| 𝔓𝔞𝔯𝔱 | 12🍷:
استئذنات خديجة ودخلات تشوف جدها مخليا روح كتخنزر فالتهامي.
كان الحاج علي يالله سالا الصلاة،
مشات عندو عنقاتو وباست ليه على راسو.
الحاج علي مرابط: اهلا اهلا بنتي الغزالة،
خديجة: كيف داير اجدي لاباس عليك ، توحشتك.
الحاج علي: الحمدالله ابنتي ، حتا انا توحشتك
ولكن بلاتي مال هاد العوينات مقلقين
كنضن فهمت الموضوع ، خبراتني ماماك بلي خرجتي مقلقة من الدار
هبطات راسها بحزن
الحاج مرابط: نتي عارفة معزتك عندي ابنتي ، نهار سميتك على المرحومة، عرفتك مغتاخديش غير سميتها ولا ملامحها وصافي، شفت فعينيك الطيبوية والإنسانية ديالها.
ولكن ابنتي فهاد الحالة ماعندي ماندير ، هادشي ولا بد منو وملزوم عليك تمشي ، إلا مامشيتيش غتعرضي باباك وخوك والعائلة كاملة فمشاكل كباار.
خديجة: مابغيتش نمشي اجدي عافاك متخليهمش يصيفطوني ماباغاش ندخل للمافيا.
الحاج مرابط (حط يديه على خدها): وشكون قالك ابنتي ادخلي لهاد العالم ، هادشي كيبقا اختيارك والإرادة ديالك حتا شي حد مغيبززو عليك كنواعدك بهادشي
خديجة: واش بصح؟
الحاج مرابط: عطيتك وعد وغنبقا على قد كلمتي، مادام نتي ماباغاش حتا حد مغيبزز عليك ، غدوزي من مرحلة الأكاديمية وديك الساعة نتي لي غتقرري مستقبلك.
عنقاتو بفرح ، واخا كانت مزال متقناعات بفكرة انها تمشي الأكاديمية من الاساس ولكن ضمنات ان جدها غيوقف فصفها فحالة مابغاو يدخلوها لأعمالهم.
الحاج مرابط: وجدي راسك مزيان ابنتي هاد المرحلة ماساهلاش،غندوي مع خوك يخبرك بگاع داكشي لي غيخسك تعرفي.
خديجة: واخا اجدي، نخليك دابا غيخصني نمشي. تهلا فراسك
توادعات مع جدها والبقية ، وطلعات هي وروح للطونوبيل خارجين من القصر.
روح : شنو طرا عاودي ليا واش بغا يعاونك؟؟ مغتمشيش دوي خلاص راسي ضرني
خديجة: اووف شغنقوليك قاليا ولابد نمشي ، ولكن مغيخليهومش يدخلوني فخدمتهم بزز مني، غير نخرج من الاكاديمة انا لي نقرر يعني.
روح: وا المهم اللهم هاكا ولا بلاش
خديجة:انا ماباغاش نمشي ماباغاش نمشي فمررة
روح: وصافي تهدني دابا نلقاو شي حل
فين نمشيو دابا ؟
خديجة : ماما من الصباح وهي كتصوني خصني نمشي للدار شحال ماهربت منها غنرجع ليها غنرجع
تبغي نوصلك للدار ولا تمشي معايا؟
أنت تقرأ
رقصة بين أحضان الموت 🩰♡𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍
Actionقصة تحت ظل الموت...إلى أي حد يمكن للحب ان يتجاوز القدر ؟ |𝔖𝔭𝔬𝔦𝔩𝔢𝔯 |✨ وقفو امام حافة الموت . تلفتات وراها كتشوف علو المنحدر لي واقفين فيه الشي لي زادها رعب و خوف . عاودات تلفتات قدامها بعيون دامعة ،تصدمات فاش شافت بلي تحاصرو من كل جهة ومبقاتش...
