خَطَر ألفَهَد

البارت 10

الكاتبة : كرز العبيدي

..................

واكفة يم الغرفة الي بيها امي توها طلعت العمليات انفتح الباب وشفت ولد دخل يركض شايل بنية بايدة اباوع عليها ملابسها كلها دم والبنيه تهتز بايدة عبالك ميتة

تقدمن علية الممرضات اخذوها منه خلوها على السدية يستفسرون منه اباوع علية ادية يرجفن وجه اصفر يحجي وياهن عليكف بصوت ناصي حته ماعرفت شبيها

اخذوها مدخليها بغرفة للدكتورة النسائية شوية وطلعت الدكتورة تحچي وتصيح علية اشتد الكلام بيناتهم هو يكللها مرتي واليوم عرسنه وهية تكله ما اعالجها اله تجي الشرطه

اباوع علية وجه صار احمر يحچي بحركه مبين كوه لازم
نفسة شدني حديث المره البصفي وهية تحاچي بتها

: ولچ يمه هاذا مغتصبها عزه بعينه

: لا يمه متشوفي يكللها مرتي

: وليش ما يخليها تجيب الشرطه اذا مرتة منين خايف

: مادري

كشيت وجهي من حديثهن مبين خايف عليها كل هاي الرجفة والغضب ومغتصبها مستحيل اكيد مرتة هاي

رجعت اباوع علية تقدم رجال لزمه من ايدة يحچي وياه

الرجال : عمي خل تجي الشرطه اذا هية صدك مرتك انت ما خايف عليها جاي تكلك راح تموت

نتر ايدة منه يباوع على الدكتورة تقدم عليها يمشي بثبات ولا چنه ذاك الصارلة ساعة يتراجف عليها وهية واكفة تباوع علية مبينه وكحه

وكف كدامها شوية ويلزك بيها وهية ولا تحركت من مكانها رفع ايدة يدك على فوك صدرها ويحچي بصوت عالي

الفهد : خوشش جيبي الشرطة بس ثقي بالله اذا كالت هاذا زوجي تحلمين تشوفين المستشفى بعد اذا ما وديتچ ورة الشمس اعتبي علية

دفعت ايدة عنها تباوع بعيونه
الدكتورة : خوش

عافته وراحت للغرفة البيها البنية طلع تلفونه يتصل ماكو دقايق وشفت ولد اجه سلم علية سلام حار مبين يعرفة لزمة من ايدة وكعدو على الكراسي صايرات بالجهة المقابيلي

يحچون بهمس تمنيت اعرف شنو يحچون اباوعلهم مقلصة عيوني بتركيز رفع راسة الولد الي اجة اجت عيني بعينه واني مقلصة عيوني رفع حواجبة باستنكار هازلي راسة بمعنى شنو ؟

هزيت راسي ماكو شي هز ايدة ورجع يحچي وياه فتحت عيوني بصدمة هاذا هز ايدة علية ؟