𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍 🩰♡ رقصة بين أحضان الموت

| 𝔓𝔞𝔯𝔱 | 20🍷:

                        | 𝔓𝔞𝔯𝔱 | 20🍷:

.
.
.
.
.
.

خرج الحاج موسى بعدما كان ساد عليه فبيتو ماباغي يشوف حد، جلس مع راسو مدة طويلة فكر فيها وخدا قرارو
هبط التحت وفطريقو داز على الصالون فين كانو رقية وليلى كيخملو

رقية : طلقي راسك ونتي تقيلة نفضي مزيان داك القنت

ليلى: اوووف واراني عييت واش غير مشات أمينة باغين....

موسى بلحاج (مقاطعها): منعاودش نسمع هاد السمية فداري واش فهمتووووو، ديك البنت ماتت ودفنتها نهار خرجات من هاد الباب
(شاف فرقية)تحركي سربي وجدي ليا قهوتي
(تلفت عند ليلى) ونتي تحركي عيطي لخوك قولو يلحق عليا للبيرو

مشا موسى لقاعة الاجتماعات ، وماهي إلا دقائق كانت رقية جابت ليه قهوتو ويوسف لحق عليه

يوسف: شغنديرو دابا الواليد فهاد العار لي خلات علينا البرهوشة، قيمتنا غتمرمد فالدوار
انا كنقول نعطيوهم ليلى بلاصتها

موسى بلحاج: لا! ليلى متصلاحش
خلي هادشي عليا ، نتا لي قلتو ليك طبقو بالحرف وصافي

يوسف: فين عمري طيحت من كلامك أبا

موسى بلحاج: وحتا دابا مغطيحوش

قبل مايجاوب يوسف كان دخل الحاج العربي ومعاه الابن ديالو واللي هو الرجل لي بغا يخطب أمينة .

موسى بلحاج: تفضل اسي العربي مرحبا

الحاج العربي: ياك شي باس ماواقع اموسى هاد تعييطة ديالك على الصباح مطمنتنيش.

موسى بلحاج: مكاين غير الخير الحاج تفضل ، تشرب شي حاجة

الحاج العربي: غير دخل فالموضوع ديريكت ، كنا معولين نجيو نخطبو غدا ياكما مابقات بو خطبة راحنا درنا الكلمة زعما

موسى بلحاج: حاشا اسي العربي، غير هو بنتي متصلاحش لولدك وولدك مايصلاحش ليها

الحاج العربي: شهاد المواصل وصلنا ليهم اسي موسى

موسى بلحاج: كيف قلتليك اسي العربي، انا عطيتك الكلمة ونتا باغي تناسب معايا ياك ، اوا انا كنطلب يد بنتك لولدي يوسف على سنة الله ورسوله ، وحنا لي جايين نخطبو غدا ان شاء الله

يوسف(بصدمة): أشنوو

رمقو موسى بنظرة صارمة خلاتو يسكت

الحاج العربي: اوا على هاد الحسب ماقلتي عيب اسي موسى ، ملقانا غدا ان شاءالله

الابن: كيفاش ماقال عيب أبا انا بغيت أمينة

الحاج العربي: سد فمك شهاد الهضرة كتقول ، جمع الوقفة زيد قدامي

تسالمو من بعد مشا كل واحد لشغالو ويوسف كان سااخط بقرار باه لي جاه على غفلة

                            _______