خَطَر ألفَهَد

البارت 16

الكاتبة : كرز العبيدي

............................

المنضر ما اكدر استوعبة البنية واگعة من طولها والكرسي على راسها الدم نازل على الدرج احس رجلية ما يعينني اتقدم واشوفها شبيها اندفعت بقوة عن الباب

دخلو ثنين ولد يركضون عليها احتارو شنو يلزمون منها بالضبط صرخ واحد منهم على الي وياه

: لكككك شيللل الكرسييي عن راسهاااا شيلههه

كام الولد بسرعة يريد يسحب الكرسي فتح عينه بصدمة وهاذا يعيط

: خ..باب... شيللل الن..... شبيك تزوملتتتتتتت

رفع ايده الولد ياشر على راسها كام الي چان گاعد يمها دفعة بقوة تقرب يريد يوخر الكرسي عنها جحضت عيونه يحچي بصوت عالي متحلف بالي مسوي بيها هيچ

: شاگ راسها ابن الك.... اذا ما زوعتك العافية يا ادم ما اتسمى فضل

گعد مقابيلها وسحب الكرسي على كيف راسها صار يصب دم الحافة مال رجل الكرسي جانت داخله براسها شال ايده يريد يشك بديه طلعت شال من جنطتي ودخلت اركض انطيته اله شد راسها بي حيل

شالها وطلع يركض راح وراة الولد الفات وياه گعدت على الكرسي صافنة بمكانها كلة دم شلون صار وياها هيچ خفت من منضر الدم گدامي گمت طالعة من القاعة صح البنية ما اعرفها بس انقهرت عليها حيل لان متاذية بشكل

................................

التفتت اشوف اذا الفهد اجه لو بعده شفته واگف بالحديقة يدخن
تقدمت امشي على كيف شفتها والله شفتها شمرت كارتونه متاكدة سوت شي

امشي على اطراف اصابعي ماريدها تسمعني لمحتها سحبتها جوة الدرج سحبت نفس قوي گلبي يدك بسرعة وصلت يم باب الغرفة صايرة بصف الدرچ

فتحت الباب علمود خاف تريد تطلع اجي بسرعة افوت ومتشوفني اجاني صوتها تحچي بهمس

: كتلچ خليتهه شبيجج

عگدت حواجبي من توضحلي جاي تحجي ويه وحدة ثانية والواضح بتلفون لان اصلا ماكو وحدة اجت وياها سكتت شوية تستمع للطرف الثاني

: والله انطيچ اكثر من الفلوس الترديهن بس خل يصير السويته مو تعبت وگلبي طگ يومية طاردني وين شغلچ لعد

ابتسمت بقرف شگد ايع شخص ما يريدچ شنو هاي اللزكة
: اسمعيني والله اذا خليتي يتزوجني اغرگچ بالفلوس لا تنسين هو هكر وعندة شركة مالت ابو وهو وحيد لاهلة يعني فلوسة ما تخلص انتِ بس خلي يصير الي وبعد لا تفكرين بالفلوس

فتحت حلگي مندهشة والله اني مرته وما اعرف كل هاي المعلومات رفعت ايدي اعدل شعري تصنمت من سمعتها تحچي شنو ماخذة