𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍 🩰♡ رقصة بين أحضان الموت

| 𝔓𝔞𝔯𝔱 |24🍷:

                        | 𝔓𝔞𝔯𝔱 |24🍷:

.
.
.
.
.
.

خرجو خديجة وروح من القصر بعدما دوزات روح الليلة مع خديجة ، خرجو معاهم ليڤاليز حطوهم فالكوفر عاد نطالقو.

خديجة: اووف هاد البلاصة مكايناش حتا ف Gps معرفتش كيفاش انديرو نوصلو فالوقت

روح: كن غا وصلنا خوك داك النعت لي نعتنا وخرج زربان مفهمت منو والو

خديجة:قالك مننوع يوصلنا شي حد ولا بد نمشيو بوحدنا

روح: اوا صافي معليش سيري على الطريق لي قال لينا ونسولو شي حد إلا تلفنا

خديجة: داكشي لي فكرت فيه تا أنا ، نقدرو نلقاو فالطريق شي حد كنعرفوه

بعد مدة وصلات خديجة لمحطة وقود وقررات تهبط تسول شي حد تما

لمحات واحد الشاب كان واقف كيعمر ليصانص للطونوبيل ديالو وعاطيها بالظهر.

خديجة: سمحليا عافاك نقدر نسولك

بقا ساكت مدة وجيزة وهو باقي عاطيها بالظهر، حس بوخز فقلبو وهو كيسمع صوتها اللي شحااال ماسمعو ، كان متأكد بلي هي قبل حتا مايتلفت عندها حيت نبرة صوتها مستحيل تخفا عليه.

تلفت بقا كيشوف فيها شحال عاد نطقات فاش حسات بالاحراج

خديجة: بغيت نسولك عافاك على Scorpio academy إلى كتعرفها، بغيت نعرف اشمن طريق خصني نمشي علي...

"""""(مقاطعها): رجعي منين جيتي

خديجة(بإستغراب): كيفاش مفهمتش ؟؟

""""":هاد الطريق لي باغا تمشي فيها عندها باب واحد ، باب الدخول صافي.

خديجة: مافهمتش شنو كاتقصد شكون نتا أصلا ؟؟؟

""""": كملي الطريق حتا الأخر ديالها غتلقاي بلاكا حمرا ضوري معاها غتكوني وصلتي ورا 10 دقايق
وتفكري هضرتي مزيان

طلع فسيارتو ممخليش ليها فرصة فين تجاوب ، وبدورها مشات لسيارتها وهي منداهشة

روح: امضراا عرفتي الطريق

خديجة (وهي ساهية): متأكدة شايفاه فشي بلاصة من قبل... معرفتش فين

روح:شكون هادا

تلفتات وراها ولكن السيارة كانت مشات رجعات شافت فخديجة اللي كانت باقا ساهية

روح: واا خديجة شرحي ليا شواقع مفهمتش

خديجة: والو صافي نساي يالله نمشيو دغيا مبقاش الوقت

انطالقات متبعة الطريق اللي وصف ليها وبعد دقائق وصلات قدام مبنى كبيير أسوارو عااالية والحراسة قدامو كانت مشددة

دخلات بالسيارة قدام بوابة كبيرة واللي غي وصلات قدامها تحلات. دخلات لباركينغ كبير كانو مصفوفين فيه بضع سيارات اخرى