الكاتبة : كرز العبيدي
..........................
سكن عن الحركة ثواني دموعي تنزل منهارة حته فضل حته فضل طمع بيه
شهگت رافعة راسي حيل من سحبني من رگبتي حاط گصته على گصتي مغمض عيونه
ادية خدرانات ورة ضهري عاصرهن حيل ماحس بيهن
رفع ايدة يتلمس وجهي علكيف وخرت راسي اباوعله
بقهر
فضل : اسف
ضحكت ابچي مو معقولة لا يهيني وبعدين يگول اسف
فاطمة : اسف ؟ فضل شجاي تسوي انت فهمني شجاي تسوييي
فضل : اريدچ من حبي الچ هيچ سويت ماريدچ ترحين لغيري اني رايدچ الي
وفاطمة : ههه وتقذف بشرفي ؟
فضل : شلون متزوجة فهميني انتِ صغيرة بعدچ شوكت تزوجتي شوكت خلفتي ؟
فاطمة : بنتي عمرها 4 سنين
حچيتها عيوني بعيونه عگد حواجبة يهز راسة ما مستوعب الي جاي احچي
فضل : فاطمة لا تلعبين باعصابي صدگ جاي تحچين
فاطمة : اذا انت تريدني من صدگ ما اتوقع راح تكون عائق بينه مو صح
صفن يدقق بملامح وجهي كاملة عيونه تفتر على كل جزء بوجهي زفر نفس بقوة راجع بمكانه
سحبت ادية گدامي افركهن چان عاصرهن حيل صايرات حمر وبيهن نقاط
تحرك ماشي بالسيارة درت وجهي احچي بسرعة
فاطمة : اڤين بالبيت وحدها وين تريد
فضل : بنتچ ؟
فاطمة : اي
فضل : لا تخافين منتاخر
رفعت ادية امسح وجهي الغركان بالدموع رجعت شعري من رگبتي امسحها بايدي دار وجهة يباوع على حركتي
زميت شفايفي دايره وجهي اباوع من الجامه طلع من الشارع مال بيتنه
بالي يم اڤين خاف تگعد بس ماگدر احاچي عيوني عالطريق يمشي بسرعة
فزيت من اجاني صوتة يحچي بصوت خشن
فضل : انفصلتي لو توفة ؟
فاطمة : انفصلت
فضل : ليش ؟
بلعت ريگ بصعوبة احچي بخفوت
فاطمة : خاني
دار وجه بسرعة يباوعلي رافع حواجبة بذهول
فضل : خانچ ؟
هزيت راسي باي اكدلة كلامي نزل شفايفة باسف يفر بايدة
فضل : مطي والله عندي هيچ مرة واخونها
أنت تقرأ
خَطَر ألفَهَد
Actionعائلة دافئة فتاة تتمنى ان تعيش بسلام مع والديها واختها وسط حبهم وحنانهم وتحقيق امنياتها واسعادهم ولاكن هناك من يخالف هاذا الرئي .......
