| 𝔓𝔞𝔯𝔱 | 9🍷:
غربات الشمس ومبقا منها إلا قرص صغير بدا كيختفي بشوية بشوية وراء البحر ، وتزينات السماء بمنضر بانورامي ممزوج بين لون السماء البنفسجي اللي تخلطات بالغيوم البرتقالية ولون البحر الأزرق.
قدام هاد المنظر كانت جالسة فتاة شابة ، عيونها واسعين بحال الغزال ، شعرها مموج داعبو الريح لايحو من اتجاه لأخر.
كانت حاطة بين أناملها قلم كترسم بيه المنظر لي قدامها بكل تركيز ودقة عاطية لكل تفصيل حقو.
بعدما سالات الرسمة ، سدات دفتر الرسم اللي كان متوسط الحجم ، حطاتو فصاكها مع باقي أقلام وادوات الرسم . وناضت كتمشا جنب البحر. هي من طبعها عزيز عليها ترسم البورتيرهات وتفنن فملامح الناس اكتر من المناظر الطبيعية ، داكشي علاش كانت كتمشا وكتقلب على شي شخص يثير إهتمامها، ولكن مكانوش بزاف دالناس فالارجاء.
قاطع سهوتها صوت من خلفها
السائق: انسة حنان تبغي نمشيو دابا ولا باقي ، السي سيف تاصل وكيسول
وهو كيدوي معاها لمحات محطة الطرامواي لي كانت فأخر الشارع وممتدة السكة ديالو على طول الطريق الساحلي.
السائق: أنسة حنان ؟
حنان: غير سير نتا غنرجع بوحدي للدار، قول لبابا مغنتعطلش.
السائق: مفهمتش كيفاش ؟؟
حنان: قوليه هادشي لي قلت ليك
مشات قبل ماتسمع جوابو متوجهة نيشان لمحطة الطرام
وماهي إلا لحظات حتا وصل . طلعات لأول مرة كتكتاشف هاد الاجواء اللي عجبوها ، لقات بزاف دالناس من مختلف الاعمار. لدرجة بقات حايرة شكون ترسم
فمكان قريب ، وسط يخت فاخر ، تزينو اطرافو بزينة حفلات فالاسود والذهبي ، وتوضع بيفي كبير فيه مختلف انواع المشروبات الكحولية منها واللي بدون كحول، وايضا المقبلات الحلوة والمالحة بكل الاصناف.
توضعات اخر اللمسات على الترتيبات وتقريبا كلشي وجد للإحتفال بعيد ميلاد الوريث الأصغر لعائلة مرابط.
عبد الحق مرابط اللي الليلة غيكمل 25 من عمرو.
بداو المدعويين كيحضرو. وطبعا كل أحفاد العائلات العشر كانو مدعووين،
دخل مروان بعدما بلاصا سيارتو Porsche gt4 rs فالمكان المخصص ليها.
لقا عدنان واقف مع بدر وعبد الحق.
مشا جيهتهم سلم عليهم وهو كيرمق عدنان نظرات حقد.
مروان (ضرب على كتف حبد الحق بمزاح): سنة سعيدة، وجد ليا راسك غنتهلا فيك مزيان فالأكاديمة
عبد الحق: كن هاني موجود
بدر: هادا را يرجعوه من باب الاكاديمية ميدخلوهش گاع يسحبليهم غا شي حد سالت من الليسي
أنت تقرأ
رقصة بين أحضان الموت 🩰♡𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍
Acciónقصة تحت ظل الموت...إلى أي حد يمكن للحب ان يتجاوز القدر ؟ |𝔖𝔭𝔬𝔦𝔩𝔢𝔯 |✨ وقفو امام حافة الموت . تلفتات وراها كتشوف علو المنحدر لي واقفين فيه الشي لي زادها رعب و خوف . عاودات تلفتات قدامها بعيون دامعة ،تصدمات فاش شافت بلي تحاصرو من كل جهة ومبقاتش...
