الزم ايدها

رجع لزم ايدي وهاذا بس يخزر والله يا الله عود شريف والله الولد هاذا اشرف منك

خلص اخذ الدم وراح تقدم علية ساحبني من ايدي قوي عتيت ايدي منه

وتر : ايدككك شبيكك شكلولك علية مطي وصارلك ساعة تسحول بيه

الفهد : صوتچ لا تعلينة علية هاي اخر مرة اعيدها اذا عليتي مره ثانية اصطرچ براشدي كدام كل الموجودين ومحمد