𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍 🩰♡ رقصة بين أحضان الموت

| 𝔓𝔞𝔯𝔱 | 7🍷:

                           | 𝔓𝔞𝔯𝔱 | 7🍷:

وسط جبال الريف اللي كيمتد العلو ديالها لألاف المترات ، وبضبط فسلسلة جبال بني يزناسن، تمركز ڤيلاج صغير تحت إسم تافوغالت،

كان متميز بطبيعتو الخلابة، لا من ناحية المناظر الخضراء الطبيعية والأراضي الزراعية اللي كتخلف غلة وخيرات طبيعية من كل الأصناف، لا من ناحية الشلالات والأنهار والمغارات اللي كانت معروفة بيهم المنطقة ، الشي لي كيخليها وجهة سياحية لمحبين التخييم وتسلق والجبال.

كانو أغلب المنازل فهاد الڤيلاج بسطاء بحال ناسهم، مبنيين من الطين ، الشي لي عطا مزيج رائع بين ألوانهم الطيينية وألوان الطبيعة الخضراء اللي كانت محيطة بيهم، بحال شي لوحة فنية رائعة كتأسر العين والنفس.

ولكن كانو بعض المنازل اللي مبنيين بطرق عصرية على شكل ڤيلا صغيرة واللي كيتنميو لكبار المنطقة.

نمشيو لأكبر واحد فهاد المنازل ،
كان على شكل فيلا بطابقين محاوطها سور عاالي، وسطها جردة واسعة مزينة بمجموعة من الاشجار والمغروسات ،مطبخ خارجي، بالإضافة إلى قاعة كبيرة عبارة على مكتب كيتقامو فيه الإجتماعات والجلسات ديال الجماعة. وأخيرا مخزن كبير كيخزنو فيه الحطب وبعض الادوات.

واللي كانت تابعة لشيخ الجماعة، موسى بلحاج، السلطة الأعلى فالدوار، الناس كاملة كتهابو وكتحتارمو. بحيت ان الكلمة الأولى والأخيرة ديالو ، وهو لي كيهتم بجميع شئونهم وميمكنش توقع شي حاجة فالمنطقة بلا علمو ولا شوارو.

فالمطبخ كانت الحاجة رقية واقفة بوحدها على توجاد المسمن والحرشة والبغرير وما إلى ذلك بحكم انه بالرغم من ان موسى شخص غني وذو نفوذ كبيرة الا انه مانع منع كلي يدخل لدارو خدم او مساعدات وهادا كان واحد من بزاف دالقوانين ديالو الصارمة.

الحاجة رقية: ليييلى أااا ليييلى، ارب الزين فين زادت هادي تاني

دخلات بنت شابة فعقدها التاني، زينها
مسرار. بشرتها بيضاء صافية وحروفها كحلين ، لا من ناحية رموشها الكثيفة ، ولا من ناحية شعرها الأسود كسواد الليل اللي كان طويل ،متسلل من تحت الفولار اللي كانت حازماه بيه ولايحاه على كتافها.

دخلات كتزرب فخطواتها هازة بين يديها طاسة كبيرة كتحتوي على بعض الحلويات المغربية.

ليلى: هانا ايما ، هاناا ، را سوبيرة ملقيتهاش فبلاصتها.

الحاجة رقية: اوا زيددد فك إخفناااام (سربي راسك) ضياف پاپاك مبقالهوم والو ويوصلو

بدات كتقاد ليلى الحلوة فالطباسل وكتدوي: ديما ضياف ديما ضياف يدي طابو ،عييت انا.

الحاجة رقية: اصقاااا (سكتي) غيسمعك خوك ويضربك راني منفككش منو .
أجي بعدا ، ماني ثدجا وثماش؟(فين هي اختك)