"وسلام على كل روح غادرتنا دون وداع"🕊️
بدات الشمس كتغيب وراء الأفق تدريجيا وسط سماء مغيمة طاغي عليها جو كئيب...
فهاد الاثناء الكل فالأكاديمية كان فغرفتوو جالسين بهدوء فالوقت لي كانت لعبة جديدة كتوجد ليهم.
وقف مروان على الطاقم اللي كانو كيوجدو القاعة لي غينظم فيها اللعبة ديالو كيعطيهم التعليمات من بعيد وكينفخ سيجارتو حتا قرب حداه نعمان ونطق : شفتك وجدتي ليهم إختبار ساهل وبالتخبية بلا خبار حتا شي حد من الاطر ...وهادشي ماشي من عوايدك ...لاياش كتخطط؟
مروان: بشوية بشوية... غادي نبدا اللعب مع بنت الشرقاوي...نهار بنهار...من شحال وانا كنفكر...دابا جات وقيتها
نعمان(نطق وهو منصارف): إوا حضي مع لعبك لايصدق مقلوب عليك
مشا مخليه كيكمل تجهيزاتو بدون ميتسوق لكلامو
وصلات 8 دالعشية والكل مزال فغرفتو...حتا سمعو صوت النداء لي كيناديهم يتوجهو لقاعة الرماية فين غتقام اللعبة
نطقات خديجة مخاطبة روح:اووف عوتاني لعبة
روح: يااربي دوز على خير...معرفتش علاش ولكن خايفة
خديجة: متخافيش اصاحبتي انا معاك ان شاءالله غدوز مزيان... يالله نمشيو
خرجو بجوج لاحقين على البقية لي كانو ديجا وصلو قبل منهم
نطق مروان بعدما وصل الجميع: بما ان كلشي هنا... نبداو على بركة الله اللعبة ديالنا.... وبما انكم يالله دوزتو الصباح تمرينات ولعبة.... فهاد اللعبة غادي تكون ساااهلة وبسييطة... ختاريت نسميها لعبة التقة...وفنفس الوقت هي إختبار لدقة التصويب على الهدف لي كل واحد فيكم خصو يكون متمكن منها... القوانين كالتالي....فكل جولة غادي يكونو جوج مشاركين منكم ....(اشار بصبعو إتجاه احد الجدران) واحد غادي يوقف تما وهاد التفاحة غادي تحط فوق الرأس ديالو... والآخر غادي يكون هاز السلاح والمطلوب انه يصيب ديك التفاحة بدون اضرار للطرف الاخر.....
ظهرات علامات راحة على وجوههم لسهولة نظرا لسهولة اللعبة ولكن سرعان ماتبدلات الراحة خوف بعدما كمل كلامو
مروان: بدون اضرار للطرف الآخر ولكن... غادي يكون ساد عينيه.... يعني الشخص لي غتختاروه خاصكم تكونو تايقين فيه وبزاف... حيت غادين تحطو حياتكم بين يديه...وكل واحد فيكم عندو الحق يتختار غير مرة وحدة فقط...وحيت نتوما غير 9 غادي نقرر على حسب المستوى ديالكم شكون يمكن ليه يتختار جوج دالمرات....(شاف إتجاه سميحة وجواد) ونتوما ماعندكمش الحق تختارو بعضياتكم باش تكون المساواة بين كلشي... إلا كلشي واضح يالله نبداو غادي نبدا الإختيار عشوائيا
بدا مباشرة ماعاطيهمش الفرصة يفكرو ولا يدويو بيناتهم ويتافقو
اشار بصبعو لكوثر ونطق: نبداو بيك نتي ختاري
أنت تقرأ
رقصة بين أحضان الموت 🩰♡𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍
Hành độngقصة تحت ظل الموت...إلى أي حد يمكن للحب ان يتجاوز القدر ؟ |𝔖𝔭𝔬𝔦𝔩𝔢𝔯 |✨ وقفو امام حافة الموت . تلفتات وراها كتشوف علو المنحدر لي واقفين فيه الشي لي زادها رعب و خوف . عاودات تلفتات قدامها بعيون دامعة ،تصدمات فاش شافت بلي تحاصرو من كل جهة ومبقاتش...
