| 𝔓𝔞𝔯𝔱 | 22🍷:
.
.
.
.
.
بدات الشمس كتلوح خيوطها معلنة على بداية الشروق ، بالرغم من ان الظلام كان باقي طاغي.
فهاد الوقت كان بدا كيرجع لوعيو نسبيا وهو كيحس بالحريق فجنبو وذاتو فاشلة عليه بحكم انه خسر بزاف ديال الدم، فنفس الوقت كان كيحس براحة غريبة اول مرة كيحس بيها فحياتو
حل عينيه بشوية كيشوف فالسقف وارجاء المكان وهو معارفش راسو فين وكيفاش حتا وصل لهنا.
تلفت جنبو فين كانت جالسة فالكانابي وغارقة فنعاسها ، حاول يتفكرها شكون ولكن مقدرش يميزها كانت هادي اول مرة يشوفها فحياتو.
مد دراعو ببطئ فمحاولة منو انه يفيقها
حسات بحركة حداها وهي تفيق بحكم انها كانت دايرة بالها معاه.
أية: فقتي ، الحمدالله على سلامتك
عدنان: فين انا شنو كندير هنا وشكون نتي (حاول ينوض)
أية: تهدن ، خليك فبلاصتك راك باقي مريض
شداتو دوخة الشي لي خلاه يجلس شاد فراسو
اية (بقلق): واش نتا بيخير ؟
حرك راسو بالإيجاب
أية: بلاتي نجيب ليك كاس دالما
مشات للكوزينة وتما تفكرات بلي خصها تصوني لصاحبو اللي وصاها تخبرو بأي حاجة.
مدات ليه الكاس ودخلات لبيتها هزات طيليفونها مدوزة الأبيل
فالوقت لي كان بدر مع أحمد الشرقاوي فالسيارة وقربو للمجمع السكني فين كاين عدنان عند أية،و معاهم سيارة دالكارد وسيارة اخرى فيها طبيب وممرضة ومجهزة بأدوات طبية
أحمد الشرقاوي: وهاد البنت بعدا نقدرو نديرو فيها التقة ، شنو يضمن لينا بلي مغتمشيش للبوليس
بدر : لا لا معندنا مناش نخافو بانت ليا نية دغيا تيقات داكشي لي عاودت ليها ، كن هاني اعمي غنتكلف بالموضوع
قاطعو صوت صونيط الطلفون
بدر:هاهي البنت كتصوني (جاوب على المكالمة)
اية: ألو ، بغيت غير نقوليك السيد صاحبك راه فاق
بدر: وايلي بصح، الحمدالله
شوية ونكون تما انا قريب
اية: واخا.
خرجات لعندو لقاتو جالس ساهي ، قربات بخجل ونطقات
اية: صاحبك مابقالو والو ويكون هنا
عدنان(بقلق):شكون هاد صاحبي مقالش ليك سميتو ؟
أية: قال سميتو بدر يمكن
عدنان(عاد ارتاح): ااه صافي
وصلو قدام المجمع وطلع بدر معاه ممرضة جارة كرسي متحرك
أنت تقرأ
رقصة بين أحضان الموت 🩰♡𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍
Acciónقصة تحت ظل الموت...إلى أي حد يمكن للحب ان يتجاوز القدر ؟ |𝔖𝔭𝔬𝔦𝔩𝔢𝔯 |✨ وقفو امام حافة الموت . تلفتات وراها كتشوف علو المنحدر لي واقفين فيه الشي لي زادها رعب و خوف . عاودات تلفتات قدامها بعيون دامعة ،تصدمات فاش شافت بلي تحاصرو من كل جهة ومبقاتش...
