رقصة بين أحضان الموت 🩰♡𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍

| 𝔓𝔞𝔯𝔱 | 17🍷:

                        | 𝔓𝔞𝔯𝔱 | 17🍷:

.
.
.

﴿لا اعلم ماسر تلك الأمواج ولكنها تحيطني بذلك الشعور الغريب, ذلك الشعور الذي احس به فقط..حين تغيب عني وحين القاك.﴾
.
.
.
.
.

وصلات لمشارف المدينة واتاخدات المنعطف اللي كان غادي للطريق الساحلي فين كانت ال appartement ديالها ، بدات كتستنشق نسيم البحر اللي شحال ماشافتو، حلات السقف دالسيارة مخلياه يتغلغل لأعماقها وهبات الريح مطيرين شعرها .

بعد دقائق وصلات قدام مجمع سكني فاخر اونفاص مع البحر ، واللي ختارتو عمدا حيت كتحماق عليه ومن ديما وهي كتحلم فينما تحل عينيها تسمتع بالمنظر ديالو قدامها.

دخلات باركات السيارة فالباركينغ اللي كان فلاگاف دالمجمع، هزات ليڤاليز وطلعات فالسانسور متوجهة للطابق التاني. وصلات للشقة ودخلات فين كان كلشي مرتب ومنظف بحيت أن الأب ديالها تكلف بكلشي قبل ماتوصل، واهتم بأدق التفاصيل من أجل الراحة ديالها.

من بعد مارتاحت ، رتبات كل حاجة فبلاصتها، عاد اتاصلات بساجد والحاجة غيتة باش طمنهم عليها.

                                ________

مابعيدش بزاف على المكان، فوقت اخر
وسط ريسو راقي اونفاص مع البحر، كان جالس هو وياها طيط اطيط فمنظر رومانسي مع غروب الشمس.
كانو كيدويو وكيشربو قهوة مرة مرة كيضحكو بيناتهم ، مرات اخرى كيبقا غير ساهي كيتأمل فعيونها الخضراء وشعرها الذهبي.

مروان: علمتي واليديك ياك هاد المرة غيقدرو يحضرو، مبغيتيش الخطوبة تأجل مرة أخرى

سارة: حتا انا مبغيتهاش تأجل ولكن ماعندي مندير شغالهم مكيساليوش

مروان: وشنو انا نبقا نتسنا را بغيت نتجمع مع مرتي

سارة: غير صبر أراجلي العزيز قريب نتجمعو.

مروان: يالله نوضي نمشيو للقصر نجلسو مع الواليدة شوية ونتعشاو مجموعين.

سارة(تبدل لونها وتوثرات): لا أحبييي منقدرش اليوم والله، صاحبتي عيانة بزاف طلباتني نبات معاها ومبغيتش نرجعها ليها فوجهها

مروان: إوا صافي ماشي مشكل احبيية مرة اخرى ، نوصلك عندها ؟

سارة: لا لا وصلني غير للدار نحط هادشي لي شرينا ونكمل شي شغال عاد ندوز عندها اصلا را قريبة ليا

مروان: واخا يالله

وصلها قدام الدار ، عنقاتو مودعاه وطلعات للدروج حتا تأكد بلي دخلات عاد نطالق متوجه للقصر.

اما هي غير وصلات تنهدات براحة ونطقات

سارة: وأخيرا تفكيت.
جبدات طيليفونها من الصاك مدوزة الأبيل .

سارة: ألو وي سلوى.... يالله لقيتيني دخلت.... واييه اصحبتي متفكيت منو غا بزز.... معلوم مغنفلتش هاد الافتتاح... راني شريت ديغوب سواغي جداد.....غير نوجد راسي ونشد طاكسي نصوني ليك. يالله بسلامة

                            _______

انسدل ستار النهار ، والليل بدات العتمة ديالو فالسماء السوداء اللي مزينينها النجوم ومضويها القمر اللي كان مكتمل هاد الليلة.

فهاد الاثناء ، طرود مجهولة كانو كيتفرقو على أبواب معظم العائلات.

رن الجرس، حلات المساعدة الباب لقات طرد  صغير محطوط قدام الباب ، تلفتات يمين ويسار مبانليها حتا شي حد، هزاتو وسدات الباب كتفحصو ، مكان مكتوب عليه حتا شي حاجة من غير "خديجة الشرقاوي" دخلات فإتجاه الصالون فين كانت جالسة مع زهرة وأحمد وعدنان بحيت كانو يالله سالاو العشا

المساعدة: أنسة خديجة هاد الطرد ليك
مداتو ليها وانصارفات

خديجة(خداتو من عندها بإستغراب): مكنت كنتسنا حتا شي حاجة

لالة زهرة: حليه شوفي شنو فيه أبنتي

حلات حنان الطرد كتفحص المحتوى ديالو ، لقات ظرف جلدي أسود ، مختوم بختم على شكل عقرب أحمر ومعاه كارط سوداء مافيها حتا شي حاجة من غير كود بار صغير فالجنب وعقرب صغير منقوش وسطها.

حل عبد الحق الظرف الاسود، هز الورقة لي كانت وسطو وبدا كيقرا محتواها.

𝕾𝖈𝖔𝖗𝖕𝖎𝖔 𝕸𝖆𝖗𝖙𝖎𝖆𝖑 𝕬𝖗𝖙𝖘 𝕬𝖈𝖆𝖉𝖊𝖒𝖞

   *دعوة خاصة*

تتقدم إدارة أكاديمية سكوربيو للفنون القتالية إلى دعوتكم لحضور المعسكر التدريبي وذلك يوم الأربعاء المقبل صباحاً.

المرجو تتبع التعليمات  التالية:

•عدم إحضار أي أجهزة إلكترونية بمختلف أنواعها
عدم إحضار او حمل أي وثيقة تتبت هوية المتدرب
•إلزامية إحضار البطاقة المرفقة مع الدعوة
•إحضار الأسلحة والمعدات القتالية مباح

المرجو حرق هذه الوثيقة بعد الإنتهاء من القرائة

حطات سلمى الورقة على جنب وجلسات كتقلب فالبطاقة بين يديها عاد نطقات: كيبانليا غنستمتعو مزيان.

حطات سميحة ورقتها حدا ورقة جواد كيقارنو بيناتهم بعدما سالاو القراية

خدا محمد البطاقة ورما الورقة والظرف فالنار بعدما قراها.

أما كوتر فجبدات مباشرة البطاقة خشاتها فصاكها ورمات الدعوة الظرف بلاما متقراها