𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍 🩰♡ رقصة بين أحضان الموت

| 𝔓𝔞𝔯𝔱 |3🍷:

| 𝔓𝔞𝔯𝔱 |3🍷:

غادر المكان ساخط ركب فسيارتو مكسيري وهو كيتحلف يرد دقتو.

قاطع تفكيرو صوت الطلفون اللي جاوب عليه بزربة.

""""":وي نعام الوليد

: شهاد التعطيلة امعاذ الاجتماع مبقالو والو ويبدا كلشي تقريبا وصل

معاذ: هانا جاي فالطريق ، شكون كاين تما

:بناني و الادريسي والعلوي وولادهم
بنجلون والشرقاوي راهم فالباب.

معاذ (بنظرة ساخطة) : كن هاني شوية وانا معاك
قطع الأبيل وزاد فالسرعة مزير على الڤولو ، مخلي وراه غير العجاج.

_______________________

فمنطقة خارج المدينة ، تمركزات فيرمة كبيرة بمواصفات عصرية. محاوطينها أشجار الارز العالية والگارد تفرقو فكل مكان الشي اللي عطا للمكان خصوصية وسرية تامة.

هاد الفيرمة ذات ملكية مشتركة، كيعتامدوها العائلات فالمناسبات والاجتماعات الخاصة من سنيين،

واليوم جا النهار لي غيتجمعو فيه 3 الأجيال.

•الأجداد اللي بالحكمة و الرزانة ديالهم قدرو يطبعو اسمائهم ويبنيو امبراطويات ديالهم بالرغم من المشاكل والصعوبات .

•الأباء اللي بفضل دهائهم قدرو يطورو إرت ابائهم ويزيدو بيه للقدام

•والأبناء او الاحفاد لي غيحملو المشعل ديال ابائهم وغيهزو الحمل ديال عائلاتهم مستقبلا

وقفات سيارة احمد الشرقاوي قدام البوابة الرئيسية للفيرمة لي تفتحات مستقبلاهم. وتبلاصات فالمكان المخصص ليها.

أحمد الشرقاوي (موجه كلامو للسائق): غير نزل نتا اولدي.

نزل السائق السائق عاد كمل كلامو موجه بالنظر ديالو لعدنان.

عدنان (بقلق ): كاينة شي حاجة الوليد؟

احمد الشرقاوي : كاين.
على حساب مافهمت من جدك الكبار قررو بلي حتا نتوما خصكم تمشيو مع خوتكم.

عدنان (شاف فيه بتعجب) : ياك مشينا العام لي فات مفهمتش شنو باقي بغاو واش حنا قد داكشي.

احمد الشرقاوي: عارف ونتا مغتمشيش غير تهنا.
داكشي علاش قدر تقتي فيك وجمع راسك شوية هاد الحالة ديالك مبقاتش عاجباني.

عدنان: ياك الخدمة غادا مزيان واش نبقا مخنوق 24/24 راه حتا أنا بنادم كنبغي نفوج على راسي شوية

احمد الشرقاوي: عارف الخدمة غادا فوق مزيان وحتا جدك كيشكرك ، ولكن اولدي حضي راسك نتا عارف عديانا كتار ، كيتسناو ضعف واحد منك ، وأنا مباغيش نترزا فيك.

عدنان: كن هاني عليا الوليد ماعندهم مايصورو مني.

نزلو من السيارة تزامنا مع وصول سيارة من نوع ميرسيدس جي گلاص نزل منها جواد بنجلون بعدما لبس فيسط سوداء فوق الشوميز ، رفقة الاب ديالو عاصم بنجلون. اللي كيف شافوهم توجهو عندهم مبتاسمين.