الكاتبة : كرز العبيدي
...............
غسق : وتر شنو رئيج بهاذا الفستان احس ما عاجبني بس ماما كالت حلو ابقي لو اروح ارجعه
اباوع على الفستان متانيتها تجاوب وماكو نداريت عليها صافنه هيوووو وترر مو احچي وياچ
وتر : هاا شتردين
غسق : صار ساعة اردم وانتِ تتصفنين باعي هاذا الفستان حلو لو لا
وتر : اي حلو
غسق : كولي والله
وتر : والله
غسق : خوش لعد راح ابقي
وتر : نفخت بضجر كمت من الچرباية فتحت باب الغرفة ونزلت جوه
سمعت صوت ماما تحجي هيه وبابا بالمطبخ صار يومين من رجعنه لبيتنه احنه جنه رايحين لعرس ابن عمي
بيتهم بغداد واحنه بالموصل اصلنه بغداد بس كاعدين بالموصل علمود شغل بابا ميكدر يروح ويرجع ف قررنه
نستقر هنا احنه عائلة متكونه من اربع نفرات ماما لُجين
وبابا فاضل وغسق اختي واني وتر
عائله دافيه مليانه حب وحنان ابوي مشايفة بحنانه علينه مع العلم هو يموت على الولد وجان يتمنى يجيي ولد بس اني وغسق سوينالهم سبرايز
ومع الاسف ماما حملت ب 2 توئم ولد وماتو بطنها بالشهر السابع وعقدت بعد ما تجيب اطفال
رحت عليهم لكيت امي تطبخ وبابا ينضف خضره ضحكت على منضرة
بابا تزوج امي على حب وعانو هواي يلا صارو لبعض ضلو 6 سنين يحاولون ولحد الان حبهم يكبر
طلعت من يمهم وهمه ما منتبهين الي لان بس تشوفني امي تضل تصخرني واني مابية حيل اتحرك
فتحت الاستقبال ودخلت نمت على التخم افكر بكلامة
ليش هيج صار ويايه لو مرايحة للعرس جان ما صار كل هاذا لو مطالعة للحمامات بيومها شلون اكدر اتقبل اسوي هيچ شي
اخون ثقة اهلي شلون امي شيصير بيها اذا عرفت ابوي اختي زين انيي اني نفسي راح ادمرها وراح تخرب كل حياتي بالمقابل شنو بالمقابل يمسح صوري
حسيت بشي حار نزل على خدي رفعت ايدي امسح دمعتي
وبدل ما تنزل دمعة وحده نزلت وياها ثنين وثلاثه واربعه وكامت وحده تسابق الثانيه بنزولها انهاريت ابجي بدون صوت علمود محد يسمعني
صرت اخرمش بوجهي بدون سيطره على روحي شلونننن هيج راح اسوي بنفسي شلونن شلون اكدر ابيع نفسي بهالرخص بس علمود صور اخذلياهن واني غايبة عن الوعي
أنت تقرأ
خَطَر ألفَهَد
Actionعائلة دافئة فتاة تتمنى ان تعيش بسلام مع والديها واختها وسط حبهم وحنانهم وتحقيق امنياتها واسعادهم ولاكن هناك من يخالف هاذا الرئي .......
