خَطَر ألفَهَد

البارت 5

الكاتبة : كرز العبيدي

.............

وتر : فزيت وكع التلفون من ايدي احس گلبي راح يطلع من مكانة ادعي ما سامعتني اجاني صوتها تحاچيني

لُجين : وتر شسوين هنا بنص الليل ويامن جاي تحجين ؟

وتر : هاا وي.. وية صديقتي هاي صديقتي دكت علية تكول حلمت بيج وكعدنه نسولف اني وياها

لُجين : ليش ما بقيتي بالغرفة تحجين وياها لعد

وتر : مو غسق نايمة كلت خاف تكعد خطية انتِ شعجب كاعدة بالعادة انتِ نايمة هيچ وقت

لُجين : فزيت عطشانة وسمعت صوت اجيت اشوف يلا روحي نامي كافي سهر

وتر : دنكت اشيل التلفون من الكاع كدامها شلته وكتلها تصبحين على خير

رحت للغرفة وسديت الباب شوية وسمعت صوت خطواتها تنزل على الدرج يعني نزلت تنفست براحه من صدك حسيت راح انكشف وبدل ما اكحلها اعميها اذا امي عرفت

ضليت للصبح افكر شنو ممكن اسوي شي يخلي الفهد ينسة قصة الزواج او على الاقل يأخرها مانمت ابد

سمعت صوت الاذان يأذن الفجر كمت توضيت ورجعت لبست ملابس الصلاة فرشت السجادة وكفت اصلي مجرد ما سجدت على السجادة دموعي صار تنهمر

بطريقة مو طبيعية حسيت بخشوع مو طبيعي وبنفس الوقت اني تعبانه وذبيت حملي على الصلاة خلصت صلاتي وكعدت ادعي ودموعي تنزل دعيت من كل گلبي ربي يدليني على الطريق الصح

واعرف اتصرف دعيت على الفهد لحد ما الله كال بس لميت السجادة وكمت رجعت لفراشي واحس هم ونزاح عن صدري اخيرا كدرت انام

فزيت الصبح على صوت صراخ كمت مخترعة نزلت جوه لكيت ماما تتعارك ويه غسق

وتر : خيرر شبيچن يمعوداتت شكوو صوتچن شعلوه

لُجين : اني اعلمچ يا غسق خوشش الولد جايني يعاتب شلون تفلين علية كدام الناس ولج شلونن اني هيج مربيتج هو هاذا احترامج للناسس

وتر : اباوع مستغربه يا رجال ماما شكو

لُجين : اختچ هاي الولد اجاني للبيت يكلي خالة يعني احاجيها اكلها اصعدي اوصلج خاف الخط ميجي لان شايفها متاخرة تتفل علية كدام العالم ومستلمته دك غلط فشلتنه الحيوانه

وتر : وهو منو عاتب علية يوصلها ما اجه الخط تعرف تاخذ تكسي وتجي تراا

غسق : هاا شوفي حتى وتر تتفق وياي لج وتر صار ساعة احچييي ومتنطيني مجال ترا هو حيوان ودماغ سزز حجاها بطريقة ايععع مثل وجهه راسة جنه بيتنجانه استغفر الله كوه تخليني احچي

لُجين : انتِ بدل ما تنصحيها تسوي الزين تشجعيها ثنينجن صايرات دماغ سزيات اني اعلمجن