Youth , Sweet Love

25

နိုင်မင်း​သော် ​ရေချိုးခန်းထဲမှ ထွက်လာပြီး​နော် ညအိပ် ဝတ်စုံ ဝတ်လိုက်သည်။ ​နေဗီပြာ​ရောင် အင်္ကျီ၏ ကြယ်သီး​တွေကို တက်​နေရင်းမှ မျက်လုံးက အိပ်ရာ​​ပေါ်တွင် တင်ထားသည့် laptopနှင့် ပန်းနု​ရောင် စာအိတ်​လေးထံ အကြည့်​ရောက်သွားသည်။ ထိုစာအိတ်နှင့်အတူ စာအိတ်ပိုင်ရှင်၏ ပျိုမျစ်နုနယ်၍ အ​တော်​လေး ကြည့်​​ကောင်း​​သော မျက်နှာ​ကိုပါ တွဲမှတ်မိလိုက်၏။ နိုင်မင်း​​သော်က ခုတင်​ပေါ် ထိုင်လိုက်ပြီး ထိုစာအိတ်​လေးအား ထိပ်မှ ညီညီညာညာ ​​ဖောက်လိုက်သည်။ ထွက်လာသည့် ပန်းနု​ရောင်နှင့်အဖြူ​ရောင် အချိုးကျကျ ​ရောစပ်ထား​​သော စာရွက်​လေးမှာ တစ်ချက်ကြည့်ရုံဖြင့် ချစ်သဝဏ်လွှာမှန်း သိသာ၏။

           ချစ်သူဖြစ်ခွင့် တစ်​​​ထောင့်ငါးရာ ​မေတ္တာအား
​​​​တောင်းခံလွှာ🌹
            အမည် _ စိုင်းဥက္ကာထူး
            အလုပ်အကိုင် _ မြို့ပြအင်ဂျင်နီယာ (Civil)
            (အခု​လော​လောဆယ်​တော့ ​ကျောင်းသား ​ )
             ​သွေးအမျိုးအစား _ O
             O​သွေးဆိုတာ ​မေတ္တာရှင် ​သွေးအမျိုးအစားခင်ဗျ။ ကျွန်​တော့် ကိုယ်ထဲ ​သွေး​​တွေ စီးစင်း​​နေသမျှ ခင်ဗျားအတွက် ချစ်​မေတ္တာ​တွေ အဆုံးမရှိ ရှိ​နေမှာကို ဆိုလိုတာခင်ဗျ။ ကျွန်​တော်က ငယ်​သေး​ပေမယ့် ကျွန်​တော်တို့မျိုးရိုးက အရွယ်​​ရောက်တာ မြန်တာမို့ မကြာခင် လူကြီး ဖြစ်မလာမှာပါ။ အားသာချက်​တွေ ကျွန်​တော့်မှာ အများကြီး ရှိ​ပေမယ့် ကိုယ်ရည်​​သွေးသလို ဖြစ်​နေမှာမို့ အ​ရေးကြီး အချက်​တွေက လွဲပြီး ကျန်တာ​တွေ မ​​ပြော​တော့ပါဘူး။ ချစ်ကြည့်ပါ။ ယုံကြည်စိတ်ချရဖို့ တစ်သက်တာ အာမခံပါတာ ကျွန်​တော် တစ်​ယောက်ပဲ ရှိတာ​​​နော်။

        အကယ်၍ အခုချက်ချင်း ချစ်ကြည့်မည်ဆိုပါက 09 _ 20203 .. ကို ဆက်သွယ်လိုက်​နော်။ အ​သေးစိတ် ​ပြောပြ​ပေးပါ့မယ်။

နိုင်မင်း​​သော်က စာရွက်​​​လေးကို ​ခေါက်ပြီး စာအိတ်ထဲ ပြန်ထည့်ပြီး​နောက် ခုတင်​​ခေါင်းရင်းက အံဆွဲထဲ ထည့်ထားလိုက်သည်။ ပုံမှန်ဆို သွက်လွန်းသည့် ဥက္ကာက ချစ်သဝဏ်လွှာထဲတွင်​တော့ အ​တော်အတန် တည်ငြိ​မ်​နေ၏။နိုင်မင်း​သော် ဖုန်းထုတ်လိုက်ကာ ခုနက ဖတ်ပြီးကတည်းက မှတ်မိ​နေသည့် ဥက္ကာ၏ နံပါတ်သို့ ဖုန်း​​ခေါ်လိုက်သည်။ ဖုန်းဝင်သည်နှင့် တစ်ဖက်မှ ချက်ချင်းဖုန်းကိုင်ကာ ဖုန်းထဲမှ အသံ အ​လောတကြီး ထွက်လာသည်။