𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍 🩰♡ رقصة بين أحضان الموت

| 𝔓𝔞𝔯𝔱 | 19🍷:

                        | 𝔓𝔞𝔯𝔱 | 19🍷:
.
.
.
.

لحق زين على مروان بعدما خرج من القصر ساخط ، قلب بزربة على الموقع ديال سيارتو ونطالق لعين المكان

ولكن كان فات الفوت ديك الساعة ، دخل لقاه جالس بصمت قدام الجتة ديالها وعينيه خاليين من أي إحساس، غير شافو جا خرج بهدوء من تما طلع فسيارتو وزاد، أما زين فعيط على رجالو يتكلفو بالجتة ويرحرقو الدار وجميع الأدلة.

دخل مروان للقصر دوش لبس حوايجو وكان عازم يخرج ديك الساعة ولكن لقا مريم كتسناه فالغرفة.

مريم: أجي اولدي الله يرضي عليك جلس حدايا

مروان: انخرج دابا الواليدة من بعد وندويو

مريم: الخروج مغيهربش اجي لهنا

جلس حداها بصمت ،
حاوطاتو بدراعها حطات راسو على كتفها كداعب شعرو، عاد نطقات

مريم: ماناويش تقوليا شنو واقع، من امتا وليتي تخبي عليا اولدي

مروان: مواقع والو الواليدة غير هني بالك

مريم: واش تخاصمتي مع سا...

مروان: متعاوديش تجبدي ديك السمية الواليدة واخا... مابقات تاحاجة من داكشي (باس يديها) من اليوم مغيكون غير داكشي لي بغيتي

خرج من الغرفة مخليها كتسائل مع راسها

خرج متوجه لسيارتو وفطريقو تلاقا مع عمر اللي كان يالله داخل للدار

عمر: شمن كارتة درتي عوتاني ، زين ممولفش يعيط على رجال

مروان: مزال مدرت والو ، عاد بديت

عمر: دير ليبغيتي مهم قد براسك ، زين مجاش باش ينقي وراك همو كافيه، المحاكمة تحدد وقتها.

مروان: انا قاد براسي كن هاني

_______

فالجامعة كانو الاختبارات يالله سالاو، خرجت أمينة اللي كانت فكلية القانون ، الحلم ديالها هو تكون محامية او قاضية ، تحكم ودافع بالعدل وسط المجتمع الفاسد اللي قليل فين كتكون فيه النزاهة ، حلمها دافع على بزاف دالناس المضلومين خصوصا النساء منهم اللي عاشت وصطهم وشافت شنو كيدوز عليهم من حگرة وعنف وتهميش وبطبع كانت حتا هي ضحية بحالها بحالهم.

غير خرجات مباشرة جبدات الطلفون صونات لعمتها طمنها بأنها سالات وداز كلشي كيف تمنات، قطعات الأبيل من بعد تمشات شوية فالمكان كتستكشفو، عاد توجهات لمحطة الطوبيس شاقة طريق العودة.

نفس الوقت اللي خرجات فيه أية من كلية التسيير و إدارة الأعمال ، اللي دوزات بدورها كونكور وخرجات متوجهة للسيارة ديريكت

اما روح وخديجة فدخلو لاحد القاعات لي كانت خاوية وجلسو باش يدويو على راحتهم

روح: لاش جبتينا هنا اصحبتي راني ميتة بالجوع

خديجة:واصبري شوية فين عمرك مكانش فيك جوع جلسي ندويو بعدا

روح: شنو واقع ياك لاباس

جبدات من صاكها الظرف الاسود وعطاتو ليها مع وحدة من البطاقات لي كانو فيه

شداتو من عندها روح بإستغراب وبدات كتقرا بتمعن

روح: هادشي صدق خطير

خديجة: فكري مزيان أروح إلا بغيتي تراجعي ماعندي حتا مشكل والله

روح: وصافي اصحبتي دوينا مغنخليكش فنص الطريق.

بقاو كيتناقشو من بعد دقائق توجهو للريسطو باش يتغداو.

_______

وسط كافي-بار متموقعة على رمال الشاطئ، كانت مصممة كاملة بخشب رفيع الجودة ، ومصممة من الداخل بطابع كلاسيكي.

كانو جالسين بدر وعدنان كيتناقشو فأمور شي خدمة كانت مشتركة بيناتهم. حتا دخل مروان شاعل متوجه نيشان عندهم فين جالسين.

خبط الكرسي لي كان حداهم حتا تقسم على جوج

عدنان: فراني ونتا جاي بعجاجتك ياك لاباس

بدر: شكاين امروان مالك

مروان: حيد من طريقي نتا الهضرة ماشي معاك

عدنان: شداتك الحالة عليا عوتاني ولا

مروان: قطعتي معايا الوراق، وصلات وقيتك

عدنان(دار يد فوق يد وبدا كيرمقو بنظرات حادة) : يالله وريني شنو فجهدك مدير

بدر: ماشي بلاصة هادشي الدراري تكالماو

تمالك مروان أعصابو بصعوووبة فلحظة بغا غير يجبد سلاحو ويسالي الأمر فثانية.

مروان: جا نهار لي كنتسناوه انا وياك من شحااال هادي... غنتسناك الليلة اجي ووريني حنة يديك كي الرجال.
خرج مروان قبل مايسمع الجواب.

بدر: متقولش ليا غتسمع ليه، ياك قررتي ماترجعش للكومبات

عدنان: ليلة وحدة مدات ماجابت، مظطر نرجع.

*مقتطف من البارت 20*🍷

وسط الحلبة، هتافات الجماهير بدات كتعالا وكتزاد

اضواء منباعتة من السقف مصوبة ناحية الحلبة.

الجميع كينتاضر

دخلو الطرفين رامقين بعضياتهم نضرات حقد و تحدي

الهتافات تعالات ....

الادرينالين رتافع....تسارع دقات القلب.....

كلشي كيهتف بصوت واحد: fight fight fight!!

الادرينالين زاد رتافع.... تسارع دقات القلب

إشارة من يد الحكم معلنة على بداية الكومبا🔥