خَطَر ألفَهَد

البارت 19

الكاتبة : كرز العبيدي

.......................

ضليت گاعدة وحدي بالغرفة شوية ونفتح الباب دخل دكتور وياه الفهد وامي تقدم يفر بالقلم البأيدة

- ها شلونها الخاتون ؟

هزيت راسي بخفه
- زينه

- انشاء الله انتِ شنو اسمچ تدرين محد گلي

رفعت حواجبي اباوع علية ابتسم بوجهي خجلان

- وتر اسمي وتر

سحب ايدي يعدل الكانونه ويحچي
- اسمچ وتر ولعبتي بأوتارنه والله

وجهت نضري على الفهد تحمحم بصوت عالي نزل الدكتور ايدي على السدية حچيت اباوع بعيون الفهد

- دومني لاعبة بأوتاركم اني

ابتسملي ابتسامه جانبية سوالي الفحوصات اندار يباوع على الفهد

- كلش ممتازة حالتها تگدرون تمررون 4 ساعات وتطلعوها تعرف هي جانت بغيبوبة ف متحتاج تبقى جرحها لم ومو خطر

ضحك يباوع على امي والفهد
- امج واخوج هواي خافو عليچ لو تدرين شسو.. بعده ما كمل كلامه واجاني صوت الفهد

الفهد : رجلچ قصدك ! رجلها اني رجلها حبيبي

فتح عيونه بصدمة الدكتور دار وجه يباوعلي من فوك ليجوة تقدم الفهد طبطب على كتفه بهدوء بس بداخله عاصفة صايرة

الفهد : ماكو داعي لهاي السوالف انت دكتور وشغلتك بس تعالج المريض وتطلع يعني هسة توكل حبيبي

تفشل بمكانه صار حتى ميعرف شيحچي نزلت شفتي متعجبة عليهم وخر ايد الفهد وطلع

رمقني بنضرة وطلع وراه اجت امي گعدت يمي كل شوي تبوس ايدي ماعندي فضول اعرف اي شي من التفاصيل العشتها هاي الاربع ايام كل الي اريدة اسوي الي براسي حاليا

مر وقت طويل وامي تلوب الفهد اختفى ماشفته بعد انفتح الباب دخلت ممرضة شايلة هدوم الي بدلتلي امي وغسلتلي وجهي شربتني مي طلعت شفته واگف بالباب ساندة نفسي على امي وامشي

مو كلش الم قوي الالم الوحيد الي عندي هو نغزات مكان الطلقة اما باقي الالام راحت واني فاقدة الوعي

نمشي بممرات المستشفى كل عمري ما دخلت مستشفى ومن دخل حياتي الفهد صرت يومية داخلتلها برطمت بشرود اتذكرها شلون اخترقت لحمي

طلعنه من المستشفى جايب السيارة مدخلها صعدت وبوجهة للبيت وصلنه بالف يا علي اول ما دخلت بيتنه احس عافيتي ردت من رجعنه حتى ما تهنيت صدمة ورة صدمة بس هسة احس گلبي بارد ماعرف ليش