𝕯𝖆𝖓𝖈𝖎𝖓𝖌 𝖎𝖓 𝖙𝖍𝖊 𝖆𝖗𝖒𝖘 𝖔𝖋 𝖉𝖊𝖆𝖙𝖍 🩰♡ رقصة بين أحضان الموت

| 𝔓𝔞𝔯𝔱 |2🍷:

                         | 𝔓𝔞𝔯𝔱 |2🍷:

﴿ سـتـقـابـلـيـن الكـثـيـر فـي حـيـاتـك أجـمـلـهـم مـن يـحـبـكـ بـلا سـبــب و أقــبـحـهــم مـن يـكـرهـكـ بـلا سـبـب﴾ 

خداو فطورهم وجلسو فالطيراس دالكافيتيريا كياكلو وكيدويو حتا قاطعهم صوت السيارة اللي كانت جاية بسرعة خيالية الشي لي خلاهم يتلفتو جيهتها.

فرانات الطونوبيل حتا تحكو روايضها مع الارض بقوة.

نزل منها شاب وسيم بشعر اسود ،عيون داكنة وفك حاد لابس شوميز ابيض سامبل مع دجينز اسود ، فالجهة المقابلة نزلات فتاة جميلة ببشرة قمحية وشعر طويل اسود رابطاه ذيل حصان، وعيون داكنة بدورها.
لابسة دريس بيضاء فوق الركبة مع باسكيط بنفس اللون.

تمشاو داخلين والانضار كاملة موجهة ليهم

•جواد وسميحة ، توأم غير حقيقي فعمرهم 24 سنة،
الوريثين ديال عائلة بنجلون، العائلة العريقة اللي كتمتاهن صناعة النسيج وتصميم الملابس الفاخرة بكل انواعها .امتدات العلامة التجارية ديالهم عبر سنين طويلة فالمجال ، وقدرات تبرز سلطتها ومكانتها بين كل الشركات المنافسة. وطبعا كانت واجهة امام الناس بحيت ان عائلة بنجلون كتعتابر من بين اكبر العائلات المصدرة للممنوعات لأوروبا.
قد ما كيبانو هاد الجوج مرتابطين ومتفاهمين قد ما هوما العكس تماما ، ديما مضاربين بحال القط مع الفار ولكن فالاخير كيبقاو اخوة وتوأم ولا بد ما كيكملو بعضياتهم وكيحنو على بعضياتهم.

توجهات سميحة للكلاص ديالها نيشان ، اما جواد فتوجه عند صحابو خبرهم يأجلو الخرجة اللي كانو مخططين ليها بحجة انه غرض مهم وتوجه لسيارتو مغادر المكان مكسيري كيف عادتو.

خديجة: بداو فالاستعراضات عوتاني.

روح: شكتعرفي على ولاد بنجلون ضروري ماكيبغيو يخطفو الأضواء كيف العادة . كنقوليك ديما نتي الوحيدة لي كنحس بيك طبيعية فهاد l'université كاملة.

خديجة(ابتاسمات): ونتي الوحيدة لي كتفهميني وكتحسي بيا كلشي كيشوفني مصطنعة غير حيت مكنتباهاش بالفلوس بحالهم.

روح: خليهم يموتو بسمهم غير الحسد هاداك . خلينا منهم
يالله نمشيو يالله نلحقو ال cours

فنفس الجامعة ، كانت جالسة فالريسطو دايرة رجل فوق  رجل معاجبها حال ،ضايرين بيها جوج بنات كيف ديما.
بنت شابة فأوائل العشرينيات من عمرها ، كتمتاز بأنوثة طاغية،لا من ناحية شكلها ولا من ناحية ملابسها اللي كانو مختارين بعناية، كيف لا وهي البنت الصغرى ، سلمى الاميرة المدللة ديال عائلة بن صغير الغنية عن التعريف ، بنت مغرورة وعنيدة واللي، بغاتها كتحضر فالحين.

•عائلة بن صغير استمدات ثرائها الفاحش من العمل ديالها فمجال المحروقات والبطرول ، عندهم علاقات اقتصادية مع شركات كبرى خصوصا فدول الخليج ، وبرغم من أنها مهيمنة على حصة كبيرة من السوق . إلا انها كتشهد منافسة دائمة مع عائلة بناني اللي مشاركينهم نفس الضومين.
وطبعا هاد العائلة مسلماتش تاهي من عالم المافيا والإجارم. بحيت انها كتاجر فالممنوعات والسلاح بالموازات مع عملها الرئيسي

كانت جالسة والملل قاتلها فنفس الوقت معصبة حيت الأب ديالها رفض انه تمشي معاه الإجتماع.

حتا لمحات بنت داخلة لابسة نفس الغوب اللي يالله شرات تبسمات بمكر حيت جابليها الله فاش تبرد أعصباها.

خدات كاس العصير لي قدامها وتوجهات عندها مرسومة على وجهها ابستامة خبيتة

وقفات قدامها وبدون سابق انذار خوات عليها العصير الشي لي خلاها تقفز بصدمة. تحت ضحكات جميع الحاضرين

سلمى : مكاينش هادي الي تلبس الحاجة قبل مني

خرجات تابعينها صحاباتها مخلياها كتغوت بحرقة.

                           _________

فمكان اخر، وقفات سيارة من نوع BMW قدام ديبو فمكان بعيد على الأنظار. نزل منها بكل كاريزما شاب فالتلاتينيات من عمرو بشعر اسود ،حروف ملامحو طاغية عليهم الجدية.
اما هيئتو الرسمية اللي كانت اسود فأسود فعطات انطباع على شخصيتو الصارمة والعصبية.

توجه للداخل بعدما خدا واحد من رجالو الفيسط ديالو ، بدا كيفك صدف اكمام الشوميز وكيطويها عاد نطق.

""""":فين هو

واحد من الرجال: فلاكاف اسيدي

توهجه ديريكت للتحت بعيون سااخطة حل الباب بقوة زعزعات هدوء المكان
لقا رجل مربوط ومعلق كيف طلب من رجالو
خطا خطوات تابتة وسرعان ماتحول غضبو لإبتسامة باردة خلات الاخير يتجمد فبلاصتو مرعوب حيت عرف نهايتو قربات.
وصل قدامو وبدون سابق انذار حيد ليه السكوتش لي كان ساد فمو الشي لي خلاه يغوت بحر الألم
ونطق ببرود وهو كيلوي باندة على يديه: مغنخويش معاك الحجرة بزاف نتا ميت ميت فكل الأحوال
عرفتي علاش

بقا ساكت الرجل لي تبدل لون وجهو بالخلعة ومنطق بحتا كلمة

- معرفتيش اكيد
اولا حيت مشاربش قهوتي، تاني حاجة حيت كنكره البيادق بحالك اللي كيتحركو بالفلوس ، اللي طاح بين يدي مكنرحموش.
داكشي علاش غير نطق بشكون مصيفطك تحرق السلعة، ارحم ليك حسن ماتموت موتة معذبة.
بعدما سالا جملتو ربط الباندة فاليد التانية
وقبل مايسمع جوابو بدا كيوجه ليه لكمات متفرقة فالجسم ديالو كامل غير مبالي بصخرخاتو ولا توسلاتو ، بحالا كيطريني فكيس ديال الملاكمة.
تحولات الباندة البيضة فيديه لحمرة بسباب الدم لي غمر جسد داك الرجل وحتا من يديه بحر اللكامات لي عطا.

وقف كيسترجع فأنفاسو بعدما عرق مزيان. كيتمنضر فاللي قدامو كيفاش وجهو وجسمو كامل تشوه ومبقاش قادر حتا يغوت حيت اصلا اغلب سنانو طاحو.
قرب ليه بعدما مسح وجهو بالفوطة لي عطاوه رجالو. شد الفك ديالو بين يديه مقرب
"""""": نطق!!
بدا كيلفض بحروف متقطعة واللي كيف سالاهم لفض اخر انفاسو.
:ال.....ع...ل..و....ي

غادر المكان ساخط ركب فسيارتو مكسيري وهو كيتحلف يرد دقتو.

قاطع تفكيرو صوت الطلفون اللي جاوب عليه بزربة.

""""":وي نعام الوليد

: شهاد التعطيلة امعاذ الاجتماع مبقالو والو ويبدا كلشي تقريبا وصل

معاذ: هانا جاي فالطريق ، شكون كاين تما

:بناني و الادريسي والعلوي وولادهم

معاذ (بنظرة ساخطة) : كن هاني شوية وانا معاك.