الكاتبة : كرز العبيدي
......................
درت وجهي اباوع على الفهد بصدمة هزلي راسة لا اكثر من مرة فتح الباب مال المكتب دفعني برة وسدة
اباوع بالوجوه كلها تباوعلي الموضفين والموضفات مستغربيني ومستغربين تصرف الفهد شلون دفعني
تقدمت الزم بطاولة من الموجودات احس عقلي وگف مجاي استوعب شنو الي نگال الي قبل شوية اردد كلماتة باذني
" خلي وتر تتعرف على ابن زوجها "
رفعت عيوني اباوع على الموضفة مادتلي ايدها بيها گلاص مي سفري
ماكدرت احبس دموعي ولاول مرة مانكر احس سچاچين دخلن بگلبي مجرد اتذكر الكلمات الگالهن
دفعتها بسرعة اركض اريد اطلع من العمارة كلها ماريد ابقى وصلت للمصعد اول مادست الزر انفتح
طلع ولد من المصعد فتت دافعتة ادوس على الزر اريد الباب ينسد رفعت عيوني علية يباوعلي عاگد حواجبة بصدمة
لابس قاط اسود وقميص اسود فاتح اول دگمتين منه قلصت عيوني من لمحت واشم صليب ونجوب برگبتة توة ينسد المصعد
وشال ايدة يخليها يفتحه انفتح مرة ثانية ودخل هو يباوعلي
غمضت عيوني حيل رفعت ايدي امسح دموعي بوجهي كله
- اه منو مبچي الحلوة
وتر : عفوا ؟ وياي ؟
- لعد وية ابوي متشوفين المصعد فارغ بس انتِ بي
ابتسمت رافعة حواجبي نزلت عيوني على حذائة اباوعلة رافعة نضري على كل جسمة صفنت بعيونة نزلت شفتي باسف احچي بخفوت
وتر : جؤ مو ذوقي
مجرد حچيتها طگها بضحكة ما اشك اذا كل الموجودين بالعمارة سمعوها مال على حافة المصعد مرتچي ويضحك
جسمه يهتز وجه احتقن
وتر : ما اتوقع الكلام الگلتة يستاهل هلگد تضحك !
- اهههخخ هههههههه موتيني وربي حبيتچ لا حبيتچ شنو اسمچ انتِ ؟
وتر : تاج
- اها اسمچ تاج حلو حبيت
وتر : لراسك
بوز شفتة يلقي نظرة علية تقدم يمشي قلصت عيوني بعيونة وگف گدامي رفع ايدة يحك لحيتة
- ماكو داعي تتجاوزين
وتر : بكيفي شريد احچي احچي
- وكحة
وتر : تريد اراويك الوكاحة على اصولها شلون تصير
- لا عندي اجتماع هسة خليها بعدين
أنت تقرأ
خَطَر ألفَهَد
Actionعائلة دافئة فتاة تتمنى ان تعيش بسلام مع والديها واختها وسط حبهم وحنانهم وتحقيق امنياتها واسعادهم ولاكن هناك من يخالف هاذا الرئي .......
