| 𝔓𝔞𝔯𝔱 |26🍷:
.
.
.
.
.
فالأكاديمة كان كلشي تقريبا فالشومبر ديالو بعد يوم طويل خالي من أي احدات.
هدوء غريب ساكن المكان، اولا بالأحرى هدوء ما قبل العاصفة.
فالوقت لي كل واحد من ابطالنا وشنو كيدير
فجأة
وبدون سابق انذار.
تسمعو اصوات انفجارات وتطاير الرصاص من مصدر مجهول الشي لي خلا الجميع يترعب.
تفزعات سلمى اللي كانت دايرة ماسك فوجهها وناضت قافزة
سلمى: ياربي سلامة اش هاد هادشي
اما كوتر فبقات متكية فبلاصتها شادة كتاب فيديها كتقلب فصفحاتو بعدم إكترات
قربات سلمى للباب فنية منها انها تطل ولكن وقفات بكلمات كوتر اللي نطقات وهي باقا شادة الكتاب بين يديها
كوتر: بلاما تحاولي تحلي داك الباب رجعي تكمشي فبلاصتك
سلمى: ماشي سوقك فيا ندير ليبغيت
كوتر: اييه بصح ماشي سوقي فيك موتي لابغيتي تموتي ولكن الليل هادا ماباغا ندوز حتا شي تمرين بغيت نعس، والا حليتي الباب غنظرو بجوجنا نتدربو.
سلمى: شكتخربقي قالو لينا التمارين غيبداو حتال غدا
كوتر: مسكينة ، إلا كنتي غتيقي فأي حاجة كتقاليك الله يرحمك من دابا.
رجعات سلمى لبلاصتها بلاما تزيد تناقش حيت هي عارفة كوتر فايتاها بزاف فالخبرة ومغتجيب حتا شي هضرة من فراغ.
فالوقت لي كانو خديجة وروح جالسين فبلايصهم مفزوعين مفاهمين والو. قررات سميحة اللي بدورها تفزعات تخرج وتفقد الوضع ولكن حبساتها حنان.
حنان: واش منيتك بغيتي تخرجي بلا سلاح
سميحة: معرفتش...خفت على خويا بزاف مفكرتش فيها
حنان:تهدني فهاد الوضع خص تحافضي على الهدوء ديالك، جايبة معاك سلاح؟
سميحة: ااه اه عندي بلاتي (مشات للبلاكار عمرات مخزن السلاح عاد جات عند حنان) ونتي ؟؟
حنان: عطاوني واحد ولكن مكنعرفش نخدم بيه مزيان غنهزو معايا احتياط وصافي
سميحة: واخا يالله خليك ورايا
خرجو بحذر كيتلفتو يمين ويسار، فوقهم مباشرة فالطابق الخامس كانو محمد، جواد و عبد الحق خارجين مسلحين بدورهم هابطين التحت فإتجاه مصدر الصوت.
عبد الحق: شنو غيكون هادشي
جواد: منعرف يمكن شي إختبار
محمد: مزيانة نيت كان بدا يجيني الملل
أنت تقرأ
𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍 🩰♡ رقصة بين أحضان الموت
Açãoقصة تحت ظل الموت...إلى أي حد يمكن للحب ان يتجاوز القدر ؟ |𝔖𝔭𝔬𝔦𝔩𝔢𝔯 |✨ وقفو امام حافة الموت . تلفتات وراها كتشوف علو المنحدر لي واقفين فيه الشي لي زادها رعب و خوف . عاودات تلفتات قدامها بعيون دامعة ،تصدمات فاش شافت بلي تحاصرو من كل جهة ومبقاتش...
