𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍 🩰♡ رقصة بين أحضان الموت

| 𝔓𝔞𝔯𝔱 |5🍷:

| 𝔓𝔞𝔯𝔱 | 5🍷:

دخلو الأبناء وجلس كل واحد فيهم جنب الأب ديالو بعدما سلمو على باقي الحاضرين، والثوتر كان مزال باين من طرف معاذ ونعمان اللي كيرمقو بنظرات تحدي

عم صمت لمدة وجيزة حتا تكسر بصوت خطوات الاقدام وصوت رجولي نطق:

""""": سمحوليا على هاد التعطيلة ، كانت عندي مكالمة مهمة.

تلفتو فين كان واقف شاب وسيم ،حروفو كحلين، لابس طقم أسود كسر سوادو بشوميز بيضاء.

•عمر الإدريسي ، الحفيد الاكبر لعائلة الإدريسي ، العائلة اللي كتمتل دور الحكم الأكبر او الوسيط بين العائلات العشرة، الشيء اللي كيخلي الجميع يكن ليهم احترام وتقدير كبير.
بحيت انه بالرغم من ان عائلة الإدريسي خدامة فمجال العقار ، إلا انها كتمتالك اسهم غأغلب الشركات ديال العائلات الاخرى
اما الجانب المضلم ديال العائلة فكان غامض يإمتياز

بعدما سلم على الجميع ، توجه وجلس حدا الأب ديالو عاد نطق هاد الاخير.

ماجد الإدريسي: بما ان عمر جا نبداو الشطر الأخير من الإجتماع.

كلشي سكت وصغا لكلامو بتركيز وجدية.

ماجد الإدريسي:كيف كتعرفو كاملين ، نهار دخلو الكبار لعالم المافيا سنين هادي وقعو على بزاف دالعهودات و الاتفاقيات. وكيف ما حنا سنين وحنا ملتازمين بيهم. ودابا جا الوقت فين تحملو المشعل ديالنا نتوما والإخوة ديالكم.

وبما أنكم الكبار فيهم ، دزتو من الاختبار العام ليفات وبينتو جدارتكم وإستحقاقكم للمنصب لي شادو كل واحد فيكم اليوم. دابا جا الوقت ديال الإخوة ديالكم. داكشي علاش تقرر هاد السنة أن من بينكم اللي غيرافقهم للأكاديمة. غتقومو بدور أساتذة ولازم عليكم تأطروهم وتوجهوهم وتعلموهم من الخبرة ديالكم. وطبعا بلا حتا شي تمييز ، (بنبرة حادة) منبغيكمش تحنو ولا تساهلو معاهم!
اما البقية منكم اللي مغيمشيوش ،غنخبروه بالمهمة ديالو منبعد.

ودابا تفضلو اللي عندو شي سؤال يطرحو

بدر : إلا مشينا حنا شكون غيقابل أمور الخدمة ، منبعد ما ولينا حنا لي ولينا مترأسينها.

ماجد الإدريسي: مافيها باس يرجعو الاباء ديالكم للخدمة مؤقتا، راهم باقين قادين بيها اولا أسي سيف؟

سيف الدين بناني: متافق معاك اسي ماجد، مكاين حتا مشكل من هاد ناحية ، إلا تختار بدر ماعندي حتا مانع.

ماجد الإدريسي: اذا تحسم الامر ، بدر اول منخرط فهاد المهمة.

زير بدر على القبضة ديالو كاتم غضبو .

ماجد الإدريسي : ندوزو للعضو التاني ، معاذ اش ضهر ليك ؟

معاذ : كنرفض نمشي.