| 𝔓𝔞𝔯𝔱 |30🍷:
فاقت أمينة على عادتها من ورا اذان الفجر.... توضات وصلات وناضت كتوجد الفطور بعدما فيقات عمتها تصلي
وجدو فطورهم وجلسو كيفطرو على راحتهم من بعد ناضت أمينة توجد راسها للخدمة والمدرسة مخلية عمتها كتكمل فطورها.... بعد لحظات خرجات من غرفتها توجهات عند عمتها باست ليها راسها ونطقات
امينة: دعي معايا اعمتي
العمة سمية: الله يسهل عليك ابنتي ماصعاب ويبعد من طريقك ولاد الحرام
امينة(بإبتسامة): ااامين اعمتي يالله انا مشيت ردي البال لراسك
خرجات سادة وراها الباب اما العمة فبقات كتقضي شغالها فخاطرها
حتى وصلات العشرة....قررات أنها تخرج تقضا شي ملستزمات للدار
فطريقها تلاقات مع حبيبة لي كانت خارجة بدورها تقضا واللي غير شافتها جات عندها مباشرة
حبيبة: صباح الخير خالتي سمية كيف صبحتو مزيان؟
العمة سمية: الحمدالله ابنتي حبيبة نتي مزيانة ؟ كيف دايرة ختك ؟
حبيبة: لاباس الحمدالله ، امينة شفتها قبيلة مشات لقرايتها
العمة سمية: ااه مشات بكري مسكين...(حسات بنغص فكرشها خلاها تحط يديها عليها بألم)
حبيبة (بقلق): ياك لاباس أخالتي؟؟!
العمة سمية: والو باس ابنتي والو باس... خليتك دابا
حبيبة : لا منقدرش نخليك هاكا شوفي وجهك كيف ولا خلينا نمشيو للطبيب راه غير قريب من هنا نشوفو شنو عندك
العمة سمية: لا بلاش .... متعذبيش راسك.... غنمشي غير للدار نرتاح....غنولي لاباس
حبيبة: أويلي على الدار لا وتقوولي واش نخليك هاكا نتي مقادرة حتا توقفي صبري غنعيط على ولد الجارة يوصلنا دابا
جبدات حبيبة طيلفونها مدوزة المكالمة رغم رفض العمة ولكن مسمعاتش ليها.... وصلاتها للطبيب اللي مكانش بعيد بزاف على المكان ودخلان للعمة للفحص بعدما استناو دورهم بضع دقائق.
خرجات حبيبة مخليا العمة مع الطبيبة كتفحصها ومشات باش تعلم إكرام تلحق عليهم.
رجعات بعد دقائق متوجهة لعند العمة بعدما سالات المكالمة ديالها .... وكيف قربات من الباب لي كان شبه مفتوح تصدمات من اللي سمعات.
العمة سمية: الله يخليك ادكتورة بغيت هادشي يبقا بيناتنا
الطبيبة:امدام المرض را وصل لمراحل متقدمة بزاف ولا بد خاصك العملية فأقرب وقت... ضروري المقربين ديالك يعرفو هادشي السرطان مرض ممعاهش اللعب خصهم يردو ليك البال .
أنت تقرأ
𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍 🩰♡ رقصة بين أحضان الموت
Açãoقصة تحت ظل الموت...إلى أي حد يمكن للحب ان يتجاوز القدر ؟ |𝔖𝔭𝔬𝔦𝔩𝔢𝔯 |✨ وقفو امام حافة الموت . تلفتات وراها كتشوف علو المنحدر لي واقفين فيه الشي لي زادها رعب و خوف . عاودات تلفتات قدامها بعيون دامعة ،تصدمات فاش شافت بلي تحاصرو من كل جهة ومبقاتش...
