الكاتبة : كرز العبيدي
...........................
گاعدة بالمحاضرة والدكتور يشرح انفتح الباب ودخل ادم بعد ما استاذن من الدكتور الكل توجهت انضارهم علية
غمضت عيوني متنرفزة منهم من يوم العركة وكل ما نتواجد اني وادم بمكان كلها تباوعلنه
اجه باتجاهي اكو ستول فارغ بصفي حاطة بي جنطتي وموبايلي والايباد بحضني وصل قريب علية ابتسم ياشرلي اوخرهم
خزرته متجاهلته اباوع القاعة كلها تباوعلي فريت ايدي اشرلهم شكو وخرو نضرهم ينتبهون وية الدكتور
تقرب ما مهتم شال الغراض حطهن بحضني وگعد صفنت على الغراض
بحضني رافعة حواجبي مررت لساني باطن خدي متنرفزة ابتسمت احچي بصوت عالي
غسق : دكتور اگدر اغير مكاني
- اي بابا تعاي هنا
شلت غراضي گايمة من مكاني سويتله باي بايدي بدون محد ينتبه هزلي راسة عيونه يردن يطلعن من مكانهن
وجه حومر مشيت على الدرج اريد انزل للستول الي گلي الدكتور اگعد علية ندگ باب القاعة ماهتميت مكملة طريقي
وصلت للستول حطيت غراضي علية رفعت راسي متفاجئة من سمعت صوته يحچي وية الدكتور
محمد : اعذرني دكتور قاطعتكم بس اريد خطيبتي صار عدنه ضرف ولازم نطلع ضروري
با علي الدكتور يزفر بقلة حيلة
- والله هية المحاضرة مهمه بس بعد اذا شغلتكم ضرورية الله وياكم
محمد : اشكرك دكتور
دار وجهة علية ياشرلي اروحله عضيت شفتي بتوتر ماريد اطلع وياه اخذت غراضي طالعة سد باب القاعة ولزم ايدي عاصرها يمشي بسرعة
تحمحمت احچي
غسق : محمد ليش اجيت شنو صار ؟
محمد : ماصار شي
غسق : لعد ليش اجيت طلعتني من المحاضرة
محمد : اسكتي
سكتت امشي وياة وصلنه للمصعد داس الدگمة يطلب المصعد تاخر ثواني
فزيت راجعه ليورة من رفع ايدة ضرب الحايط الي بصفه من دون وعي مني صرخت من شفت اصبعة نلوة
باوعلي خازرني سحبني ينزل عالدرج مامهتم لاصبعه يركض ركض على الدرج
ولا كانو وياه شخص طلعنه من القسم صارت گدامنه مجموعة بنات مشيت احاول اوصل لسرعته صرنه مازق گدامهم
يباوعون مستغربين حچيت بسرعة متعصبة منه
غسق : محمددد علكيفككك شبيكك باوع الطلاب شلون يباوعون
أنت تقرأ
خَطَر ألفَهَد
Actionعائلة دافئة فتاة تتمنى ان تعيش بسلام مع والديها واختها وسط حبهم وحنانهم وتحقيق امنياتها واسعادهم ولاكن هناك من يخالف هاذا الرئي .......
