الكاتبة : كرز العبيدي
...........................
صفن بوجهي يباوعلي ما مصدگ عيونة بعيوني يلمعن غمض رافع حواجبة فتح يرمش
زميت شفتي احاول اضم ضحكتي منضرة يضحك وهو هيچ مصدوم
كرص ايدي الي على خدة يدگ عليها
الفهد : هاااا
وتر : شها يبعد الها
ابتسم عيونه مدمعات گرفص گاعد بالگاع گدامي رچة ادية على الكرسي مالتي مرتچي براسة عليهن
الفهد : عيديها وتري
دنگت علية ساحبة شفايفي بحلگي تقربت على اذنة مبتسمة احچي
وتر : احبك
ضحك يمسح وجه بايدة متوتر اباوع ادية يرجفن رجيف مو طبيعي
اتفحصة بعيوني كل ردة فعل يسويها كل حركة شنو تاثيري علية كل هالرجيف هذا علمودي
رفع ادية لازم خدودي بيهن احس بهزتهن على بشرتي دفوهن
تقرب علية غمضت من حسيت بدفو شفايفة على گصتي عقچت حاجبي استشعر الدمعةة الطاحت من عينةة
نزولا لخدي مسحها باصبعة بسرعة موخر عني يتاملني دقايق اشوف الحب بلمعة عيونة
الفهد : " حبيتچ وانه والما حاب بس روحي "
رفعت جسمي احضنه عصرني عصر بحضنة نحمد الله المكان الموجودين
بي احنه صاير باخر المستشفى لان مسوينة معزول للاشخاص الي يكونون داخلين بغيبوبة
علمود الهدوء ومحد يجي يمهم بس هذولة العائلة ماتت امهم خطية وصارت هوسة عليهم وطلعوهم فورا
رفعت راسي اباوعلة
وتر : شني لزگت ؟
الفهد : ههههه وجع ميصير حضن مرتي
وتر : اوييي داده غير گاعدين بالمستشفى شبيك متيه
الفهد : وتري
وتر : عيونها
الفهد : انتِ ما تلعبين بمشاعري مو !
صفنت بوجه اعض شفتي مستغربة السؤال او التمهيدة هاي وعبالك يگلي لتفكرين اصلا
بلعت ريگ بصعوبة
وتر : فهد شنو هالكلام ؟
تقرب علية رجعت مرتاچة على الكرسي عيونة بعيوني حاد نضراتة ولا عبالك نفسة الچانن عيونة لمعتهن متنوصف
رفعت حواجبي باستهزاء حادة عيوني علية ابتسمت منزلة شفتي باسف احچي
وتر : اگلك انت الظاهر مو مال هالسوالف عاجبك نضل مثل وضعنا عادي ماعندي مشكلة ترا كُلش ايزي
فهد : وترررر
وتر : خيررر فهد خيررر
فهد : اسمعيني حبيبي اني مو قصدي هيچ شي بس وتر ابد لتسويها اني مو گد فراگج احچيها گدامچ وشتگولين علية گولي
أنت تقرأ
خَطَر ألفَهَد
Actionعائلة دافئة فتاة تتمنى ان تعيش بسلام مع والديها واختها وسط حبهم وحنانهم وتحقيق امنياتها واسعادهم ولاكن هناك من يخالف هاذا الرئي .......
